Trending video: ગર્લફ્રેન્ડે 3400 કિસ કરી… VIDEO થયો વાયરલ, 55 લાખ વ્યૂઝ મળતાં જ પોલીસે ફટકાર્યો ₹5,500 નો દંડ

સોશિયલ મીડિયા પર રાતોરાત પ્રખ્યાત થવા અને રીલ્સ પર લાઇક્સ તથા વ્યૂઝ મેળવવાનું ભૂત આજકાલ યુવાનોના માથે સવાર છે. આ જ ઘેલછામાં મધ્યપ્રદેશના ગ્વાલિયરમાં એક અનોખો અને ચોંકાવનારો કિસ્સો સામે આવ્યો છે, જ્યાં એક યુવકે પોતાની કિંમતી કારને ‘કિસિંગ કાર’માં ફેરવી નાખી હતી. પરંતુ ટ્રાફિક નિયમોની અવગણના અને કાર પરની આવી કારીગરી યુવકને ભારે પડી ગઈ અને મામલો સીધો પોલીસ સ્ટેશને પહોંચી ગયો. યુવકે તેનો વીડિયો બનાવીને ઇન્સ્ટાગ્રામ પર અપલોડ કર્યો હતો, જેને માત્ર એક જ દિવસમાં આશરે 55 લાખ વ્યૂઝ મળી ગયા હતા. પરંતુ આ વાયરલ વીડિયોએ ટ્રાફિક પોલીસનું ધ્યાન પણ ખેંચ્યું હતું.

3400 કિસ અને સાડા 3 કલાકની મહેનત

ગ્વાલિયરના રહેવાસી આદિત્ય સિકરવારે પોતાના ઇન્સ્ટાગ્રામ એકાઉન્ટ માટે ટ્રેન્ડિંગ રીલ બનાવવાનું આયોજન કર્યું હતું. આ પ્લાન હેઠળ આદિત્યની એક મહિલા મિત્રે પાર્ક કરેલી કારની આખી બોડી પર લાલ રંગની લિપસ્ટિક લગાવીને એક પછી એક આશરે 3400 વખત કિસ કરી હતી. કારના બોનેટથી લઈને દરવાજા સુધી, દરેક જગ્યાએ માત્ર લિપસ્ટિકના ઘાટા નિશાન જ દેખાઈ રહ્યા હતા. આદિત્યના જણાવ્યા મુજબ, આ સમગ્ર અનોખી ‘કિસિંગ આર્ટ’ પૂર્ણ કરવામાં તેની મિત્રને લગભગ સાડા ત્રણ કલાકનો સમય લાગ્યો હતો.

55 લાખ વ્યૂઝનો નશો અને રસ્તા પર બેફામ ગતિ

કારને લિપસ્ટિકના નિશાનોથી સંપૂર્ણપણે ઢાંકી દીધા પછી, આદિત્ય તેને રસ્તા પર લાવ્યો અને પૂરપાટ ઝડપે દોડાવીને તેનો વીડિયો શૂટ કર્યો હતો. આ વીડિયોને ‘કિસિંગ કાર’ નામથી ઇન્સ્ટાગ્રામ પર અપલોડ કરવામાં આવ્યો હતો. જોતજોતામાં રીલ ઇન્ટરનેટ પર વાયરલ થઈ ગઈ અને માત્ર 24 કલાકમાં જ તેને 5.5 મિલિયન (આશરે 55 લાખ) થી વધુ વ્યૂઝ મળી ગયા. પરંતુ જેમ જેમ વીડિયોના વ્યૂઝ વધતા ગયા, તેમ તેમ આ મામલો ગ્વાલિયર ટ્રાફિક પોલીસના રડારમાં પણ આવી ગયો.

बॉयफ़्रेंड को छोड़ कर गर्लफेंड्र ने Car पर किए 3400 kiss…

ग्वालियर के थाटीपुर के आदित्य सिकरवार ने विदेशी वीडियो देख कर फॉलोअर्स बढ़ाने के लिए अलग अंदाज अपनाया

आदित्य की गर्लफ्रेंड ने सफेद रंग की गाड़ी पर करीब 3400 kiss कर दिए ₹5000 की लिपस्टिक उड़ा दी

ऐसे करने में… pic.twitter.com/Gwnfi7iTy1

— Niyati mishra (@Miss_Niyati) August 25, 2026

પોલીસે થાટીપુરથી કાર જપ્ત કરી, પાણીથી નિશાન સાફ કરાવ્યા

રસ્તા પર તેજ ગતિએ દોડતી અને લિપસ્ટિકના નિશાનોથી ભરેલી કાર (નંબર MP07 CC 9452) નો વીડિયો જ્યારે ગ્વાલિયર ટ્રાફિક પોલીસના અધિકારીઓ પાસે પહોંચ્યો, ત્યારે તેમણે તાત્કાલિક કાર્યવાહી હાથ ધરી હતી. વીડિયોમાં દેખાતા કાર નંબરના આધારે તપાસ કરીને પોલીસ ટીમે થાટીપુર વિસ્તારમાંથી કાર જપ્ત કરી લીધી હતી. કાર માલિક આદિત્ય સિકરવારને ટ્રાફિક પોલીસ સ્ટેશન બોલાવવામાં આવ્યો અને તેની કડક પૂછપરછ કરવામાં આવી હતી.

પોલીસ સ્ટેશનમાં ભૂલ સ્વીકારી, 5500 નો દંડ ફટકારી ચેતવણી આપી

ટ્રાફિક પોલીસ સ્ટેશન ઇન્ચાર્જ અભિષેક રઘુવંશીના જણાવ્યા અનુસાર, પોલીસ મથકે પહોંચ્યા બાદ આદિત્યએ પોતાની ભૂલ સ્વીકારી લીધી હતી. પોલીસની કડકાઈ બાદ યુવકે પોતે પોલીસ સ્ટેશનમાં ઊભા રહીને પાણીથી કાર પર લાગેલા તમામ 3400 લિપસ્ટિકના ડાઘ સાફ કર્યા હતા. ટ્રાફિક નિયમોનું ઉલ્લંઘન કરવા અને રસ્તા પર બેદરકારીપૂર્વક વાહન ચલાવવા બદલ પોલીસે તેને ₹5500 નું રોકડ ચલણ (દંડ) ફટકાર્યું હતું. કાયદાકીય કાર્યવાહીના ડરથી યુવકે પોતાનું 55 લાખ વ્યૂઝ ધરાવતું ઇન્સ્ટાગ્રામ એકાઉન્ટ પણ બ્લોક કરી દીધું છે. પોલીસે સ્પષ્ટ શબ્દોમાં ચેતવણી આપી છે કે સોશિયલ મીડિયા પર રીલ અને વ્યૂઝ મેળવવાના નામે રોડ સેફ્ટી અને ટ્રાફિક નિયમો સાથે ચેડાં કરનારાઓ સામે ભવિષ્યમાં પણ આવી જ કડક કાર્યવાહી ચાલુ રહેશે.

#WATCH | Gwalior, Madhya Pradesh: Traffic Police seized a car with lipstick marks for performing dangerous car stunts on city roads after an Instagram video went viral.

Under ‘Operation Eagle,’ police tracked the vehicle, issued a Rs 5,500 challan, and seized the car for traffic… pic.twitter.com/iVLGttC4Ie

— ANI MP/CG/Rajasthan (@ANI_MP_CG_RJ) August 24, 2026

Trending Video: રોજના ₹50 ની મજૂરીથી ₹35 લાખની ફોર્ચ્યુનર સુધી: જાણો સફાઈ કર્મચારી શેસપ્પન્નાની પ્રેરણાદાયી કહાની