T20 world cup 2021: ભારત-પાકિસ્તાન મેચ પહેલા કપિલ દેવે ટીમ ઈન્ડિયાના સ્ટાર્સને આપી ચેતવણી, કહ્યું- હારશો તો ઘણું ગુમાવશો
સુપર 12માં ભારત અને પાકિસ્તાન બંને એક જ ગ્રુપમાં સામેલ છે. બંને વચ્ચે T20 વર્લ્ડ કપ(T20 World Cup)ની મેચ 24 ઓક્ટોબરે રમાશે.
T20 world cup 2021: કોઈપણ આઈસીસી ટૂર્નામેન્ટમાં ચાહકો ભારત અને પાકિસ્તાન (India vs Pakistan) વચ્ચેની મેચની આતુરતાથી રાહ જોતા હોય છે. બંને ટીમો માત્ર ICC ટૂર્નામેન્ટમાં જ એકબીજાનો સામનો કરે છે, તેથી દરેક મેચ ખૂબ જ રોમાંચક હોય છે.
T20 વર્લ્ડ કપ (T20 World Cup)માં ભારત પોતાની પ્રથમ મેચ પાકિસ્તાન (Pakistan) સામે રમવા જઈ રહ્યું છે. બંને ટીમો 24 ઓક્ટોબરે સુપર 12 મેચમાં સામસામે ટકરાશે. જ્યારે ચાહકો ભારતની જીતની આશા રાખી રહ્યા છે, ત્યારે પૂર્વ કેપ્ટન કપિલ દેવે (Kapil Dev) આ મેચ પહેલા ટીમના ખેલાડીઓને મહત્વની સલાહ આપી છે.
ભારત-પાકિસ્તાન (India vs Pakistan) મેચ વિશે એક ટીવી ચેનલ સાથે વાત કરતા કપિલ દેવે (Kapil Dev) કહ્યું કે આ મેચમાં ટીમ ઈન્ડિયા (Team India) પર વધુ દબાણ રહેશે કારણ કે, તે મોટા નામો સાથે રમી રહી છે. આ સાથે તેણે એમ પણ કહ્યું કે પાકિસ્તાન સામેની મેચમાં પ્રદર્શન ભારતીય ખેલાડીને હીરો અને ઝીરો બનાવે છે.
ભારતીય ટીમ (India Team) વર્લ્ડ કપમાં વિરાટ કોહલીની કેપ્ટનશીપ હેઠળ રમવા જઈ રહી છે, જ્યારે પાકિસ્તાનની કમાન તેમના યુવા સ્ટાર બાબર આઝમના હાથમાં છે. ન્યૂઝ ચેનલ પર ભારતને વર્લ્ડ ચેમ્પિયન (World Champion) બનાવનાર કેપ્ટને કહ્યું, ‘મને લાગે છે કે ભારતીય ટીમ પાકિસ્તાન કરતાં વધુ દબાણમાં હશે કારણ કે તેની પાસે ગુમાવવાનું વધુ છે. ભારતમાં ઘણા મોટા નામો છે અને મોટા નામો સાથે દબાણ આવે છે. જો તમે મોટા નામો સાથે પ્રદર્શન કરતા નથી તો તમે ઘણું ગુમાવો છો.
કપિલ દેવે સિનિયર ખેલાડીઓને ચેતવણી આપી
કપિલે વધુમાં કહ્યું કે દબાણમાં કોણ પ્રદર્શન કરે છે, તે ખૂબ જ મહત્વપૂર્ણ છે. તેણે કહ્યું ‘તે બધું દબાણ અને મજા પર નિર્ભર કરે છે. શું તમે રમતનો આનંદ માણી રહ્યા છો કે પછી તમે તેનું દબાણ અનુભવો છો. જો તમે તમારા પર વધુ પડતું દબાણ કરશો તો તમે ક્યારેય ઈચ્છિત પ્રદર્શન કરી શકશો નહીં. તે ટીમ માટે જીતની તક વધી જાય છે, જે પણ ટીમ એ હકીકતમાં વિશ્વાસ કરે છે કે જ્યારે આપણે મેદાન પર જઈએ છીએ, ત્યારે આપણે રમતનો ભરપૂર આનંદ માણવો જોઈએ.
તે તેની એક અલગ ઓળખ બનાવે છે. જો કોઈ યુવા ખેલાડી આગળ આવે અને સારું પ્રદર્શન કરે તો તેને આખી દુનિયામાં એક અલગ ઓળખ મળે છે. બીજી બાજુ જો કોઈ વરિષ્ઠ ખેલાડી સારો દેખાવ કરી શકતો નથી તો તે તેની છબીને નુકસાન પહોંચાડે છે.