Viral Video : સ્વિગી ડિલિવરી ગર્લને ફૂડ સાથે વ્હીલચેરમાં આવતા જોઈ શરમાય ગયો ગ્રાહક
સોશિયલ મીડિયા પર હાલમાં જ એક વીડિયો વાયરલ થયો છે. આ વીડિયોમાં એક વિકલાંગ મહિલા મોટરચાલિત વ્હીલચેર પર ફૂડ ડિલિવરી (Food Delivery) કરતી જોવા મળે છે.
તમે એ કહેવત તો સાંભળી જ હશે કે જો હિંમત હોય તો વ્યક્તિ જ્યાં ઇચ્છે ત્યાં પહોંચી શકે છે, પરંતુ સમસ્યા એ છે કે દરેક વ્યક્તિમાં આ હિંમત હોતી નથી. લોકો જીવનમાં કંઈ પણ કરતા પહેલા હાર માની લે છે, પરંતુ જે લોકોમાં હિંમત હોય છે, આત્મવિશ્વાસ હોય છે, તેઓ દરેક પડકારને પાર કરી લે છે. આજકાલ સોશિયલ મીડિયા (Social Media) પર આવો જ એક વીડિયો વાયરલ (Viral Video) થઈ રહ્યો છે, જેમાં તેણીએ પોતાની હિંમત, પોતાના આત્મવિશ્વાસથી લોકોને પ્રેરિત કર્યા છે અને કરી રહી છે. સામાન્ય રીતે લોકોના મનમાં એવી માન્યતા હોય છે કે વિકલાંગ લોકો જીવનમાં કશું કરી શકતા નથી, પરંતુ આ છોકરીએ સંજોગો સાથે સમાધાન કર્યા વિના જે આત્મનિર્ભરતાનો માર્ગ અપનાવ્યો છે, તે અન્ય વિકલાંગોને પણ પ્રેરણા આપી રહ્યો છે.
ઘણીવાર લોકો જ્યારે ફૂડ ઓર્ડર મોડો થાય છે ત્યારે ડિલિવરી એજન્ટની ખૂબ મજાક ઉડાવે છે, પરંતુ જ્યારે તેઓ ડિલિવરી એજન્ટની મજબૂરી જાણતા હોય છે, ત્યારે તેઓ ખૂબ જ સારી રીતે ટ્રીટ કરે છે. ઘણી વખત લોકો નાની નાની વાત પર ફોન કરીને ગુસ્સે થઈ જાય છે અને જાણ્યા વગર ડિલિવરી એજન્ટ પર ગુસ્સો કરે છે. કેટલાક ડિલિવરી એજન્ટ્સ મુશ્કેલ પરિસ્થિતિઓમાં પણ ગ્રાહકને તેમનું મનપસંદ ફૂડ પહોંચાડતા જોવા મળે છે.
સોશિયલ મીડિયા પર આવા ઘણા વીડિયો અને ફોટા જોવા મળે છે, જેમાં ડિલિવરી એજન્ટ ક્યારેક ભીના, ક્યારેક ચપ્પલ વગર, ક્યારેક વ્હીલચેરની મદદથી ગ્રાહકને સમયસર તેમનો ઓર્ડર પહોંચાડવાની કોશિશ કરતા જોવા મળે છે. હાલમાં આવો જ એક વીડિયો સોશિયલ મીડિયા પર વાયરલ થઈ રહ્યો છે.
અહિં જુઓ વાયરલ વીડિયો
बेशक मुश्किल है ज़िन्दगी… हमने कौनसा हार मानना सीखा है! सलाम है इस जज्बे को ♥️ pic.twitter.com/q4Na3mZsFA
— Swati Maliwal (@SwatiJaiHind) September 10, 2022
આ વાયરલ વીડિયોમાં એક વિકલાંગ મહિલા મોટરચાલિત વ્હીલચેર પર ફૂડ ડિલિવરી કરતી જોવા મળે છે. આ દરમિયાન મહિલાએ સ્વિગી સર્વિસની ટી-શર્ટ પહેરી છે. આ વીડિયો સ્વાતિ માલીવાલ નામની યુઝરે સોશિયલ મીડિયા પ્લેટફોર્મ પર શેર કર્યો છે. આ વીડિયોને શેર કરતા કેપ્શનમાં લખ્યું છે કે ખરેખર જીવન કેટલું મુશ્કેલ છે. આપણે ક્યાં હાર સ્વીકારતા શીખ્યા છીએ! આ ભાવનાને સલામ છે.
વાયરલ થયેલી આ પોસ્ટ પર યૂઝર્સ ઉત્સાહપૂર્વક પોતાની પ્રતિક્રિયા આપી રહ્યા છે. સામાન્ય રીતે લોકોના મનમાં એવી માન્યતા હોય છે કે વિકલાંગ લોકો જીવનમાં કશું કરી શકતા નથી, પરંતુ જે વ્યક્તિની વાર્તા સોશિયલ મીડિયા પર વાયરલ થઈ રહી છે, તેણે સંજોગો સાથે સમાધાન કર્યા વિના આત્મનિર્ભરતાનો માર્ગ અપનાવ્યો છે. અન્ય વિકલાંગ લોકોને પણ પ્રેરણા આપે છે.
