Tokyo Olympics: 21 વર્ષીય બેકસ્ટ્રોક સ્વિમર અમદાવાદની માના પટેલ ટોક્યો ઓલમ્પિક માટે નોમિનેટ થઈ
SFIએ માના પટેલ (Maana Patel) ઉપરાંત શ્રીહરિ નટરાજનને પણ નામિત કર્યા છે. 'યુનિવર્સલીટી પ્લેસ ક્વોલિફીકેશન સિસ્ટમ'ના માધ્યમથી ટોક્યો ઓલમ્પિકમાં સ્પર્ધામાં ઉતરવા માટે નામિત કરવામાં આવ્યા છે.
ભારત તરફથી અત્યાર સુધી કોઈ સ્વિમર ટોક્યો ઓલમ્પિક (Tokyo Olympics) માટે ક્વોલીફાઈ થઈ શક્યુ નથી. દેશના ટોપર સ્વિમર, શ્રીહરિ નટરાજન (Srihari Nataraj) અને સાજન પ્રકાશ પણ લેવલ B ક્વોલીફિકેશન માર્ક હાંસલ કર્યો છે. જોકે માર્ક A સુધી તેઓ પહોંચી શક્યા નથી. હવે ભારતીય સ્વિમર સંઘે (SFI) બીજી રીતે ટોક્યો ઓલમ્પિકમાં પોતાના ખેલાડીઓને ક્વોલિફાઈ કરવા પ્રયાસ કર્યો છે. જેમાં અમદાવાદની માના પટેલ (Maana Patel)ને નામિત કરી છે.
SFIએ માના પટેલ (Maana Patel) ઉપરાંત શ્રીહરિ નટરાજનને પણ નામિત કર્યા છે. ‘યુનિવર્સલીટી પ્લેસ ક્વોલિફીકેશન સિસ્ટમ’ના માધ્યમથી ટોક્યો ઓલમ્પિકમાં સ્પર્ધામાં ઉતરવા માટે નામિત કરવામાં આવ્યા છે. આ અંગે SFIના સચિવ મોનલ ચોક્સીએ નિવેદન દ્વારા આ અંગે જાણકારી આપી હતી. જે ફિના દ્વારા યોજાયેલ ક્વોલિફાઈ સ્પર્ધાઓમાં હાંસલ કરેલ પોઈન્ટ આધારે નામિત કર્યા છે.
આમ બંને સ્વિમરોને 100 મીટર બેકસ્ટ્રોક સ્પર્ધામાં ભાગ લેવા માટે નામાંકિત કરવામાં આવ્યા છે. કારણ કે તે પોત પોતાના લીંગમાં સર્વોચ્ચ રેન્કિંગ ધરાવતા સ્વિમર છે. માના પટેલ 735 પોઈન્ટ ધરાવે છે. જ્યારે શ્રીહરિ 863 પોઈન્ટ ધરાવે છે. આમ તેઓને ટોક્યો ઓલમ્પિક માટે માનાની ભાગીદારીની પુષ્ટી થઈ ચુકી છે.
જોકે શ્રીહરિએ હજુ થોડીક રાહ જોવી પડી શકે છે. કારણ કે તે માર્ક A હાંસલ કરવા માટે પ્રતિ સ્પર્ધા કરશે. કારણ કે તેની પાસે હજુ 27 જૂન સુધીનો સમય છે. આ દરમ્યાન અન્ય સ્વિમર પણ તેમ કરવામાં સફળ થાય છે તો પણ તે બહાર થઈ શકે છે.
અમદાવાદની છે માના પટેલ
21 વર્ષીય માના પટેલ અમદાવાદ (Ahmedabad)ની છે. તેમજ તેણે અમદાવાદના ગુજરાત વિદ્યાપીઠના કમલેશ નાણાંવટી દ્વારા કોચીંગ મેળવી ચુકી છે. ત્યારબાદ તે મુંબઈમાં સ્વિમંગ કોચિંગ મેળવી રહી છે. તે 2016માં ગુવાહાટીમાં રમાયેલ સાઉથ એશિયન ગેમ્સમાં બે ગોલ્ડ, ત્રણ સિલ્વર અને બે બ્રોન્ઝ મેડલ મેળવીને ચર્ચામાં રહી હતી.
શું છે ‘યુનિવર્સલિટી’ ક્વોટા પદ્ધતિ
આમ તો કોઈ દેશના સ્વિમર નિયમિત પ્રક્રિયા દ્વારા ક્વોલિફીકેશન હાંસલ કરવામાં નિષ્ફળ રહે છે. ત્યારે આ પ્રણાલી હેઠળ બે સર્વોચ્ચ રેન્કિંગ ધરાવતા સ્વિમરની ભલામણ કરી શકાય છે. ‘યુનિવર્સલિટી’ ક્વોટા એક દેશના એક પુરુષ અને એક મહિલા ખેલાડીને ઓલમ્પિકમાં ભાગ લેવા માટે પરવાનગી આપે છે. જોકે તે લીંગનો અન્ય સ્વિમરે ક્વોલીફાઈ ના કર્યુ હોવુ જોઈએ અથવા ફિના તરફથી તેને આમંત્રણ ના મળ્યુ હોવુ જોઈએ. ભારત તરફથી કોઈ પણ ખેલાડીને અત્યાર સુધી કોઈ જ ખેલાડીને નિમંત્રણ નથી મળ્યું.
આ પણ વાંચો: ‘ગુજરાતનું ગૌરવ’: અમદાવાદની Ankita Raina ટોક્યિો ઓલમ્પિકમાં સાનિયા મિર્ઝા સાથે ઉતરશે મેદાનમાં