Viral Video : સાપનું નામ સાંભળતા જ ઘણા લોકોની હવા ટાઈટ થઈ જાય છે. આ સ્થિતિમાં જો તમને અચાનક બ્લેક કોબ્રા (Black Cobra) દેખાઈ જાય તો શું થશે ? સ્વાભાવિક છે કે તમે તમારી જાતને બચાવવા અહીં-ત્યાં દોડવા લાગશો. આ દિવસોમાં સોશિયલ મીડિયા (Social Media) પર એક વીડિયો શેર કરવામાં આવ્યો છે, જેમાં એક વ્યક્તિ ગ્લાસમાં ખતરનાક બ્લેક કોબ્રાને પાણી પીવડાવતો જોવા મળી રહ્યો છે. આ વીડિયો જોયા બાદ લોકોના હોંશ ઉડી ગયા.
વાયરલ વીડિયોમાં તમે જોઈ શકો છો કે એક વ્યક્તિના હાથમાં પાણીનો ગ્લાસ છે. જ્યારે એક કાળો કોબ્રા તેની ખૂબ નજીક દેખાય છે. આ વીડિયો જોયા બાદ યુઝર્સ (Social Media) ચોંકી ગયા છે. આ વીડિયો જોઈને કેટલાક લોકોએ આ યુવકને પાગલ ગણાવ્યો છે. વીડિયોમાં તમે જોઈ શકો છો કે સાપ કેટલો ભયંકર દેખાય છે. જો કે, પાણી પીતી વખતે તેણે આ વ્યક્તિ પર કોઈપણ રીતે હુમલો કર્યો નહોતો. આ વીડિયો હાલ ઈન્ટરનેટ પર ખુબ પસંદ કરવામાં આવી રહ્યો છે.
જુઓ વીડિયો
વીડિયો જોઈને યુઝર્સ કંઈક આવી પ્રતિક્રિયા આપી
આ વીડિયો સોશિયલ મીડિયા પ્લેટફોર્મ ઈન્સ્ટાગ્રામ પરથી oyal_pythons_નામના એકાઉન્ટ પરથી શેર કરવામાં આવ્યો છે. યુઝર્સ આ વીડિયો શેર કરી રહ્યા છે અને તેના પર વિવિધ પ્રકારની પ્રતિક્રિયા આપતા જોવા મળી રહ્યા છે. આ વીડિયોને અત્યાર સુધીમાં એક લાખથી વધુ વ્યુઝ મળી ચૂક્યા છે.
એક યુઝરે પ્રતિક્રિયા આપતા લખ્યુ કે, આ પાગલપન છે… જો સાપે ડંખ માર્યો હોત તો શું પરિણામ આવત ? જ્યારે અન્ય એક યુઝરે લખ્યુ કે, પાણી પીતી વખતે આ ઝેરી સાપ કેટલો શાંત અને સુંદર દેખાય છે. એકંદરે આ વીડિયો લોકોને ઘણો પસંદ આવી રહ્યો છે.
આ પણ વાંચો: આ ચોરને ધોળા દિવસે ચોરી કરવી પડી ભારે ! ચોરી પકડાઈ જતા જોયા જેવી થઈ, જુઓ Video
આ પણ વાંચો: Viral : આ નાની બાળકીએ સોશિયલ મીડિયા પર મચાવી ધમાલ ! ખતરનાક સ્ટંટ જોઈને લોકોના ઉડ્યા હોંશ