Alert: નવા બેંકિંગ માલવેરની થઈ ઓળખ, બેંકમાંથી આવતા દરેક મેસેજ પર રાખે છે નજર, જલ્દી આ એપને કરો ડિલીટ
Xenomorph માલવેર આ એપમાં છે જેને 50 હજારથી વધુ યુઝર્સે ડાઉનલોડ કરી છે. આ એપને એવી રીતે ડિઝાઇન કરવામાં આવી છે કે યુઝર્સને તેમાં માલવેરની હાજરી વિશે જાણ પણ નથી થઈ રહી.
એક નવા એન્ડ્રોઇડ (Android) માલવેરની ઓળખ કરવામાં આવી છે. થ્રેટ ફેબ્રિકના રિપોર્ટ અનુસાર, ઝેનોમોર્ફ (Xenomorph)એ એન્ડ્રોઇડ યુઝર્સને ટાર્ગેટ કરતી બેંકિંગ ટ્રોજન છે. તે ગૂગલ પ્લે-સ્ટોર (Google Play Store) પરની એક એપમાં છે અને સૌથી મોટી વાત એ છે કે આ રિપોર્ટ સામે આવ્યા પછી પણ શંકાસ્પદ એપને પ્લે-સ્ટોર પરથી હટાવામાં આવી નથી. રિપોર્ટ અનુસાર, Xenomorph માલવેર યુરોપમાં એન્ડ્રોઇડ યુઝર્સને ટાર્ગેટ કરી રહ્યું છે.
Xenomorph માલવેર Fast Cleaner નામની એપમાં છે જેને 50 હજારથી વધુ યુઝર્સે ડાઉનલોડ કરી છે. આ એપને એવી રીતે ડિઝાઇન કરવામાં આવી છે કે યુઝર્સને તેમાં માલવેરની હાજરી વિશે જાણ પણ નથી થઈ રહી. બેંકિંગ ટ્રોજન Xenomorph તમારા ફોન પરની બેંક એપ્લિકેશનમાંથી તમારી બેંક વિગતો અથવા વ્યક્તિગત માહિતીની ચોરી કરવામાં સક્ષમ છે. તે તમારી બેંકમાંથી આવતા દરેક મેસેજ પર નજર રાખે છે. એકવાર ફોન પર ઇન્સ્ટોલ થઈ ગયા પછી, તે વપરાશકર્તાઓની દરેક પ્રવૃત્તિ પર નજર રાખે છે.
બધી વિગતો લીધા પછી, તે બેંકિંગ ટ્રાન્ઝેક્શન જેવું ઇન્ટરફેસ બનાવે છે જે તમારી બેંકની વેબ અથવા એપ્લિકેશન જેવું જ હોય છે અને તેના દ્વારા તે વપરાશકર્તાઓને છેતરે છે. તેથી તમારા માટે શક્ય તેટલી વહેલી તકે તમારા ફોનમાંથી ફાસ્ટ ક્લીનર એપ્લિકેશનને કાઢી નાખો તે વધુ સારું છે.
ઉપરાંત મોબાઈલમાં કોઈ પણ એપ ડાઉનલોડ કરી પરમિશન આપતા પહેલા ખાસ ધ્યાન રાખવું જોઈએ, ખાસ કરી જ્યારે તમે તે મોબાઈલથી બેકિંગ કરતા હોય. હાલ ઘણી એવી એપ હોય છે જેમાં આ પ્રકારે માલવેર હોય છે જે સામાન્ય રીતે દેખાતા નથી પરંતુ તે તમારા બેંક એકાઉન્ટને ગમે ત્યારે ખાલી કરી શકે છે.
Latest News Updates
