Tech News : વ્હોટ્સએપમાં પોલથી લઈને મેસેજ રિએક્શન સુધી આ ટોપ ફિચર્સ આવી રહ્યા છે, જાણો તમામ માહિતી

વ્હોટ્સએપ (WhatsApp) તેના પ્લેટફોર્મને તેના યુઝર્સ (Users) માટે વધુ આકર્ષક બનાવવા માટે સતત નવા ફીચર્સ પર કામ કરતું રહે છે. મેટા કંપની (Meta) તેની એન્ડ્રોઇડ અને iOS આધારિત એપ્સ માટે ઘણા નવા ફીચર્સ પર કામ કરી રહી છે. જેમાં મેસેજ રિએક્શનથી લઈને વોટ્સએપ પોલનો સમાવેશ થાય છે. જે યુઝર્સના ઇન-એપ અનુભવને વધુ સુધારી શકે છે. વ્હોટ્સએપ આ ફીચર્સ પર લાંબા સમયથી કામ કરી રહ્યું છે. જો કે, આ ન્યુ અપડે હાલમાં પરીક્ષણમાં છે. આવનારા સમયમાં કંપની તેને તમામ યુઝર્સ માટે રોલ આઉટ કરી શકે છે.

તો ચાલો, આપણે જાણીએ કે WhatsAppના આ આવનારા ફીચર્સ કેવી રીતે કામ કરશે અને તે તમારા માટે કેવી રીતે ઉપયોગી થશે.

1. WhatsApp ડ્રોઈંગ ટૂલ્સ : WhatsApp ડ્રોઈંગ એડિટર માટે નવા ઈન્ટરફેસ પર કામ કરી રહ્યું છે. આ નવા ઈન્ટરફેસમાં નવા પેન્સિલ અને બ્લર ટૂલ જેવા નવા ડ્રોઈંગ ટૂલ્સનો સમાવેશ થાય છે. આ નવા ટૂલ્સ WhatsAppની લેટેસ્ટ એન્ડ્રોઇડ અને iOS બીટા એપ્સમાં ઉપલબ્ધ છે.
2. WhatsApp મેસેજ રિએક્શન : WhatsApp મેસેજ રિએક્શન ફીચરમાં ફેરફાર કરી રહ્યું છે. અત્યાર સુધી, યુઝર્સ માત્ર 6 ઇમોજીઝનો ઉપયોગ કરી શકતા હતા – જેમ કે, પ્રેમ, હસવું, આશ્ચર્ય, ઉદાસી અને આભાર જેવી સંદેશ પ્રતિક્રિયાઓ તરીકે. હવે, કંપની 7મો વિકલ્પ રજૂ કરવાની યોજના બનાવી રહી છે જે યુઝર્સને તેમની પસંદગીનો પ્રતિસાદ પસંદ કરવા અને શેર કરવા સક્ષમ બનાવશે.
3. WABetaInfo દ્વારા શેર કરવામાં આવેલ ફીચરની એક ઈમેજ દર્શાવે છે કે કંપની ઉપલબ્ધ ઈમોજી પછી પ્લસ આઈકોન ઉમેરશે જેથી યુઝર્સ તેમની પસંદગીના ઈમોજીઝને પસંદ કરી શકશે.
4. WhatsApp આર્કાઇવ ચેટ્સ : WhatsAppએ પણ તેના UWP અથવા યુનિવર્સલ વિન્ડો પ્લેટફોર્મને અપડેટ કરવાનું શરૂ કર્યું છે. વિન્ડોઝ 2.2213.3.0 માટે WhatsApp બીટાના પ્રકાશન સાથે, WhatsApp UWP યુઝર્સને ચેટ્સ આર્કાઇવ અથવા અનઆર્કાઇવ કરવાની ક્ષમતા આપી રહ્યું છે.
5. WhatsApp ચેટમાં વિકલ્પો ખોલતી વખતે નવા આઇકન પણ રજૂ કરી રહ્યું છે, જેમાં આ અપડેટ સાથે મીડિયા, ફાઇલ્સ, લિંક્સ, એન્ક્રિપ્શન અને ગ્રુપ્સનો સમાવેશ પણ થાય છે.
6. વોટ્સએપ પોલ્સ : વ્હોટ્સએપ એક એવા ફીચર પર કામ કરી રહ્યું છે જે યુઝર્સને ગ્રુપ ચેટમાં પોલ બનાવવાની મંજૂરી આપશે. આવું મતદાન બનાવતી વખતે યુઝર્સ 12 જેટલા સંભવિત વિકલ્પો ઉમેરી શકશે. તેઓ વિકલ્પને અન્ય સ્થાને ખસેડવામાં પણ સક્ષમ હશે.

આ પણ વાંચો – Tech Tips: Google એ Meet માં આપ્યું એક નવું ફીચર, જો તમે મીટિંગ છોડવાનું ભૂલી જશો તો તમને મળશે રિમાઇન્ડર

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો