ટેક્નોલોજીના આ યુગમાં રોજ નવી ટેક્નોલોજી આવી રહી છે. આવી સ્થિતિમાં ઘરો પણ પહેલાં કરતા વધુ આધુનિક બની ગયા છે. આ આધુનિક મકાનોને સ્માર્ટ હોમમાં રૂપાંતરિત કરવાની જરૂર છે. જેથી કરીને આપણું ઘર એનર્જી એફિસિએન્ટ અને ઓટોમેટેડ બને અને ઘરની સુરક્ષા વ્યવસ્થા પણ મજબૂત બને. આ ગેજેટ્સ અને સિસ્ટમનો ઉપયોગ કરીને ઘરને સ્માર્ટ હોમમાં રૂપાંતરિત કરી શકાય છે.
થર્મોસ્ટેટ્સ અને સેન્સર્સ : માર્કેટમાં ઘણા પ્રકારના સ્માર્ટ સેન્સર ઉપલબ્ધ છે. આ સેન્સર તમારા ઘરના તાપમાન પર નજર રાખે છે અને તે મુજબ પંખા, એસી અને લાઇટનો ઉપયોગ કરે છે. તેનાથી એનર્જી પણ બચે છે. ઘરે કોઈ ન હોય ત્યારે પણ તેઓ ઈલેક્ટ્રોનિક ઉપકરણોને બંધ કરી શકે છે. સ્માર્ટ સેન્સર ઘરના કોઈપણ ભાગમાં પાણી લીકેજ, ગેસ લીક અને આગને શોધી શકે છે અને માહિતી આપી શકે છે.
સ્માર્ટ એપ્લાઈસેંસ : તમારા ઘરને સ્માર્ટ બનાવવા માટે સૌથી પહેલા તમારે તમારા ઈલેક્ટ્રોનિક ઉપકરણોને પણ સ્માર્ટ બનાવવા પડશે. ફ્રીજથી લઈને માઈક્રોવેવ અને વોશિંગ મશીન સ્માર્ટ થઈ ગયા છે. જ્યારે કરિયાણું સમાપ્ત થઈ જાય ત્યારે ફ્રિજ ચેતવણી આપે છે અને રેસીપી સજેશન આપી શકે છે. જ્યારે સ્માર્ટ વોશિંગ મશીન આપણી ટેવ અને કપડાં અનુસાર તેનો મોડ બદલી શકે છે. સેમસંગ અને એલજી સ્માર્ટ એપ્લાયન્સીસની અગ્રણી કંપનીઓ છે.
સ્માર્ટ હોમ લોક : તમારા ઘરને વધુ સુરક્ષિત બનાવવા માટે તમારે સ્માર્ટ હોમ લોકનો ઉપયોગ કરવો જોઈએ. આ લોક ફિંગરપ્રિન્ટ, કાર્ડ અને ચહેરાની ઓળખ સાથે ખુલે છે. આ સાથે ઘણા સ્માર્ટ લોકમાં કેમેરા પણ લગાવવામાં આવ્યા છે, તેની મદદથી જો કોઈ અજાણ્યો વ્યક્તિ લોક ખોલવાનો પ્રયાસ કરે છે તો રજીસ્ટર યુઝર્સના ફોન પર નોટિફિકેશન પણ મોકલવામાં આવે છે. ગોદરેજ એડવાન્ટિસ સ્માર્ટ લોક ભારતમાં 35 હજાર રૂપિયામાં ઇન્સ્ટોલ કરી શકાય છે.
ઘરે લાવો સ્માર્ટ આસિસ્ટેન્ટ : માર્કેટમાં એલેક્સા, ઇકો જેવા ઘણા પ્રકારના સ્માર્ટ સ્પીકર અથવા આસિસ્ટન્ટ ઉપલબ્ધ છે. આનાથી આપણે આપણી રોજિંદી જરૂરિયાતો પૂરી કરી શકીએ છીએ. તેમની મદદથી તમે દિવસના સમાચાર, ગીતો સાંભળી શકો છો અને ખાવાની વાનગીઓ પણ શીખી શકો છો. બાળકો મનોરંજન માટે રમતો પણ રમી શકે છે. આ આસિસ્ટેન્ટ વૉઇસ કમાન્ડ દ્વારા કાર્ય કરે છે. આ આસિસ્ટેન્ટ વૉઇસ કમાન્ડ દ્વારા ઘરની લાઇટ અને એસી ચાલુ અને બંધ કરી શકે છે.
ઘરોમાં સ્માર્ટ બલ્બ : આપણા ઘરોમાં હાજર બલ્બને સ્માર્ટ LED બલ્બથી બદલવા જોઈએ. જેથી આ બલ્બને સ્માર્ટફોનથી પણ કંટ્રોલ કરી શકાય. આસિસ્ટન્ટની મદદથી બોલીને સ્માર્ટ બલ્બને બંધ અને ચાલુ કરી શકાય છે. આ ઉપરાંત જ્યારે લાઇટ ચાલુ રાખવામાં આવે છે, જો ત્યાં કોઈ વ્યક્તિ દેખાતું ન હોય તો તે આપમેળે બંધ થઈ જાય છે. Philips, MI, Syska જેવી કંપનીઓના બલ્બ માત્ર 500 રૂપિયામાં ઉપલબ્ધ છે.