Neeraj Chopra ફાઇનલમાં ઉતરતા પહેલા ઇજાગ્રસ્ત હતો, છતાં ભારત માટે મેડલ જીતી ઇતિહાસ રચ્યો, જાણો સમગ્ર માહિતી

મુળ હરિયાણાના પાણીપત વિસ્તારના ભારતના સ્ટાર ભાલા ફેક ખેલાડી નીરજ ચોપરા (Neeraj Chopra) ઇજાગ્રસ્ત હોવા છતાં અમેરિકામાં યોજાયેલી વર્લ્ડ એથ્લેટિક ચેમ્પિયનશિપ 2022 (World Athletic Championship 2022) ની ફાઇનલ મેચમાં મેદાન પર ઉતર્યો અને સિલ્વર મેડલ જીતીને ઇતિહાસ રચ્યો હતો અને ભારતનું નામ રોશન કર્યું હતું.

મારૂ દર્દ વધારે છે, છતાં હું મેદાન પર જઇશ અને મારૂ બેસ્ટ પ્રદર્શન કરીશઃ નીરજ

નીરજે તેના સૌથી નજીકના નાના કાકા સુરેન્દ્ર ચોપડાને ફોન પર કહ્યું હતું કે, તેનું દર્દ વધારે છે. છતાં હું મેદાનમાં જઈને વધુ સારું કરવાનો પ્રયાસ કરીશ. જો આવું નહીં કરૂ તો લોકો સમજશે કે તેણે દર્દના બહાને મેદાન છોડી દીધું હતું. તેણે મેદાન પર આવીને પીડા હોવા છતાં શાનદાર પ્રદર્શન કરીને ઈતિહાસ રચ્યો હતો. નીરજે સખત પ્રેક્ટિસ કરી અને મોટી સ્પર્ધાઓમાં તણાવમુક્ત રહેવાની વૃત્તિ અને જીતવાની ઉત્તમ ઈચ્છા દ્વારા આ સિદ્ધિ મેળવી છે.

નીરજના કાકા સુરેન્દ્ર ચોપરાએ મીડિયાને ઓલિમ્પિકમાં મેડલ જીતવાથી લઈને વર્લ્ડ ચેમ્પિયનશિપ અને આગામી રમતગમતની સ્પર્ધાઓમાં નીરજની તૈયારી અને પદ્ધતિ વિશે જણાવ્યું. તેણે કહ્યું કે ઓલિમ્પિક પહેલા નીરજે પોતાનું ઘર અને પરિવાર એક રીતે છોડી દીધું હતું. તેણે મોબાઈલ ફોન, મીઠાઈઓ અને ફાસ્ટ ફૂડથી પણ દૂરી રાખ્યો હતો. ધ્યેય મેડલ જીતવાનો હતો. ઓલિમ્પિકમાં ગોલ્ડ મેડલ જીત્યા બાદ પણ નીરજની મેડલની ભૂખ પૂરી થઈ ન હતી. મેડલ જીતવાથી લઈને તેની બહેનના લગ્ન સુધી તે માત્ર પાંચ દિવસ ઘરે રહ્યો હતો. આ પછી નીરજે વિશ્વ ચેમ્પિયનશિપ માટે વિદેશમાં સખત તાલીમ શરૂ કરી. 14 કિલો વજન ઘટાડ્યું અને પોતાની કુશળતાનું મૂલ્યાંકન કરવા માટે આંતરરાષ્ટ્રીય સ્પર્ધાઓમાં ભાગ લેવાનું ચાલુ રાખ્યું.

નીરજ દરેક સ્પર્ધા પહેલા અને પછી કાકા સાથે વાત કરે છે

નીરજના કાકા સુરેન્દ્ર કહે છે કે, નીરજ હંમેશા તેની સાથે સ્પર્ધાની પહેલા રાત્રે અને સ્પર્ધા પૂરી થયા પછી વાત કરે છે. તે પૂછે છે કે પરિવાર અને ગામ તેની પાસેથી શું અપેક્ષા રાખે છે. શું તે અપેક્ષા પ્રમાણે રમ્યો છે? સુરેન્દ્ર તેને વધુ સારું કરવાનો પ્રયાસ કરવા કહે છે. કાકા સુરેન્દ્રના કહેવા મુજબ તેમને પુત્ર પર પૂર્ણ વિશ્વાસ છે. પુત્રએ પણ તેમને ક્યારેય નિરાશ કર્યા નથી.

પુત્રની ચાંદી સોનાથી ઓછી નથીઃ કાકા સુરેન્દ્ર

નીરજની માતા સરોજે જણાવ્યું કે 15 દિવસ પહેલા તેણે પુત્ર નીરજ સાથે વાત કરી હતી. સ્પર્ધા માટે સખત તાલીમ લઇ રહ્યો છે. ગોલ્ડ મેડલની આશા હતી. જ્યારે ફાઉલ થયો ત્યારે માતા નિરાશ થઈ ગઈ. તેમ છતાં તેને ખાતરી હતી કે નીરજ ચોક્કસપણે મેડલ જીતશે. તેણે કહ્યું કે દીકરાએ સિલ્વર જીત્યો છે જે તેના માટે સોનાથી ઓછો નથી. દીકરો કોમનવેલ્થ ગેમ્સમાં પણ ગોલ્ડ મેડલ જીતશે. નીરજના પિતા સતીશ ચોપરાએ કહ્યું કે દેશને પુત્ર પાસેથી મેડલની આશા હતી.

નીરજ માટે ખતરો બની રહ્યો છે પીટર્સ

સતત પ્રદર્શન કરી રહેલા નીરજ ચોપરાને ભવિષ્યમાં કોઈ પણ સ્પર્ધામાં ગોલ્ડ મેડલ જીતવો હોય તો હવે તેણે 90 મીટરની ક્લબમાં જોડાવું પડશે. નીરજનો સખત હરીફ ગ્રેનાડાનો એન્ડરસન પીટર્સ તેના માટે સતત ખતરો રહ્યો છે. આગામી સપ્તાહે બર્મિંગહામમાં કોમનવેલ્થ ગેમ્સ (Commonwealth Games 2022) શરૂ થશે અને 2018માં આ ગેમ્સમાં બ્રોન્ઝ જીતનાર પીટર્સ પણ બર્મિંગહામમાં રમવા આવશે. આવી સ્થિતિમાં પીટર્સ ત્યાં પણ નીરજ માટે પડકાર સર્જી શકે છે. પીટર્સ તેના અંડર-14 વખતથી નીરજનો હરીફ રહ્યો છે. પરંતુ પીટર્સે તેની કારકિર્દીની શરૂઆત ક્રિકેટથી કરી અને પછી તે કુસ્તીબાજ બન્યો. પરંતુ ઈજાઓને કારણે તેણે આખરે ભાલા અપનાવી લીધી.