બાપ રે બાપ… 24 વર્ષનો પતિ, 61 વર્ષની પત્ની! સંતાન મેળવવા આટલા રુપિયા ખર્ચવા તૈયાર છે કપલ
Viral News : પ્રેમ જાતિ, ઉંમર કે પૈસા નથી જોતો. આવો જ એક કિસ્સા હાલમાં સામે આવ્યો છે. 24 વર્ષના એક યુવાનને 61 વર્ષની એક વૃધ્ધ મહિલા સાથે પ્રેમ થઈ ગયો છે.
કહેવાય છે કે પ્રેમ જાતિ, ઉંમર કે પૈસા નથી જોતો, પ્રેમ બસ થઈ જાય છે. પ્રેમમાં કેટલાક વ્યક્તિઓ એવા કામ કરે છે કે ચર્ચાનો વિષય બની જાય છે. આપણે દુનિયામાં એવા ઘણા કિસ્સા જોયા છે જેમાં કપલ વચ્ચેની કેટલીક અસમાનતા જોય થશે કે આ કઈ રીતે શક્ય છે. પહેલાના જમાનામાં લોકો છોકરા અને છોકરીની ઉંમરનો તફાવત જોઈને જ લગ્ન (Marriage) કરતા હતા, જેમાં છોકરાની ઉંમર વધુ અને છોકરીની ઉંમર ઓછી હોવી જોઈએ. હા, પણ તેમની ઉંમર વચ્ચે બહુ ફરક ન હોવો જોઈએ. આજે પણ મોટાભાગના લોકો આ વાતને અનુસરે છે અને લગ્નને લઈને છોકરા અને છોકરીની ઉંમર (Age difference) વચ્ચેનો તફાવત જુએ છે.
પરંતુ બહારના દેશોમાં આવુ નથી. હાલમાં એક એવા કપલ વિશે જણાવવા મળ્યુ છે જેમના સંબંધો ખૂબ જ વિચિત્ર છે, કારણ કે આ સંબંધમાં પતિની ઉંમર માત્ર 24 વર્ષ અને પત્નીની ઉંમર 61 વર્ષની છે. સૌથી નવાઈની વાત એ છે કે આ કપલ પણ એક બાળક ઈચ્છે છે અને તેઓ કહે છે કે આ માટે તેઓ કરોડો રૂપિયા ખર્ચવા તૈયાર છે.
આ રીતે થઈ મુલાકાત
કુરાન અને ચેરીલની મુલાકાતની વાર્તા પણ ખૂબ જ રસપ્રદ છે. અહેવાલો અનુસાર, જ્યારે કુરાન માત્ર 15 વર્ષનો હતો, ત્યારે તેની પ્રથમ મુલાકાત ચેરીલ સાથે થઈ હતી. કુરાન ચેરીલના પુત્રની દુકાનમાં કામ કરતો હતો. ત્યારથી બંને એકબીજાને ઓળખે છે અને સાથે છે અને હવે બંને એકબીજાના બની ગયા છે. 24 વર્ષના કુરાન મૈકકૈન (Quran McCain)એ 61 વર્ષની ચેરિલ મૈકગ્રેગોર સાથે ગયા વર્ષે લગ્ન કર્યા હતા. આ લગ્નની ચર્ચા દુનિયાભરમાં થઈ હતી. હવે આ કપલ બીજા એક કારણસર ચર્ચામાં આવ્યુ છે.
માતા-પિતા બનવા માંગે છે આ કપલ
મીડિયા રિપોર્ટ્સ અનુસાર, આ કપલ જલ્દીથી જલ્દી માતા-પિતા બનવા માંગે છે. આ માટે તેણે કુદરતી રીતે પણ ગર્ભ ધારણ કરવાનો પ્રયાસ કર્યો હતો, પરંતુ ચેરીલની ઉંમરને કારણે તે શક્ય બન્યું ન હતું, તેથી હવે તે સરોગસી દ્વારા માતા-પિતા બનવાની તૈયારી કરી રહી છે. તેઓ કહે છે કે તેઓ આવતા વર્ષે એટલે કે 2023 સુધીમાં સરોગસી દ્વારા બાળકનું સ્વાગત કરવા માટે 1 કરોડ રૂપિયાથી વધુ ખર્ચ કરવા તૈયાર છે. ચેરીલના પહેલાથી જ 7 બાળકો અને 17 પૌત્રો છે.