આજકાલ કાળઝાળ ગરમીએ જાણે કે માજા મૂકી છે. છેલ્લા અનેક વર્ષોમાં ના પડી હોય તેવી ગરમી આ વર્ષે સમગ્ર દુનિયામાં પડી રહી છે. તમારા સ્વાસ્થ્યની સંભાળની સાથોસાથ તમારા કિંમતી ગેજેટ્સની (Gadgets) કાળજી રાખવી પણ આટલી જ આવશ્યક બને છે. કિંમતી ગેજેટ્સ જોઈએ તો તેમાં સ્માર્ટફોન, (Smartphone) લેપટોપ, હેડફોન્સ, ટેબ્લેટ વગરેનો સમાવેશ થાય છે. હીટ વેવને (Heat Wave) લીધે આ ડિવાઈસીસ પર પણ અસર પડી શકે છે. અતિશય ગરમીના લીધે સ્માર્ટફોન એકદમ ગરમ થઈ જાય છે. વધુ પડતી બેટરી ચાર્જ કરવાથી પણ ફોન બ્લાસ્ટ થઇ શકે છે.
આજે અમને તમને સરળ સ્માર્ટફોન ટિપ્સ વિશે જણાવીશું.
તમારે ગેજેટ્સને સીધા સૂર્યપ્રકાશથી દૂર રાખવા જોઈએ. કારણ કે, લાંબા સમય સુધી સીધા સૂર્યપ્રકાશના સંપર્કમાં રહેવાથી ઓવરહિટીંગ થઈ શકે છે અને ગેઝેડેટ્સના આંતરિક ઘટકોને પણ નુકસાન થઈ શકે છે.
તમારા સ્માર્ટફોનને હંમેશા તમારા ખિસ્સામાં રાખશો નહીં. ખાસ કરીને જો તમે મોટાભાગે ગરમ અને ભેજવાળી જગ્યાએ રહેતા હોય. તમારા સ્માર્ટફોનને બહાર કાઢીને મૂકી રાખો. જયારે તમે ઓફિસ કે ઘરે હોય, ત્યારે તેને બહાર મૂકો.
તમારે તમારા ગેજેટ્સને બહાર ચાર્જ કરવાનું ટાળવું જોઈએ. કોઈપણ ગેજેટને ચાર્જ કરવાથી તેનું તાપમાન થોડું વધે છે અને જો તે બહાર કરવામાં આવે છે તો બહારની ગરમી તમારા ફોનના તાપમાનમાં વધારો કરી શકે છે અને ડિવાઇસને વધુ ગરમ કરી શકે છે.
જો તમને લાગે છે કે તમારા ફોનને કારની અંદર મૂકવો એ સારો વિચાર છે તો વાસ્તવમાં એવું નથી. ઉનાળામાં તમારી કાર સરળતાથી ગ્રીનહાઉસ બની જાય છે, ખાસ કરીને જો તે બહાર પાર્ક કરેલી હોય. કોઈપણ ગેજેટને કારની અંદર લાંબા સમય માટે રાખવાથી ઓવરહિટીંગ થઈ શકે છે.
તમારા ગેજેટ્સને ઓશીકું, ગાદી, ધાબળો વગેરેની નીચે રાખીને ચાર્જ કરશો નહીં. કારણ કે તે ડિવાઇસમાંથી નીકળતી ગરમીને રોકી દે છે. આ વસ્તુઓ તમારા ફોનને વધુ ગરમ કરે છે.
ફોનની બેટરીને નુકસાન ન થાય તે માટે ઓવરચાર્જિંગ પણ હંમેશા ટાળવું જોઈએ. હંમેશા ફોન ટાઈમ ટુ ટાઈમ ચાર્જ કરો.
જો તમે તમારા ગેજેટ્સને એર-કન્ડિશન્ડ વાતાવરણમાં રાખી શકો તો તે શ્રેષ્ઠ માટે છે. નહિંતર, તેમને તમારા ઘરની અંદર ઠંડી, છાયાવાળી અને સ્વચ્છ જગ્યાએ રાખવાનો પ્રયાસ કરો જ્યાં ધૂળ અને સીધી હવા ન આવી શકે.
કામ કરતી વખતે તમારા ગેજેટને ઠંડુ રાખવા માટે લેપટોપ કૂલિંગ સ્ટેન્ડ એ એક સરસ ઈન્વેસ્ટમેન્ટ છે. કોઈપણ ભારે એપ્લિકેશનનો ઉપયોગ કરતી વખતે અથવા તમારા લેપટોપ પર વીડિયો ગેમ રમતી વખતે તે ખરેખર ઉપયોગી છે. લેપટોપ કૂલિંગ સ્ટેન્ડ યુએસબી-ચાર્જિંગ કેબલ સાથે આવે છે. તે બેટરી બચાવવામાં મદદ કરે છે.
તમારા કિંમતી ગેજેટ્સને કૂલ કરવા માટે તેને ક્યારેય પણ ફ્રિઝર કે એસી, ફ્રિજની નજીક ના મુકો. તેનાથી બ્લાસ્ટ પણ થઇ શકે છે.
જ્યારે તમારો ફોન નિષ્ક્રિય હોય, ત્યારે તમે Wi-Fi, મોબાઇલ ડેટા, બ્લૂટૂથ, GPS, વગેરે જેવી સુવિધાઓને ઓફ કરીને બેટરી બચાવી શકો છો. આમ કરવાથી ફોનમાં ઓવરહિટીંગની શક્યતાઓ ઓછી થઈ જશે.
ઘણા ફોનમાં આ બેટરી ઓપ્ટિમાઇઝેશન ફીચર હોય છે કે જે તમને જણાવે છે કે કઈ એપ્સ અન્ય કરતા વધુ ઝડપથી બેટરી વાપરી રહી છે. તમે ફોનની બેટરી લાઈફ બચાવવા માટે તેને ઑપ્ટિમાઇઝ કરી શકો છો, જે ઓવરહિટીંગનું જોખમ પણ ઘટાડશે.