Tech News: ગૂગલે કરી મોટી કાર્યવાહી, આ ફીચરને બંધ કરી રશિયન સરકારની જાહેરાત પર પણ મૂક્યો પ્રતિબંધ

રશિયા અને યુક્રેન (Ukraine)વચ્ચે ચાલી રહેલા યુદ્ધની વચ્ચે ગૂગલે રશિયા (Russia)વિરુદ્ધ ઘણા કડક પગલાં લીધા છે. ગૂગલે યુક્રેનમાં તેના મેપ્સની લાઇવ (Google Maps)સુવિધાને અસ્થાયી રૂપે બંધ કરી દીધી છે. ગૂગલે કહ્યું છે કે તેણે આ નિર્ણય યુક્રેનના નાગરિકોના હિતમાં લીધો છે. ગૂગલ મેપ્સના લાઈવ ફીચરથી યુઝર્સને ટ્રાફિક વિશે લાઈવ માહિતી મળે છે. ગૂગલે સ્થાનિક પ્રશાસન સાથે વાત કર્યા બાદ આ પગલું ભર્યું છે.

રશિયાની સત્તાવાર યુટ્યુબ ચેનલની જાહેરાતો પર પ્રતિબંધ

યુક્રેનમાં મેપ્સની લાઇવ સુવિધાને અસ્થાયી રૂપે બંધ કર્યા પછી, ગૂગલે તેના પ્લેટફોર્મ યુટ્યુબ પર રશિયાની રાજ્ય સંચાલિત મીડિયા સંસ્થા RT અને અન્ય ચેનલોને ડિમોનેટાઇઝ કરી દીધી છે, જેનો અર્થ છે કે તેઓ YouTube પર જાહેરાતોથી કમાણી કરી શકશે નહીં. યુટ્યુબ ઉપરાંત, ગૂગલે રશિયન સરકારી મીડિયાની વેબસાઇટ અને એપ્લિકેશનની જાહેરાત પર પણ પ્રતિબંધ મૂક્યો છે. અગાઉ ફેસબુકે રશિયન સરકારી મીડિયાના ફેસબુક પેજને પણ ડિમોનેટાઈઝ કર્યું છે.

યુક્રેન MWC 2022 માંથી બહાર

યુક્રેન પર રશિયાના હુમલા બાદ MWC 2022માં રશિયન કંપનીઓની એન્ટ્રી રોકી દેવામાં આવી છે. MWC ના આયોજકોએ કહ્યું છે કે આ ઇવેન્ટમાં કોઈ પણ રશિયન કંપનીનો સ્ટોલ હશે નહીં. MWCમાંથી રશિયન કંપનીઓને બાકાત રાખવાનો નિર્ણય અમેરિકા દ્વારા રશિયા પર લાદવામાં આવેલા કેટલાક આંતરરાષ્ટ્રીય પ્રતિબંધો પછી આવ્યો છે. અમેરિકાએ તે ઉત્પાદનો પર પણ આ પ્રતિબંધ લગાવ્યો છે જેની બ્રાન્ડ રશિયાની છે, પરંતુ પ્રોડક્શન અમેરિકામાં થાય છે.

Web Stories View more

પ્રેમાનંદ મહારાજ વૃંદાવન કેમ છોડતા નથી? જણાવ્યું મોટું રહસ્ય

ગરમીમાં હાઈ બીપીના દર્દીઓએ ભૂલથી પણ ના ખાવી જોઈએ આ વસ્તુઓ, જાણો અહીં

કથાકાર જયા કિશોરી ગુસ્સે થાય ત્યારે શું કરે છે? જાતે ખોલ્યા રાઝ

એક નાની ઈલાયચીનું સેવન કરવાથી થશે અઢળક ફાયદા

ગુજરાતની ટીમમાં રમતી મહિલા ખેલાડીએ ગર્લફ્રેન્ડ સાથે કરી સગાઈ, તસવીરો આવી સામે

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

આ પ્રતિબંધથી અમેરિકન કંપનીઓને ભારે નુકસાન થઈ શકે છે. અમેરિકાએ આ પ્રતિબંધો યુએસ વેપાર કાયદા હેઠળ લગાવ્યા છે. યુએસ કંપનીઓએ હવે રશિયાને કોમ્પ્યુટર, સેન્સર, લેસર, નેવિગેશન સાધનો અને ટેલિકોમ્યુનિકેશન, એરોસ્પેસ અને દરિયાઈ સાધનો વેચવા માટે લાઇસન્સ મેળવવું આવશ્યક છે. અમેરિકાએ થોડા વર્ષો પહેલા ચીનની કંપની Huawei પર આવો જ પ્રતિબંધ લગાવ્યો હતો, જેના કારણે Huaweiને ઘણું નુકસાન થયું હતું.

સાયબર યુદ્ધ ચાલી રહ્યું છે

બંને દેશો વચ્ચે ચાલી રહેલા યુદ્ધની વચ્ચે યુક્રેનની સરકારી વેબસાઈટ અને બેંકો પર વારંવાર સાયબર હુમલાના અહેવાલો છે. યુક્રેનની સંસદ અને અન્ય સરકારી અને બેંકિંગ વેબસાઈટો પર ગત અઠવાડિયે સાયબર હુમલા કરવામાં આવ્યા હતા. આ હુમલા પછી, સાયબર સુરક્ષા સંશોધકોએ જણાવ્યું હતું કે અજાણ્યા હુમલાખોરોએ સેંકડો કમ્પ્યુટર્સને ખતરનાક માલવેરથી પણ સંક્રમિત કર્યા છે. સંશોધકોએ જણાવ્યું હતું કે કેટલાક સંક્રમિત કમ્પ્યુટર પડોશી લાતવિયા અને લિથુઆનિયામાં હતા.

આ પણ વાંચો: Russian Currency Fall: યુદ્ધના માઠાં પરિણામોમાંથી રશિયા પણ બાકાત નહીં, રૂબલ 30 ટકા ગગડ્યું

આ પણ વાંચો: Maha Shivratri 2022: આજે મહાશિવરાત્રીના દિવસે ભુલથી પણ ન કરો આ ભુલ, જાણો શું છે નિયમ