ગુમ થયા બાદ Tennis star Peng Shuai ની પોતાના નિવેદનથી પીછેહઠ, કહ્યું મારી સાથે યૌન શોષણ નથી થયું
બે વખતના ગ્રાન્ડ સ્લેમ ડબલ્સ વિજેતા Peng Shuaiએ 2 નવેમ્બરના રોજ સોશિયલ મીડિયા પોસ્ટમાં કોમ્યુનિસ્ટ પાર્ટીના ટોચના અધિકારી પર જાતીય સતામણીનો આરોપ લગાવ્યો હતો.
Peng Shuai : ચીનની ટેનિસ સ્ટાર પેંગ શુઆઈ (Tennis star Peng Shuai)છેલ્લા કેટલાક સમયથી ચર્ચામાં છે. પહેલા તેના ટ્વિટર એકાઉન્ટ પરથી દેશના એક ટોચના નેતા પર જાતીય સતામણીનો આરોપ લગાવવામાં આવ્યો હતો, જ્યારે તે પછી તેના ગુમ થવાના સમાચારે દુનિયાને ચોંકાવી દીધી હતી. પેંગ શુઆઈએ હવે સિંગાપોર (Singapore)ના એક અખબારને કહ્યું કે, તેણે ક્યારેય જાતીય સતામણી વિશે વાત કરી નથી, જોકે નવેમ્બર (November)માં તેમને ટાંકીને સોશિયલ મીડિયા (Social media) પરની એક પોસ્ટમાં ભૂતપૂર્વ ટોચના કમ્યુનિસ્ટ પાર્ટી (Communist Party)ના નેતા સામે આવો આક્ષેપ કરવામાં આવ્યો હતો.
ચીન (China)ના અખબારે પેંગ શુઆઈનો એક વીડિયો મૂક્યો છે જે રવિવારે શાંઘાઈમાં શુટ કરવામાં આવ્યો હતો. આમાં તેણે કહ્યું કે, તે બેઇજિંગમાં તેના ઘરે રહી રહી છે પરંતુ બહાર જવા માટે સ્વતંત્ર છે. પેંગે કહ્યું, ‘મારે કંઈક અગત્યનું કહેવું છે. પ્રથમ, મેં (Peng Shuai) ક્યારેય લખ્યું નથી કે કોઈએ મારી જાતીય સતામણી કરી છે. હું આ સ્પષ્ટપણે કહેવા માંગુ છું.
પેંગ શુઆઈ પોતાના નિવેદનથી પલટવાર કર્યો
પત્રકારે તેને પૂછ્યું ન હતું કે તેની 2 નવેમ્બરની પોસ્ટમાં આવા આક્ષેપો શા માટે કર્યા છે અથવા તેનું એકાઉન્ટ હેક કરવામાં આવ્યું છે. પેપરમાં કહેવામાં આવ્યું છે કે પેંગનો ઇન્ટરવ્યુ 4 ફેબ્રુઆરીથી શરૂ થઈ રહેલા બેઇજિંગ વિન્ટર ઓલિમ્પિક્સને પ્રોત્સાહન આપવા માટે લેવામાં આવ્યો હતો. તે સમયે તે ભૂતપૂર્વ NBA સ્ટાર યાઓ મિંગ અને અન્ય ચાઈનીઝ ખેલાડીઓ સાથે સ્કીઈંગ ઈવેન્ટ જોઈ રહી હતી. પૂર્વ નાયબ વડા પ્રધાન ઝાંગ ગાઓલી સામેના આરોપો બાદથી પેંગ ગાયબ છે. સમગ્ર વિશ્વમાં તેમના સ્વાસ્થ્યને લઈને ચિંતા વ્યક્ત કરવામાં આવી રહી છે.
ચીન આ વિવાદને સમાપ્ત કરવાનો પ્રયાસ કરી રહ્યું છે
ચીનની સત્તાધારી કોમ્યુનિસ્ટ પાર્ટીના અખબારની સંપાદકે થોડા દિવસો પહેલા એક વીડિયો ઓનલાઈન પોસ્ટ કર્યો હતો જેમાં તેણે દાવો કર્યો હતો કે, તે ટેનિસ સ્ટાર પેંગ શુઆઈની મેચ જોઈ રહી છે. આ કારણે શાસક પક્ષે ચીનના આ ટોચના ટેનિસ ખેલાડીને લઈને વિદેશમાં જે ડર પેદા કર્યો હતો તેને દૂર કરવાનો પ્રયાસ કર્યો હતો. આ પછી તે ઈન્ટરનેશનલ ઓલિમ્પિક કમિટી (IOC)ના પ્રમુખ થોમસ બાચ સાથે વીડિયો કોલમાં જોવા મળી હતી. જો કે આ વીડિયો કોલ પછી પણ કોઈ ચોક્કસ માહિતી સામે આવી નથી.
આ પણ વાંચો : Pro Kabaddi League 8 : કબડ્ડીના અલગ અલગ પ્રકારો અને તેના નિયમો, રમવાની પદ્ધતિ વિશે જાણો
