તમારું મોંઘું ‘સ્માર્ટ લોક’ તમને મોતને ઘાટ ઉતારી શકે છે? જાણો ટેકનોલોજી પરનો અંધવિશ્વાસ કેવી રીતે ભારે પડી શકે છે!

આજના આધુનિક યુગમાં લોકો ઘરની સુરક્ષા માટે પરંપરાગત તાળાને બદલે ફિંગરપ્રિન્ટ, ઓટીપી અને એપથી ચાલતા સ્માર્ટ લોક લગાવી રહ્યા છે. પરંતુ દિલ્હીના વિવેક વિહારની તાજેતરની ઘટનાએ આ ટેકનોલોજી સામે ગંભીર સવાલો ઉભા કર્યા છે. રિહાયસી ઇમારતમાં લાગેલી આગમાં સ્માર્ટ લોક સિસ્ટમ હેંગ થઈ જવાથી લોકો જીવતા ભૂંજાઈ ગયા હતા.

આગ લાગતા જ સિસ્ટમ થઈ ગઈ ઠપ

પ્રાથમિક તપાસ મુજબ, જે ફ્લોર પર આગ લાગી ત્યાં ઇલેક્ટ્રોનિક સ્માર્ટ ડોર લોક સિસ્ટમ હતી. શોર્ટ સર્કિટ કે એસી બ્લાસ્ટને કારણે વીજળી ગુલ થતા જ આ સ્માર્ટ લોકે કામ કરવાનું બંધ કરી દીધું હતું. દરવાજા જામ થઈ ગયા અને બહાર નીકળવાનો એકમાત્ર રસ્તો બંધ થઈ ગયો. લોકો જીવ બચાવવા દરવાજો ખોલવા મથતા રહ્યા, પણ ડિજિટલ સિસ્ટમે કોઈ રિસ્પોન્સ આપ્યો નહીં.

કેમ જોખમી છે સ્માર્ટ લોક?

મોટાભાગના સ્માર્ટ લોક વીજળી અથવા બેટરી પર ચાલતા હોય છે. જ્યારે આગ જેવી સ્થિતિમાં શોર્ટ સર્કિટ થાય અથવા સિસ્ટમ હીટ પકડે ત્યારે તેની ઇલેક્ટ્રોનિક સર્કિટ નિષ્ફળ જાય છે. જો આવા લોકમાં મેન્યુઅલ ઓવરરાઈડ એટલે કે સાદી ચાવીનો વિકલ્પ ન હોય, તો કટોકટીમાં તે મોતનો ફાંસો બની શકે છે.

બિલ્ડિંગની ખામીઓએ પણ જીવ લીધા

બિલ્ડિંગની ખામીઓએ પણ જીવ લીધા: માત્ર સ્માર્ટ લોક જ નહીં, પણ બિલ્ડિંગની નબળી ડિઝાઈન પણ જવાબદાર હતી: બારીઓ પર લાગેલી લોખંડની ગ્રીલને કારણે લોકો બહાર કૂદી શક્યા નહીં. ટેરેસનો દરવાજો બંધ હોવાથી ઈમરજન્સી એક્ઝિટ મળી શકી નહીં. આખી બિલ્ડિંગમાં પ્રવેશ અને નિકાસ માટે માત્ર એક જ રસ્તો હતો.

સુરક્ષામાં ન રાખો કચાશ

ફાયર સેફ્ટી એક્સપર્ટ્સનું કહેવું છે કે ટેકનોલોજી ભલે ગમે તેટલી એડવાન્સ હોય, પરંતુ મૂળભૂત સુરક્ષાને અવગણવી જોઈએ નહીં. જો તમે ઘરમાં સ્માર્ટ લોક લગાવો છો, તો હંમેશા ખાતરી કરો કે તેમાં મેન્યુઅલ ચાવીનો વિકલ્પ હોય. આ સિવાય ઘરમાં ઈમરજન્સી એક્ઝિટ અને બારીઓ એવી હોવી જોઈએ કે જે જરૂર પડ્યે સરળતાથી ખોલી શકાય.

ઉનાળામાં વધતા લોડને કારણે વાયરિંગ ગરમ થઈને આગ લાગવાની ઘટનાઓ વધી રહી છે, ત્યારે ઘરના ઇલેક્ટ્રોનિક ગેજેટ્સ પર અંધવિશ્વાસ રાખવાને બદલે સાવચેતી રાખવી વધુ જરૂરી છે.

જો આ જગ્યાએ ખાતું હશે તો હવે PAN કાર્ડ વગર એક રૂપિયો પણ નહીં ઉપડે, જાણો કયા નવા ફોર્મ ભરવા પડશે!