India vs Pakistan, T20 World cup 2021: ભારત પાકિસ્તાનને હરાવશે ! 60-40 થી ટીમ ઇન્ડીયાનુ પલડું ભારે, જાણો શુ છે સૌથી મોટું કારણ
એ મોટો દિવસ અને મોટી તક હવે નજીક છે, જેની ઘણા દિવસો, ઘણી રાતોથી રાહ જોવાતી હતી. એક તરફ વિરાટ કોહલી (Virat Kohli) ની સેના, બીજી તરફ બાબર આઝમ (Babar Azam) ની સેના અને દુબઈનુ મેદાન 'રણ' ક્ષેત્ર.
જો તમે ક્રિકેટના ચાહક છો. ભારત-પાકિસ્તાન (India vs Pakistan) મહામુકાબલાનની આતુરતાથી રાહ જોઈ રહ્યા છે. તેથી સીટ બેલ્ટને થોડો ટાઇટ કરો. કારણ કે, 24 ઓક્ટોબરની સાંજ આવી રહી છે. એ મોટો દિવસ અને મોટી તક હવે નજીક છે, જેની ઘણા દિવસો, ઘણી રાતોથી રાહ જોવાતી હતી. એક તરફ વિરાટ કોહલી (Virat Kohli) ની સેના, બીજી તરફ બાબર આઝમ (Babar Azam) ની સેના અને દુબઈનુ મેદાન ‘રણ’ ક્ષેત્ર. મોટો પ્રશ્ન એ છે કે કોણ જીતશે? ઈતિહાસ પર નજર કરીએ તો ભારતનું પલડું ભારે છે.
પરંતુ, પાકિસ્તાનનો કેપ્ટન બાબર આઝમ તે ઇતિહાસમાં માનતો નથી. બાબર આઝમનું પાકિસ્તાન આ વખતે ઈતિહાસ બદલવાનો ભારે પ્રયાસ કરી રહ્યું છે. જ્યારે ભારતીય કેપ્ટનની દૃષ્ટિએ આ સામાન્ય મેચ કરતાં વધુ કંઈ નથી.
પાકિસ્તાનના દિગ્ગજ બોલર મોહમ્મદ આમિર (Mohammed Amir) ના જણાવ્યા અનુસાર 24 ઓક્ટોબરના મહાભારતમાં ભારતનો પાકિસ્તાન પર ભારે હાથ છે. તેણે એક ઇન્ટરવ્યુમાં કહ્યું હતું કે તે આ મેચમાં પાકિસ્તાન પર ભારતનો સ્કેલ 60-40 થી 20 ઉપર રેટ કરે છે. દિગ્ગજ ડાબા હાથના પાકિસ્તાની બોલરે આપેલા કારણ મુજબ, બાબર આઝમનું નિવેદન ઝાંખુ પડી ગયું હોય તેવું લાગે છે, જેના આધારે તે યુએઈમાં ભારત સાથે રમવાનું પાકિસ્તાન માટે ફાયદા તરીકે વિચારી રહ્યો હતો.
ભારતનો 60-40થી ઉપરનો હાથ છે- મોહમ્મદ આમિર
મોહમ્મદ આમિરે પાકિસ્તાન પર 60-40 થી ભારતના સ્કેલનો અંદાજ લગાવતા કહ્યું કે, ટીમ ઇન્ડિયાના ખેલાડીઓએ તાજેતરમાં IPL 2021 માં UAE ની પિચો પર ખૂબ ક્રિકેટ રમી છે. આનાથી તેમને ફાયદો થશે. જ્યારે પાકિસ્તાનની ટીમ UAE માં વધુ મેચ રમવાનો અનુભવ ધરાવે છે. પરંતુ, તે તાજેતરના સમયમાં અહીં રમ્યુ નથી.આવી સ્થિતિમાં, મને લાગે છે કે ભારતીય ટીમ ત્યાંની તાજી પરિસ્થિતિઓ વિશે પાકિસ્તાન કરતાં વધુ જાણતુ હશે. આ જ કારણ છે કે મેં પાકિસ્તાનનો પક્ષ ભારત કરતાં થોડો નીચો રાખ્યો છે.
T20 WC અને છેલ્લા 10 વર્ષમાં ભારત-પાકિસ્તાન
T20 વર્લ્ડ કપમાં ભારતનો પાકિસ્તાન સામે 100% જીતનો રેકોર્ડ છે. આ સિવાય, જો આપણે છેલ્લા 10 વર્ષમાં ટી20 આંતરરાષ્ટ્રીયમાં બંને ટીમોના આંકડા પર નજર કરીએ, તો ભારતની જીત ટકાવારી તેમાં પણ પાકિસ્તાન કરતા સારી છે. ભારતે છેલ્લા 10 વર્ષમાં 115 ટી 20 આંતરરાષ્ટ્રીય મેચ રમી છે, જેમાં તેણે 73 જીતી છે અને 37 હારી છે.
આ દરમિયાન 2 મેચ ટાઈ છે અને 3 અનિર્ણિત છે. જીતની ટકાવારી 63.5 રહી છે. બીજી બાજુ, પાકિસ્તાને છેલ્લા 10 વર્ષમાં ટી20 આંતરરાષ્ટ્રીય મેચોમાં 59.7 ટકા જીત મેળવી છે. આ સમયગાળા દરમિયાન રમાયેલી 129 ટી 20 આંતરરાષ્ટ્રીય મેચોમાં, તેણે 77 જીતી અને 45 મેચ હાર્યુ છે. 2 મેચ ટાઈ છે અને 5 અનિર્ણિત છે.