OTT પર ફિલ્મ જોવા માટે હવે નહીં જરૂર પડે ઇન્ટરનેટ, સરકાર કરી રહી છે પ્લાન

હવે તમે ટૂંક સમયમાં ઇન્ટરનેટ વિના પણ OTT પ્લેટફોર્મ પર તમારી મનપસંદ મૂવીઝ અને શો જોઈ શકશો. સરકાર આ માટે એક ટેકનિક પર કામ કરી રહી છે. આ નવી ટેક્નોલોજીના આગમન સાથે, વપરાશકર્તાઓ સક્રિય ઇન્ટરનેટ કનેક્શન વિના સીધા જ તેમના મોબાઇલ ફોનમાં મલ્ટીમીડિયા સામગ્રી ડાઉનલોડ કરી શકશે. આ ટેક્નોલોજીનું નામ ડાયરેક્ટ ટુ મોબાઈલ (D2M) હશે. આની મદદથી સરકારને આપત્તિ વ્યવસ્થાપનની સાથે નાગરિકોને સીધી મહત્વપૂર્ણ માહિતી પૂરી પાડવા, ઈમરજન્સી એલર્ટ જાહેર કરવા, ફેક ન્યૂઝનું ખંડન કરવામાં મદદ મળશે.

ડિપાર્ટમેન્ટ ઓફ ટેક્નોલોજી (DoT) એ એક અભ્યાસ કર્યો છે. આની મદદથી, તે સ્પેક્ટ્રમ બેન્ડ શોધી કાઢવામાં આવ્યું છે, જે વપરાશકર્તાઓના સ્માર્ટફોન પર પ્રસારણ સેવાઓ પ્રદાન કરવામાં મદદ કરશે. સપ્ટેમ્બરમાં, IIT કાનપુરે આ D2M ટેક્નોલોજીની સંભવિતતા ચકાસવા માટે જાહેર પ્રસારણકર્તા પ્રસાર ભારતી સાથે જોડાણ કર્યું. આનાથી આ ખ્યાલનો પુરાવો મળ્યો.

ડી ટુ એમ ટેકનોલોજી શું છે?

ડાયરેક્ટ ટુ મોબાઈલ એટલે કે D2M ટેક્નોલોજી પર હાલમાં કામ ચાલી રહ્યું છે. અને તેને લોકો સુધી પહોંચાડવામાં ત્રણથી ચાર વર્ષનો સમય લાગશે. આ નવી ટેક્નોલોજી એફએમ રેડિયો જેવી જ કામ કરે છે અને રેડિયો ફ્રીક્વન્સીઝને એક્સેસ કરવા માટે રીસીવરનો ઉપયોગ કરશે, જે ઉપકરણમાં સમાવિષ્ટ હશે.

OTT પ્લેટફોર્મ આ D2M ટેક્નોલોજીનો ઉપયોગ મોબાઈલ ફોનમાં મલ્ટીમીડિયા સામગ્રી પ્રદાન કરવા માટે કરી શકે છે. પ્રસાર ભારતી હાલમાં ટીવી પ્રસારણ માટે 526-582 MHz બેન્ડનો ઉપયોગ કરે છે. આ બેન્ડ મોબાઈલ અને બ્રોડકાસ્ટ બંને સેવાઓ માટે કામ કરશે.

આ ટેક્નોલોજી યુઝર્સ માટે કેમ મહત્વની હશે ?

આ ટેક્નોલોજીની મદદથી સ્માર્ટફોન યુઝર્સ તેમના મોબાઈલ ડેટાનો ઉપયોગ કર્યા વિના OTT પ્લેટફોર્મ પર મલ્ટીમીડિયા કન્ટેન્ટ જોઈ શકશે. તેનાથી મોબાઈલ ડેટા પર ગ્રાહકોનો ખર્ચ ઓછો થશે. આ સાથે, ગ્રામીણ વિસ્તારોમાં રહેતા લોકોને પણ મદદ મળશે, જ્યાં સામાન્ય રીતે ઇન્ટરનેટની ઉપલબ્ધતામાં સમસ્યા હોય છે. જે વિસ્તારોમાં ઈન્ટરનેટની સુવિધા મર્યાદિત અથવા બહુ ઓછી છે ત્યાં લોકો આ નવી ટેક્નોલોજીની મદદથી વીડિયો કન્ટેન્ટ જોઈ શકશે.આ ઉપરાંત D2M ટેક્નોલોજીની મદદથી ગ્રામીણ વિસ્તારોમાં રહેતા વિદ્યાર્થીઓ પણ અભ્યાસ કરી શકશે. આ ટેક્નોલોજી દાખલ થયા બાદ ખેડૂતો હવામાનની આગાહી અને ખેતીની વિવિધ પદ્ધતિઓ વિશે ઇન્ટરનેટ વિના માહિતી મેળવી શકશે.