દુનિયાની દરેક કંપની માર્કેટમાં ટકી રહેવા કઈકને કઈક નવુ કરતી રહે છે. હાલમાં જાણીતી ટેલિગ્રામે તેની પ્રીમિયમ સેવાની જાહેરાત કરી છે. આ પેઇડ સર્વિસ હેઠળ યુઝર્સને ઘણી વિશિષ્ટ સુવિધાઓ મળશે. આખી દુનિયામાં ટેલિગ્રામના (Telegram) લગભગ 700 મિલિયન કરતા વધારે યુઝર્સ છે. નવી પ્રીમિયમ સેવા (Telegram Premium Service) હેઠળ એવી ઘણી સુવિધાઓ ઉપલબ્ધ થશે, જે નોન-પ્રીમિયમ સેવામાં નથી. આ નવી પ્રીમિયમ સેવાની વિશિષ્ટ વિશેષતાઓ 4GB ફાઇલ અપલોડ, ઝડપી ડાઉનલોડ સ્પીડ, વિશિષ્ટ સ્ટીકરો, પ્રતિક્રિયાઓ અને સારુ ચેટ મેનેજમેન્ટ વગેરે હશે.
Tech Crunchના રિપોર્ટ અનુસાર, યુઝર્સને આ પ્રીમિયમ સર્વિસ $4.99 (રૂ. 390) પ્રતિ મહિનાની કિંમતથી મળશે. જોકે, હજુ એ સ્પષ્ટ નથી થયું કે ભારત અને અન્ય દેશોમાં યુઝર્સે દર મહિને કેટલા પૈસા ચૂકવવા પડશે.
ટેલિગ્રામ પ્રીમિયમના યુઝર્સને સરળતાથી તેમની વૉઇસ નોટ્સને ટેક્સ્ટમાં કન્વર્ટ કરી શકે છે. આ સાથે યુઝર્સ ટ્રાંસ્ક્રિપ્ટ તરીકે વૉઇસ નોટ પણ વાંચી શકે છે. આ ફીચર તમને કેવુ લાગ્યુ તેનો તમે ફીડબેક પણ આપી શકો છો.
અત્યાર સુધી યુઝર્સ સામાન્ય ટેલિગ્રામમાં 2 જીબી સુધીની ફાઇલો મોકલી શકતા હતા. પરંતુ પ્રીમિયમ સેવામાં આને વધારીને 4 જીબી કરવામાં આવી છે. તમામ ટેલિગ્રામ યુઝર્સ પણ આ મોટી ફાઇલો ડાઉનલોડ કરી શકે છે. મોટી ફાઇલો ડાઉનલોડ કરવા માટે પ્રીમિયમ સેવા હોવી જરૂરી નથી.
પ્રીમિયમ ખાતા હેઠળ દરેક મર્યાદામાં વધારો કરવામાં આવ્યો છે. ઉદાહરણ તરીકે, પ્રીમિયમ સેવાના સબ્સ્ક્રાઇબર્સ 1000 ચેનલર્સને ફોલો કરી શકશે. આ સિવાય તેઓ 20 ચેટ ફોલ્ડર્સ પણ બનાવી શકે છે. આ સાથે યુઝર્સ 10 ચેટ પિન કરી શકે છે. આ સિવાય તમે 10 થી વધુ મનપસંદ સ્ટિકર્સ પસંદ કરી શકો છો.
ટેલિગ્રામ પ્રીમિયમ સબ્સ્ક્રાઇબર્સને ટેલિગ્રામ સર્વર્સ પર સૌથી ઝડપી ડાઉનલોડ સ્પીડની ઍક્સેસ મળશે. “તમે શક્ય તેટલા ઝડપી નેટવર્ક દ્વારા તમારા અમર્યાદિત ક્લાઉડ સ્ટોરેજમાં બધું જ ઍક્સેસ કરી શકો છો,” કંપનીના બ્લોગ પોસ્ટમાં આ જણાવાયું છે.
પ્રીમિયમ યુઝર્સ એનિમેટેડ પ્રોફાઇલ વીડિઓઝને ઍક્સેસ કરી શકશે, જે તમામ યુઝર્સને દેખાશે. બધા પ્રીમિયમ યુઝર્સને પ્રીમિયમ બેજ પણ પ્રાપ્ત થશે જે ગ્રુપમાં ચેટ સૂચિ, ચેટ હેડર અને સભ્ય સૂચિમાં તેમના નામની બાજુમાં દેખાશે.