Wrestlers Protest: પહેલવાનોએ ફરી ખાવા-પીવાનું કર્યુ બંધ, વિનેશ ફોગાટનો પોલીસ પર ગંભીર આરોપ
Vinesh Phogat વિનેશ ફોગટે કહ્યું કે તેની તબિયત સારી નથી અને તેથી જ તે કારમાં દવા લેવા ગઈ હતી પરંતુ આ દરમિયાન રસ્તા ચારે બાજુથી બંધ હતા. વિનેશે પોલીસ પર તેની સાથે મારપીટ કરવાનો આરોપ પણ લગાવ્યો છે.
રેસલિંગ ફેડરેશન ઓફ ઈન્ડિયા (WFI)ના પ્રમુખ બ્રિજ ભૂષણ શરણ સિંહના વિરુદ્ધ શનિવારે ફરી એકવાર જંતર-મંતર પર ધરણા પર બેઠેલા કુસ્તીબાજોએ પોલીસકર્મીઓ પર ગંભીર આરોપ લગાવ્યા છે. બજરંગ પુનિયા, વિનેશ ફોગટ, સાક્ષી મલિક સહિત દેશના ઘણા રેસલર ગઈકાલ સાંજથી ધરણા પર બેઠા છે. આ ખેલાડીઓનો આરોપ છે કે, પોલીસે તેમને ભોજન આપવાનું બંધ કરી દીધું છે અને ખેલાડીઓને હેરાન કરી રહી છે.
ધરણા પર બેઠેલી વિનેશ ફોગટે ન્યૂઝ એજન્સી એએનઆઈ સાથે વાત કરતા કહ્યું કે, તેની તબિયત સારી નથી અને તેથી જ તે કારમાંથી દવા લેવા ગઈ હતી, પરંતુ આ દરમિયાન પોલીસે રસ્તાને ચારે બાજુથી બ્લોક કરી દીધા અને તેને અંદર આવવા દેવાઈ નહોતી. વિનેશે કહ્યું કે તેની સાથે ધક્કા મુક્કી કરવામાં આવી હતી.
ખાવા-પીવા પર પ્રતિબંધ
વિનેશે એ પણ જણાવ્યું કે તેના ઘણા સાથીદારોને પોલીસે ધરણા સ્થળે આવતા અટકાવ્યા હતા. તેણે કહ્યું કે તેના ઘણા સાથીઓ બહાર છે અને પોલીસકર્મીઓ તેમને અંદર પ્રવેશવા દેતા નથી. તેમણે કહ્યું કે પાણી પણ અંદર લાવવાની મંજૂરી નથી. વિનેશે કહ્યું કે તેમનું ભોજન અને પાણી બંધ કરી દેવામાં આવ્યું છે.
#WATCH हमारे कई सारे साथी बाहर(जंतर-मंतर के) बैठे हैं, उनको अंदर नहीं आने दे रहे हैं। इन लोगों ने हमारा खाना-पानी सब बंद कर दिया है कि कुछ भी अंदर नहीं जाएगा: पहलवान विनेश फोगट, दिल्ली pic.twitter.com/9p6Kq40m8G
— ANI_HindiNews (@AHindinews) April 23, 2023
ઓલિમ્પિક મેડલ વિજેતા બજરંગ પુનિયાએ કહ્યું છે કે તે ધરણાસ્થળેથી હટશે નહીં. મીડિયા સાથે વાત કરતા બજરંગે કહ્યું કે દિલ્હી પોલીસ તેની સાથે જે રીતે વર્તન કરી રહી છે તે ખોટું છે. જંતર-મંતર પર રાત્રે પ્રદર્શનની મંજૂરી નથી. પરંતુ ખેલાડીઓએ આ માટે પરવાનગી માંગી હતી, જે દિલ્હી પોલીસ દ્વારા આપવામાં આવી ન હતી. બજરંગે કહ્યું કે જ્યાં સુધી તેમની માંગણીઓ પૂરી ન થાય ત્યાં સુધી તેઓ હડતાળ ચાલુ રાખશે.
હડતાલ ફરી શરૂ કરી
આ કુસ્તીબાજોએ જાન્યુઆરીમાં જંતર-મંતર ખાતે રેસલિંગ ફેડરેશન ઓફ ઈન્ડિયા (WFI)ના પ્રમુખ બ્રિજ ભૂષણ શરણ સિંહના વિરુદ્ધ ધરણા કર્યા હતા અને આરોપ લગાવ્યો હતો કે WFI પ્રમુખે મહિલા ખેલાડીઓનું યૌન શોષણ કર્યું હતું. ભારતીય ઓલિમ્પિક એસોસિએશન અને રમતગમત મંત્રાલયે આ મામલે એક કમિટી બનાવી હતી. પિકેટિંગ કરનારા ખેલાડીઓનું કહેવું છે કે કમિટી બન્યા બાદ પણ આ મામલે હજુ સુધી કંઈ થયું નથી, તેથી આ લોકો ફરીથી ધરણા પર બેઠા છે. આ તમામ આંદોલનકર્તા પહેલવાનો, બ્રિજ ભૂષણ શરણ સિંહ સામે વહેલી તકે FIRની માંગ કરી રહ્યા છે.
