Tips and Tricks: ઓનલાઈન ખરીદી કરતા સમયે અપનાવો આ સરળ સેફ્ટી ટિપ્સ, ક્યારેય નહીં રહે હેકિંગનું જોખમ
ઓનલાઈન ખરીદી કરતા પહેલા, તમારા એકાઉન્ટને વધુ સુરક્ષિત રાખવામાં મદદ કરતી વસ્તુઓ તપાસવી મહત્વપૂર્ણ છે. અહીં કેટલીક સરળ ટિપ્સ છે જેનો ઉપયોગ તમે તમારી ઑનલાઇન ખરીદીને સુરક્ષિત બનાવવા માટે કરી શકો છો.
Online Shopping Safety Tips: કોરોનાકાળમાં ટૂથપેસ્ટથી લઈ કાર જેવી મોટી વસ્તુ ખરીદવા માટે ઓનલાઈન શોપિંગ (Online Shopping)એ બધાનો સૌથી પસંદગીનો વિકલ્પ બની ગયો છે. જો કે, ડિજિટલ પેમેન્ટ અને ડિજિટલ ટ્રાન્ઝેક્શન તરફ આગળ વધતા લોકોની સંખ્યાને કારણે છેતરપિંડી અથવા કૌભાંડનું જોખમ વધી ગયું છે. એવી કેટલીક રીતો છે કે જેનાથી ગ્રાહક સંપૂર્ણપણે સુરક્ષિત (Safety Tips) રહીને ઓનલાઈન ઓર્ડર કરવાનો લાભ લઈ શકે છે.
જેઓ ઓનલાઈન શોપિંગ માટે નવા છે તેઓ નકલી ડિજિટલ ગિફ્ટ કાર્ડ ખરીદવા અથવા નકલી કંપનીઓ પાસેથી ખરીદી કરવા જેવા કૌભાંડોનો સરળતાથી શિકાર થઈ શકે છે. તમે ખરીદી કરવાનું શરૂ કરો તે પહેલાં, તમારી જાતને વધુ સુરક્ષિત રાખવા માટે તમે શું કરી શકો તે જોવું મહત્વપૂર્ણ છે. અહીં કેટલીક સરળ ટિપ્સ છે જેનો ઉપયોગ તમે તમારી ઓનલાઇન ખરીદીને સુરક્ષિત બનાવવા માટે કરી શકો છો.
નબળો પાસવર્ડ કાઢી નાખો
મોટાભાગના સાયબર હુમલા (Cyber attacks)ઓનું સૌથી મોટું કારણ નબળા પાસવર્ડ્સ છે. સોફ્ટવેર દિગ્ગજ માઇક્રોસોફ્ટ અનુસાર, દર સેકન્ડે 579 પાસવર્ડ એટેક થાય છે. જ્યાં શક્ય હોય, તમારો પાસવર્ડ સંપૂર્ણપણે દૂર કરો અને ઓથેંટિકેશનનો વૈકલ્પિક અથવા વધુ સુરક્ષિત વિકલ્પ પસંદ કરો.
મલ્ટિવેક્ટર ઓથેંટિકેશન ચાલુ કરો
જો કોઈ એકાઉન્ટ અથવા સેવા મલ્ટીવેક્ટર ઓથેન્ટિકેશન (MFA) ઓફર કરે છે, તો તેને ચાલુ કરો. જો અન્ય વપરાશકર્તા તમારા એકાઉન્ટમાં લૉગ ઇન કરવાનો પ્રયાસ કરે છે, તો ટેક્સ્ટ, ઇમેઇલ અથવા કોઈપણ અન્ય પસંદ કરેલી પદ્ધતિ દ્વારા સૂચિત કરવામાં આવે ત્યારે તમે એટેમ્ટને રદ કરી શકશો. MFA મોટાભાગના પાસવર્ડ હુમલાઓને બ્લોક કરી દે છે.
ઓફર્સની છેતરપિંડી અંગે સાવચેત રહો
આપણે બધાએ એવા છેતરપિંડી વિશે વધુ સાવચેત રહેવાની જરૂર છે જે ઑનલાઇન ખરીદી કરવાની આપણી ઈચ્છાનો શિકાર બની શકે છે. જ્યારે આપણે Guaranteed Delivery ઑફર સાથે પોતાની ગમતી કોઈ વસ્તુની જાહેરાત જોઈએ છીએ, ત્યારે વિગતો અચૂક જોવી. ક્લિક કરતા પહેલા, વેબ એડ્રેસ મેસેજમાં દર્શાવેલ સાથે મેળ ખાય છે કે કેમ તે જોવા માટે કોઈપણ શંકાસ્પદ લિંક પર ધ્યાનથી ચકાસો. કોઈપણ વિચિત્ર જોડણી, વધારાના અક્ષરો અથવા વિચિત્ર લાગે તેવી કોઈપણ વસ્તુ લાગે તો તેના પર રિપોર્ટ કરો.
આ પણ વાંચો: Viral: ‘જલેબી ચાટ’ ની તસ્વીર જોઈ લોકો બોલ્યા આની ગરૂડ પુરાણમાં અલગ સજા છે !
આ પણ વાંચો: Viral: માનવતા મહેકાવતો હૃદયસ્પર્શી વીડિયો, રસ્તા પર એક્સિડેન્ટ બાદ જોવા મળ્યો અદ્ભુત નજારો
