T-20 લીગ: સનરાઈઝર્સ હૈદરાબાદને જીતવા માટે 209 રનનો ટાર્ગેટ, ડીકોકની શાનદાર અડધી સદી

ટી-20 લીગની 17મી મેચ મુંબઈ ઈન્ડિયન્સ અને સનરાઈઝર્સ હૈદરાબાદ વચ્ચે શારજાહમાં રમાઇ રહી છે. મુંબઈએ ટોસ જીતીને પ્રથમ બેટીંગ કરવા માટે મેદાનમાં ઉતરવુ પસંદ કર્યુ હતુ. મુંબઈ ઈન્ડિયન્સે પ્રથમ છ ઓવર દરમ્યાન એટલે કે, પાવર પ્લે દરમ્યાન મુંબઈએ શારજાહના મેદાનનો સૌથી ઓછો સ્કોર કર્યો હતો. મુંબઈએ છ ઓવરમં 48 રન કર્યા હતા. કેપ્ટન રોહિત શર્માં અને સુર્યકુમાર યાદવ ઝડપથી આઉટ થયા હતા. મુંબઈ ઈન્ડિયન્સે પાંચ વિકેટ ગુમાવીને 208 રન કર્યા હતા. જે શારજાહમાં સતત ચોથી મેચમાં 200 પ્લસ સ્કોર નોંધાયો છે.

પાવરપ્લેમાં જ સૌથી ઓછા રન

મુંબઈની ટીમ બેટીંગ કરવાનું પહેલા પંસદ કરતા સારી રમત સાથે શરુઆત કરવાનો અંદાજ નિષ્ણાંતો માનવા લાગ્યા હતા. પરંતુ પાવરપ્લેમાં જ દમ દેખાડવામાં મુંબઈ નિષ્ફળ રહ્યુ હતુ. શારજાહમાં હાલની સિઝનમાં સાત ઈનિંગ રમાઇ છે, જેમાં સૌથી ઓછો સ્કોર પાવર પ્લે દરમ્યાન મુંબઈના નામે નોંધાયો છે. એવી પહેલી ટીમ છે  50 રન પણ પાવર પ્લેમાં કરી શકી નથી. આ દરમ્યાન બે વિકેટ પણ મહત્વની મુંબઈએ ગુમાવી હતી.

રોહિત શર્માઃ ટી-20 લીગમાં સૌથી વધુ મેચ રમનારો બીજો ખેલાડી

રોહિત શર્માએ આજની મેચ રમવા સાથે જ એક સિધ્ધી હાંસલ કરી છે, તે હવે આઈપીએલમાં સૌથી વધુ મેચ રમવાના મામલામાં ત્રીજા સ્થાનથી આગળ વધીને હવે બીજા સ્થાન પર પહોંચી ચુક્યો છે.રોહિતની આ 193મી મેચ હતી. સુરેશ રૈના પણ 193 મેચ રમી ચુક્યો છે. જોકે સૌથી વધુ મેચ રમવાનો રેકોર્ડ હમણાં જ ધોનીએ કર્યો છે. રૈનાની ગેરહાજરી હવે તેના આ રેકોર્ડની યાદીમાં તેનો ટોચનો ક્રમ હવે ધીરે ધીરે નીચે ઉતરવા લાગ્યો છે.

મુંબઈ ઈન્ડિયન્સની બેટીંગ

ડીકોકે આજે એક સારી રમત દાખવી હતી. તેણે આજે અડદીસદી કરીને ટીમને મજબુત સ્કોર પર પહોંચાડવાની જવાબદારી નિભાવી હતી. માત્ર 39 બોલમાં જ ડી કોકે 67 રન કર્યા હતા. તે ઝડપી રમત રમી રહ્યો હતો, પરંતુ રાશિદ ખાને તેનો શિકાર પોતાના જ બોલ પર કેચ કરીને કર્યો હતો. યાદવે 27 રન કર્યા હતા. જ્યારે ઇશાન કિશને 31 રન કર્યા હતા. રોહિત શર્મા પાસે મેચની શરુઆત સારી કરવાની ખુબ અપેક્ષા હતી અને જેમાં તે આજે નિષ્ફળ રહ્યો હતો. રોહિત શર્માએ માત્ર 06 રન કર્યા હતા અને તે પણ એક છગ્ગો ફટકારીને આમ તે પાંચ બોલ રમીને સંદિપ શર્માના બોલ પર કેચ આઉટ થયો હતો. એક સમયે મુંબઈએ 48 રનમાં જ બે વિકેટ ગુમાવી હતી. આમ છતાં ડીકોક, સહિત મધ્યમ ક્રમના બેટ્સમેનોએ નાની પણ ઝડપી રમત દાખવતા રહેતા સ્કોર બોર્ડ 200 રન વટાવી શક્યુ હતુ.

સનરાઈઝર્સની બોલીંગ

સંદિપ શર્માએ મુંબઈની બે વિકેટ ઝડપી લીધી હતી. જોકે તેણે ચાર ઓવરમાં 41 રન આપ્યા હતા. રાશિદ ખાને ચાર ઓવરમાં 22 રન આપીને મહત્વની એક વિકેટ ઝડપી હતી. સિધ્ધાર્થ કોલે બે વિકેટ ઝડપી હતી. તેણે ચાર ઓવરમાં 64 રન આપ્યા હતા અને તે મોંઘો બોલર રનની બાબતમાં પુરવાર થયો હતો. નટરાજને ચાર ઓવરમાં 29 રન આપ્યા હતા. આમ એકંદરે વિકેટ ઝડપવામાં ઓછા સફળ રહ્યા હતા. સામે નટરાજન અને રાશિદ ખાનને બાદ કરતા બોલરો ખર્ચાળ પુરવાર થયા હતા.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો