દુનિયાના સૌથી હાઈ-ટૅક CCTV લાગશે 26 જાન્યુઆરીની પરેડમાં, વેશ બદલીને ઘૂસનારા આતંકવાદીઓને ‘પળવાર’માં જ ઓળખી લેશે, દુનિયાના માત્ર 4-5 દેશો કરી રહ્યાં છે આ ટેક્નિકનો ઉપયોગ
26મી જાન્યુઆરીના રોજ દિલ્હીમાં પ્રજાસત્તાક દિવસની પરેડનું આયોજન કરવામાં આવે છે જ્યાં વિવિધ રાજ્યોની સંસ્કૃતિની ઝાંખી સાથે ભારતીય સેનાની ત્રણેય પાંખો પોતાની શક્તિનું પ્રદર્શન પણ કરે છે. આ આયોજનની વચ્ચે દેશવિરોધી તત્વોને પકડવા તેમજ ત્યાં આવેલી ભીડની સલામતી માટે વિવિધ પગલા લેવામાં આવતા હોય છે. આ વર્ષે 26મી જાન્યુઆરીના રોજ યોજાનારી પરેડમાં એવા 30 કેમેરા […]
26મી જાન્યુઆરીના રોજ દિલ્હીમાં પ્રજાસત્તાક દિવસની પરેડનું આયોજન કરવામાં આવે છે જ્યાં વિવિધ રાજ્યોની સંસ્કૃતિની ઝાંખી સાથે ભારતીય સેનાની ત્રણેય પાંખો પોતાની શક્તિનું પ્રદર્શન પણ કરે છે. આ આયોજનની વચ્ચે દેશવિરોધી તત્વોને પકડવા તેમજ ત્યાં આવેલી ભીડની સલામતી માટે વિવિધ પગલા લેવામાં આવતા હોય છે.
આ વર્ષે 26મી જાન્યુઆરીના રોજ યોજાનારી પરેડમાં એવા 30 કેમેરા લગાવવામાં આવશે જે તરત જ પોલીસના ડેટાના આધારે ભીડમાં રહેલા કુખ્યાત ગુનેગાર, આતંકવાદીઓને પારખી લેશે.
આ કેમેરા કાર્યક્રમ સ્થળના પ્રવેશદ્વાર, વીઆઈપી મંચ અને પ્રાંગણમાં લગાવવામાં આવશે. ડેટાના આધારે આ કેમેરા શંકાસ્પદોની ઓળખ કરીને તે સંદેશો તાત્કાલિક કંટ્રોલરુમને મોકલી આપશે.
સ્પેશિયલ સેલ અને ક્રાઈમ બ્રાંચના અધિકારીઓના જણાવ્યા મુજબ આ કેમેરામાં શંકાસ્પદો અને દેશની સુરક્ષાને હાનિ પહોંચાડી શકે તેવા તમામનો ડેટા ઘણાં સમયથી એકત્રિત કરવામાં આવ્યો છે. આ કેમેરાને ‘ફેસ રિકનાઈઝ્ડ’ કેમેરા તરીકે ઓળખવામાં આવે છે.
આ પણ વાંચો: સમજો EVMની કામ કરવાની સંપૂર્ણ સિસ્ટમ અને જાણો કેમ તેને હૅક નથી કરી શકાતું
ઉલ્લેખનીય છે કે દર વર્ષે દિલ્હી પરેડની સુરક્ષાને લઈને લગભગ 200 CCTV કેમેરા લગાવવામાં આવતા જેમાં હવે નવા વધુ 50 કેમેરાનો સમાવેશ કરવામાં આવ્યો છે. કેમેરાની સાથે સુરક્ષામાં 10 હજારથી વધુ પોલીસજવાનો સહિત વિવિધ એજન્સી સુરક્ષા કર્મચારીઓ હાજરી આપશે.
[yop_poll id=739]
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]
