Elon Musk દ્વારા મોટી જાહેરાત, X પર ટૂંક સમયમાં આવશે વીડિયો-ઑડિયો કૉલિંગ સુવિધા
એલોન મસ્કની પોસ્ટ પરથી મળેલી માહિતી અનુસાર, X (Twitter)માં ઉમેરવામાં આવનાર આ નવું ફીચર એન્ડ્રોઈડ સ્માર્ટફોનનો ઉપયોગ કરતા યુઝર્સ ઉપરાંત Apple iPhone અને Macનો ઉપયોગ કરતા યુઝર્સ માટે પણ રોલઆઉટ કરવામાં આવશે. મસ્ક આ ફીચર વિશે દાવો કરે છે કે આ ફીચરની સૌથી મહત્વની વાત એ હશે કે ફોન નંબર વગરના યુઝર્સ ઓડિયો અને વીડિયો કોલનો આનંદ માણી શકશે.
જ્યારથી એલોન મસ્કે માઇક્રોબ્લોગિંગ પ્લેટફોર્મ X (અગાઉ ટ્વિટર) ની કમાન સંભાળી છે, ત્યારથી પ્લેટફોર્મમાં મોટા ફેરફારો જોવા મળી રહ્યા છે. એલોન મસ્ક યુઝર એક્સપીરિયન્સને બહેતર બનાવવા માટે ધીમે ધીમે X માં નવા ફીચર્સ ઉમેરી રહ્યા છે. X પર પોસ્ટ કરીને, Elon Musk એ માહિતી આપી છે કે હવે કંપની વપરાશકર્તાઓ માટે ઑડિયો અને વીડિયો કૉલિંગ ફીચર ઉમેરવા જઈ રહી છે.
આ પણ વાંચો: Breaking News : સાળંગપુર હનુમાનજી મંદિરમાં ભીંતચિત્રનો વિવાદ, વિવાદાસ્પદ ચિત્રોને દૂર કરવા આપી નોટિસ
એલોન મસ્કની પોસ્ટ પરથી મળેલી માહિતી અનુસાર, X (Twitter)માં ઉમેરવામાં આવનાર આ નવું ફીચર એન્ડ્રોઈડ સ્માર્ટફોનનો ઉપયોગ કરતા યુઝર્સ ઉપરાંત Apple iPhone અને Macનો ઉપયોગ કરતા યુઝર્સ માટે પણ રોલઆઉટ કરવામાં આવશે. મસ્ક આ ફીચર વિશે દાવો કરે છે કે આ ફીચરની સૌથી મહત્વની વાત એ હશે કે ફોન નંબર વગરના યુઝર્સ ઓડિયો અને વીડિયો કોલનો આનંદ માણી શકશે.
Video & audio calls coming to X:
– Works on iOS, Android, Mac & PC – No phone number needed – X is the effective global address book
That set of factors is unique.
— Elon Musk (@elonmusk) August 31, 2023
સુવિધા ક્યારે ઉપલબ્ધ થશે?
હવે તમારા મનમાં આ સવાલ ઘૂમી રહ્યો હશે કે એન્ડ્રોઇડ અને એપલ યુઝર્સ આ ફીચરનો ઉપયોગ ક્યાં સુધી કરી શકશે? તમારી જાણકારી માટે, અમે તમને જણાવી દઈએ કે હાલમાં એલોન મસ્કની પોસ્ટ પરથી કોઈ માહિતી ઉપલબ્ધ નથી કે આ ફીચર યુઝર્સ માટે ક્યારે શરૂ કરવામાં આવશે.
તૈયાર કરવા માંગે છે સુપર એપ
એપમાં નવા ફીચર્સ ઉમેરવા પાછળનું કારણ એ છે કે એલોન મસ્ક પોતાની એપને સુપર એપ બનાવવા માંગે છે. મસ્કે દાવો કર્યો છે કે ઓડિયો અને વીડિયો કોલિંગ માટે યુઝર્સને ફોન નંબરની જરૂર નહીં પડે.
ટેક્નોલોજીના તમામ સમાચાર વાંચવા માટે અહીં ક્લિક કરો
