Senior Women Challengers Trophy નવા અંદાજમાં ભારતીય ખેલાડીઓ ધુમ મચાવશે ,જાણો આ ટૂર્નામેન્ટની દરેક માહિતી વિશે

Senior Women Challengers Trophy : કોવિડ (Covid)ના કારણે મહિલા ક્રિકેટ ખૂબ જ ઓછી જોવા મળી છે, ખાસ કરીને ભારતમાં કોવિડને કારણે ભારતમાં ડોમેસ્ટિક મહિલા ક્રિકેટ (Domestic women’s cricket)ને ઘણી અસર થઈ છે. આ કારણોસર ઘણી ટુર્નામેન્ટ રમાઈ નથી. આમાંથી એક સિનિયર વુમન ચેલેન્જર્સ ટ્રોફી છે. 2019-20 થી, આ ટુર્નામેન્ટ ફરી પાછી ફરી રહી છે, તે પણ નવા અંદાજમાં.

આ ટુર્નામેન્ટ આજથી એટલે કે 4 ડિસેમ્બરથી શરૂ થઈ રહી છે, જે 9 ડિસેમ્બર સુધી ચાલશે. આ ટુર્નામેન્ટ (Tournament)માં પહેલા ત્રણ ટીમો રમતી હતી પરંતુ હવે આ ટુર્નામેન્ટ ચાર ટીમો માટે યોજાશે અને આ ચાર ટીમો હશે – ઈન્ડિયા-એ, ઈન્ડિયા-બી, ઈન્ડિયા-સી, ઈન્ડિયા-ડી. કેવી રીતે થશે આ ટૂર્નામેન્ટ અને કયા ખેલાડી (Player)ઓ તેમાં ભાગ લઈ રહ્યા છે, અમે તમને આ વિશે જણાવીશું.

આ ટુર્નામેન્ટ વિજયવાડા (Vijayawada)માં ડો. ગોકારાજુ લૈલા ગંગા રાજુ ACA ક્રિકેટ કોમ્પ્લેક્સ-DVR ગ્રાઉન્ડ ખાતે રમાશે. આ ટુર્નામેન્ટ રાઉન્ડ રોબિન ફોર્મેટમાં યોજાશે. આ પછી ટોચની બે ટીમો ફાઈનલ મેચ રમશે. જો કે, આ ટૂર્નામેન્ટમાં ભારતના ઘણા સ્ટાર ખેલાડીઓને આરામ આપવામાં આવ્યો છે, જેના કારણે તેઓ ઓસ્ટ્રેલિયાની બિગ બેશ લીગ (Big Bash League)માં રમે છે. આ કારણે આ ટૂર્નામેન્ટમાં હરમનપ્રીત કૌર, સ્મૃતિ મંધાના જેવા નામો જોવા મળશે નહીં. તેમજ મિતાલી રાજ અને ઝુલન ગોસ્વામી પણ આ ટૂર્નામેન્ટમાં રમતા જોવા મળશે નહીં.

આ ખેલાડીઓ પર નજર હશે

ટોચના ખેલાડીઓની ગેરહાજરીમાં યુવા ખેલાડીઓને તક મળી છે. આવી સ્થિતિમાં ચાર નવા ખેલાડીઓને પણ કેપ્ટનશિપની તક મળશે. સ્નેહ રાણા ભારત A ની કેપ્ટનશીપની જવાબદારી સંભાળશે, જેણે ઈંગ્લેન્ડ સામેની ટેસ્ટ મેચમાં ધૂમ મચાવી હતી. વિકેટકીપર-બેટ્સમેન તાનિયા ભાટિયા ઈન્ડિયા-બીનું નેતૃત્વ કરશે જ્યારે પૂજા વસ્ત્રાકર ઈન્ડિયા-ડીનું નેતૃત્વ કરશે. ઈન્ડિયા-સીની કેપ્ટનશીપ ફાસ્ટ બોલર શિખા પાંડે પાસેથી મળી છે. આ સિવાય યાસ્તિકા ભાટિયા, હરલીન દેઓલ, રાજેશ્વર ગાયકવાડ અને રાધા યાદવ પર પણ નજર રહેશે.

વર્લ્ડ કપની તૈયારી

આ ટુર્નામેન્ટથી ખેલાડીઓ આવતા વર્ષે માર્ચમાં યોજાનાર ODI વર્લ્ડ કપ માટે પણ તૈયારી કરશે અને ટીમ માટે પોતાનો દાવો પણ રજૂ કરશે. તાજેતરમાં જ વિમેન્સ સિનિયર ઓડીઆઈ ટ્રોફી પણ સમાપ્ત થઈ ગઈ છે. આ બંને ટૂર્નામેન્ટમાં ખેલાડીઓના પ્રદર્શન પર પસંદગીકારોની નજર રહેશે.

આવો કાર્યક્રમ છે

• 4 ડિસેમ્બર – ઈન્ડિયા-એ વિ ઈન્ડિયા બી અને ઈન્ડિયા-સી વિ ઈન્ડિયા-ડી
• 5 ડિસેમ્બર – ઈન્ડિયા-એ વિ ઈન્ડિયા-સી અને ઈન્ડિયા-બી વિ ઈન્ડિયા-ડી
• 7 ડિસેમ્બર – ઈન્ડિયા-એ વિ ઈન્ડિયા-ડી અને ઈન્ડિયા બી વિ ઈન્ડિયા-સી

આ ટીમો છે

ઇન્ડિયા-A : સ્નેહ રાણા (કેપ્ટન), શિવાલી શિંદે, લક્ષ્મી યાદવ, વૃંદા દિનેશ, ઝાંસી લક્ષ્મી, યાસ્તિકા ભાટિયા, કુ. દિબ્યદર્શિની, મહેક કેસર, બી. અનુષા, એસ.એસ. કલાલ, ગંગા, ડીડી કેસટ, રેણુકા સિંહ અને સિમરન દિલ બહાદુર

ઇન્ડિયા-B : તાનિયા ભાટિયા (કેપ્ટન), અંજુ તોમર, રિયા ચૌધરી, પલક પટેલ, શુભા સતીશ, હરલીન દેઓલ, હુમેરા કાઝી, ચંદુ વી રામ, રાશિ કનોજિયા, જી. ત્રિશા, સૌમ્યા તિવારી, મેઘના સિંહ, સરલા દેવી, સાયમા ઠાકુર અને રામ્યા શ્રી.

ઇન્ડિયા-C : શિખા પાંડે (કેપ્ટન), મુસ્કાન મલિક, શ્વેતા વર્મા, શિપ્રા ગિરી, તરન્નુમ પઠાણ, આરતી દેવી, રાધા યાદવ, સી. પ્રત્યુષા, અનુષ્કા શર્મા, કાશવી ગૌતમ, પ્રિયંકા ગરઘેડે, આર. આર. સાહા, ધારા ગુર્જર, પ્રિયા પુનિયા, ઐશ્વર્યા

ઈન્ડિયા-D : પૂજા વસ્ત્રાકર (કેપ્ટન), અમનજોત કૌર, ઈન્દ્રાણી રોય, કે. પ્રત્યુષા, એસ. મેઘના, દિવ્યા જી. આયુષી સોની, કનિકા આહુજા, કીર્તિ જેમ્સ, રાજેશ્વર ગાયકવાડ, સંજુલા નાઈક, મોનિકા પટેલ અને અશ્વિની કુમાર.

આ પણ વાંચો : IPL 2022 : લખનૌ ફ્રેન્ચાઇઝીના મુખ્ય કોચ કોણ હશે? ડેનિયલ વેટોરી અને એન્ડી ફ્લાવર રેસમાં આગળ છે