T20 World Cup: રવિ શાસ્ત્રીનો ખુલાસો, કહ્યું કોહલી અને હું ટીમ સિલેક્શનમાં સામેલ ન હતા
T20 વર્લ્ડ કપ 2021માં ભારતીય ટીમ સુપર-12માંથી જ બહાર થઈ ગઈ હતી. તેને પાકિસ્તાન અને ન્યુઝીલેન્ડ જેવી ટીમો પાસેથી હારનો સામનો કરવો પડ્યો હતો.
T20 World Cup:રવિ શાસ્ત્રી (ravi shastri)એ ભારતીય ક્રિકેટ ટીમના કોચ પદેથી રાજીનામું આપી દીધું છે. T20 વર્લ્ડ કપ 2021 (T20 World Cup)માં ભારત સુપર-12માંથી બહાર થતાં જ તેમનો કાર્યકાળ સમાપ્ત થઈ ગયો. ટીમ ઈન્ડિયાના મુખ્ય કોચ તરીકે રવિ શાસ્ત્રીનો કાર્યકાળ આ વર્લ્ડ કપ સુધી જ હતો.
પદ છોડ્યા બાદ રવિ શાસ્ત્રી (ravi shastri)એ હવે મોટો ખુલાસો કર્યો છે. તેનું કહેવું છે કે, ટી20 વર્લ્ડ કપ (T20 World Cup) માટે પસંદ કરવામાં આવેલી ટીમમાં તેની કોઈ ભૂમિકા નથી. આ સાથે કેપ્ટન વિરાટ કોહલી (Captain Virat Kohli)પાસેથી પણ સંમતિ લેવામાં આવી ન હતી. રવિ શાસ્ત્રીએ એક ટીવી ચેનલ સાથેની વાતચીતમાં આ વાત કહી.
એક જાણીતી ચેનલ સાથેની વાતચીતમાં કહ્યું, ‘હું ટીમ સિલેક્શનમાં ભાગ લેતો નથી. હું પ્લેઈંગ ઈલેવનની પસંદગીમાં સામેલ છું. (T20 World Cup) પસંદગીકારો દ્વારા 15 સભ્યોની ટીમની પસંદગી કરવામાં આવી હતી. કેપ્ટન પણ આમાં સહમત ન હતા.’ રવિ શાસ્ત્રીએ ટી-20 વર્લ્ડ કપ દરમિયાન ભારતીય ટીમની મેચોના શેડ્યૂલ પર પણ સવાલ ઉઠાવ્યા હતા. તેણે કહ્યું, ‘કોઈપણ બહાનું કાઢ્યા વિના, હું કહીશ કે મારા અનુસાર શેડ્યુલિંગ વધુ સારું થઈ શક્યું હોત.
તમે બાયોબબલમાં જીવો છો. તમે પાકિસ્તાન સામે પ્રથમ મેચ રમી હતી. તમે હારી ગયા છો. પછી એક અઠવાડિયા સુધી બેસો અને ક્યારેક પ્રેક્ટિસ માટે જાઓ. તે સમયે પ્રેક્ટિસ નુકસાન પહોંચાડી શકે છે કારણ કે, તમે રમવા અને યોગ્ય સ્કોર મેળવવા માંગો છો. તેથી ભવિષ્યમાં ક્યારેય એક અઠવાડિયાનો તફાવત ન હોવો જોઈએ. આ દરમિયાન મેચ થવી જોઈએ, પછી ભલે તે કોઈની સાથે હોય.
ડ્રેસિંગ રૂમમાં દાદાગીરી પર શાસ્ત્રીએ કહ્યું
રવિ શાસ્ત્રીએ પણ ડ્રેસિંગ રૂમમાં કોહલી અને તેના દાદાગીરીના આરોપોનો જવાબ આપ્યો હતો. ઈંગ્લેન્ડ પ્રવાસ બાદ ટીમ ઈન્ડિયામાં મતભેદ હોવાના સમાચાર આવ્યા હતા. કહેવાય છે કે, કેટલાક સિનિયર ખેલાડીઓ કેપ્ટનના વર્તનથી નારાજ છે. તેણે બીસીસીઆઈને કથિત રીતે ફરિયાદ કરી હોવાના અહેવાલો પણ હતા.
આ પણ વાંચો : PM MODI એ RBIની બે નવી સ્કીમ લોન્ચ કરી, હવે રિટેલ ઇન્વેસ્ટર સરકારી સિક્યોરિટીઝ અને બોન્ડ્સમાં સીધું રોકાણ કરી શકશે
