FIFA 2022 Japan Vs Germany : વર્લ્ડકપમાં જાપાનની વિજયી શરુઆત, 4 વખતની ચેમ્પિયન ટીમ જર્મની સામે 2-1થી જીત મેળવી

કતારના ખલીફા ઇન્ટરનેશનલ સ્ટેડિયમમાં આજે જાપાન અને જર્મની વચ્ચે ગ્રુપ Eની પ્રથમ મેચ રમાઈ હતી. આ મેચ જોવા માટે હજારોની સંખ્યામાં ફેન્સ ખલીફા ઇન્ટરનેશનલ સ્ટેડિયમ પહોંચ્યા હતા. આ મેચમાં જાપાનની ટીમે 4 વખતની વિજેતા ટીમ જર્મનીને 2-1થી હરાવી છે. જાપાનની ટીમે જર્મનીને હરાવીને મોટો અપર્સેટ સર્જયો છે. ફિફા વર્લ્ડકપ 2022માં આ બીજો મોટો અપર્સેટ સર્જાયો છે. આ પહેલા સાઉદી અરેબિયા એ લિયોનેલ મેસ્સીના નેતૃત્વવાળી આર્જેન્ટિનાની ટીમને હરાવીને અપસેટ સર્જયો હતો. જણાવી દઈએ કે ફિફા વર્લ્ડકપના ઈતિહાસમાં 26 મેચ પછી પ્રથમ વખત ઓપનિંગ ગોલ કરી જર્મની હાર્યું છે. છેલ્લે  વર્ષ 1994ના વર્લ્ડકપની  ક્વાર્ટર ફાઇનલમાં જર્મની એ બલ્ગેરિયા સામે ઓપનિંગ ગોલ કર્યો હતો ને હારી ગઈ હતી.

વર્લ્ડ રેંકિગની વાત કરીએ તો જર્મનીની ટીમ હાલમાં 11માં સ્થાને છે. જ્યારે જાપાનની ટીમ 24માં સ્થાને છે.ફિફા વર્લ્ડકપમાં જર્મનીની ટીમ 4 વાર વિજેતા બન્યુ છે. આ ટીમે વર્ષ 1954, 1974, 1990 અને 2014માં ફિફા વર્લ્ડકપની ટ્રોફી જીતી હતી. વર્ષ 2018માં જર્મની ફિફા વર્લ્ડકપના પહેલા રાઉન્ડમાંથી જ બહાર થઈ ગઈ હતી. જાપાન એ આ વખતે સતત સાતમી વખત વર્લ્ડકપ માટે કવાલીફાય કર્યું છે.

જે ફિફા વર્લ્ડકપનીની રાહ છેલ્લા ઘણા સમયથી દુનિયાભરના ફૂટબોલ પ્રેમીઓ જોઈ રહ્યા હતા, તે ફિફા વર્લ્ડકપની ધમાકેદાર શરુઆત થઈ ગઈ છે. આખી દુનિયાના કતારમાં થયેલી ફિફા વર્લ્ડકપની ઓપનિંગ સેરેમની જોઈને દંગ રહી ગઈ હતી. તેના વીડિયો અને ફોટો સોશિયલ મીડિયા પર વાયરલ થયા હતા. કતારના અલ બાયત સ્ટેડિયમમાં યોજાયેલી ઓપનિંગ સેરેમનીમાં દર્શકોનો ઉત્સાહ પણ જોવા જેવો હતો. ફિફા વર્લ્ડકપની શરુઆતથી જ રોમાંચક મેચો જોવા મળી રહી છે. ફિફા વર્લ્ડકપમાં આ વખતે શરુઆતમાં જ 4 મેચો ડ્રો રહી છે. જેમાંથી 3 મેચોમાં એક પણ ગોલ થયો ન હતો.

જર્મની સામે જાપાનની 2-1થી જીત

જાપાન અને જર્મની વચ્ચેની મેચનો ઘટનાક્રમ

આ હતી જાપાન અને જર્મનીની ટીમો

ગ્રુપ Eનું પોઈન્ટ ટેબલ

ફિફા વર્લ્ડકપમાં 32 ટીમો એક ટ્રોફી જીતવા માટે 20 નવેમ્બરથી 18 ડિસેમ્બર, 2022 વચ્ચે મેદાન પર ઉતરી છે. 28 દિવસ સુધી આ ફૂટબોલ મહાકુંભ રમાશે. 32 ટીમોના 832થી વધારે ખેલાડીઓ મેદાન પર પોતાની ટીમને જીતાડવા માટે ઉતર્યા છે. ફિફા વર્લ્ડકપ દરમિયાન 90થી વધારે ઈન્ટરનેશનલ ઈવેન્ટ્સ યોજાશે, જેમાં 100થી વધારે ઈન્ટરનેશનલ આર્ટિસ્ટના પર્ફોમન્સ થશે. કતારના 8 ભવ્ય સ્ટેડિયમમાં 64 મેચો રમાશે. ફિફા વર્લ્ડકપ 2022ના અંતે 3585 કરોડની ઈનામી રકમ અલગ અલગ ટીમોને તેમના પ્રદર્શન મુજબ આપવામાં આવશે.