આજની પેઢી (Young Generation) તેમના સ્વાસ્થ્ય પર કેટલું રોકાણ કરે છે તે કોઈ જાણતું નથી. પરંતુ તે ચોક્કસપણે જાણીતું છે કે 1 ભારતીય વપરાશકર્તા એક મહિનામાં લગભગ 17 GB ડેટા વાપરે છે અને 20 થી 25 વર્ષની વયના લોકો દરરોજ લગભગ 8 કલાક ઑનલાઇન (Online) વિતાવે છે. સોમવારે જાહેર કરાયેલા મોબાઈલ બ્રોડબેન્ડ ઈન્ડેક્સ (MBiT) 2022ના રિપોર્ટમાં આ માહિતી આપવામાં આવી છે. મોબાઈલ બ્રોડબેન્ડ ઈન્ડેક્સ (MBiT) 2022 ના રિપોર્ટ અનુસાર, છેલ્લા પાંચ વર્ષમાં ભારતમાં મોબાઈલ બ્રોડબેન્ડ યુઝર્સની સંખ્યા 34.45 મિલિયનથી વધીને 76.55 મિલિયન થઈ ગઈ છે.
સરેરાશ મોબાઈલ ડેટા વપરાશની વાત કરીએ તો તે દર મહિને 17 GB સુધી પહોંચી ગયો છે. આ સાથે વર્ષ 2021માં મોબાઈલ બ્રોડબેન્ડ ડેટાના વપરાશમાં નોંધપાત્ર વધારો થયો છે. 4G મોબાઈલ ડેટાની વાત કરીએ તો તેમાં 31 ટકાનો વધારો થયો છે. રિપોર્ટમાં વધુમાં જણાવવામાં આવ્યું છે કે 2021માં 4G સેવાઓમાં 40 મિલિયનથી વધુ સબસ્ક્રાઈબર્સ ઉમેરાયા છે અથવા અપગ્રેડ કરવામાં આવ્યા છે.
રિપોર્ટ કહે છે કે 10 થી 25 વર્ષની વયના લોકો, જેમને સોશિયલ મીડિયાની ભાષામાં Gen z પણ કહેવામાં આવે છે, તેમની 24 માંથી સરેરાશ 8 કલાક ઓનલાઈન રહેવામાં જાય છે. ભારતમાં 90% ઇન્ટરનેટ વપરાશકર્તાઓ તેમની સ્થાનિક ભાષામાં સામગ્રી વાંચવાનું અથવા સાંભળવાનું પસંદ કરે છે. નોંધપાત્ર રીતે, છેલ્લા પાંચ વર્ષમાં, ભારત વિશ્વમાં સૌથી વધુ ડેટાનો ઉપયોગ કરનારા દેશોમાંનો એક બની ગયો છે.
નોકિયામાં SVP અને ઇન્ડિયા માર્કેટના હેડ સંજય મલિક કહે છે, “4G એ ભારતના મોબાઇલ બ્રોડબેન્ડ ઇકોસિસ્ટમને આગળ વધારવામાં મહત્વની ભૂમિકા ભજવી છે. હવે, આગામી 5G સ્પેક્ટ્રમની હરાજી સાથે અને આ વર્ષના અંતમાં સર્વિસેજના કમર્શિયલ લોન્ચથી ભારત જે ડિજિટલ ડિવિઝન છે તેને ઘટાડવામાં મદદ મળશે.”
આ પણ વાંચો: Technology: ફેસમાસ્ક પહેરીને પણ અનલોક કરી શકાશે iPhone, Apple એ બહાર પાડ્યુ અપડેટ