National Games 2022 માં સોફટ ટેનિસમાં પુરૂષ ટીમે ગુજરાતને અપાવ્યો 11 મો ગોલ્ડ મેડલ

નેશનલ ગેમ્સ 2022 (National Games 2022) માં ગુજરાતના અમદાવાદ ખાતે આયોજિત સોફ્ટ ટેનિસ ઈવેન્ટમાં પુરૂષ વર્ગમાં ગુજરાતે ગોલ્ડ મેડલ જીત્યો હતો. મહિલા ટીમની વાત કરીએ તો ફાઈનલમાં હારના કારણે સિલ્વર મેડલથી સંતોષ કરવો પડયો હતો. સોફ્ટ ટેનિસ અમદાવાદમાં સાબરમતી રિવરફ્રન્ટના ટેનિસ ગ્રાઉન્ડમાં રમાઈ રહી છે. સોફ્ટ ટેનિસ રમતની શરૂઆત 7 ઓક્ટોબરથી થઈ હતી અને 11 ઓક્ટોબર સોફ્ટ ટેનિસની તમામ રમતનો સમાપન થશે. હાલમાં અમદાવાદમાં પુરૂષ અને મહિલા વર્ગમાં સોફ્ટ ટેનિસમાં ટીમ ઈવેન્ટનું સમાપન થયું હતું. પુરૂષ વર્ગમાં ગુજરાતે ગોલ્ડ તો મહિલા વર્ગમાં સિલ્વર મેડ઼લ જીત્યો હતો. ગુજરાતનો આ 11મો ગોલ્ડ મેડલ હતો.

સોફ્ટ ટેનિસમાં ગુજરાતની પુરૂષ ટીમે જીત્યો ગોલ્ડ મેડલ

સોફ્ટ ટેનિસમાં પુરૂષ ટીમ ઇવેન્ટમાં ગુજરાતની ટીમે ગોલ્ડ મેડલ જીત્યો હતો. ગુજરાતનો નેશનલ ગેમ્સ 2022માં આ 11 મો ગોલ્ડ મેડલ હતો. ગુજરાતે ફાઇનલ મુકાબલામાં મધ્ય પ્રદેશને માત આપી હતી. ગુજરાતની ફાઈનલમાં 2-0થી જીત થઈ હતી. પ્રથમ મેચમાં ગુજરાતની 5-3થી તો બીજી મેચમાં ગુજરાતની 4-1 થી જીત થઈ હતી. ગુજરાતે સેમિફાઈનલમાં હરિયાણાને 2-0થી માત આપી હતી. પ્રથમ મેચમાં ગુજરાતની 5-3થી જીત થઈ હતી તો બીજી મેચમાં ગુજરાતની 4-2થી જીત થઈ હતી. મધ્ય પ્રદેશે સેમિફાઇનલમાં દિલ્હીને 2-1 થી માત આપી હતી. પ્રથમ મેચમાં મધ્ય પ્રદેશની 5-2 થી જીત તો બીજી મેચમાં 0-4 થી હાર અને ત્રીજી મેચમાં 5-3 થી જીત થઇ હતી.

સોફ્ટ ટેનિસમાં ગુજરાતની મહિલા ટીમે જીત્યો સિલ્વર મેડલ

મહિલા ટીમે સોફ્ટ ટેનિસમાં સિલ્વર મેડલ જીત્યો હતો. ફાઈનલમાં હારના કારણે ગુજરાતે રજત પદક સાથે સંતોષ કરવો પડયો હતો. ફાઇનલમાં ગુજરાતની તમિલનાડુ સામે 2-1 થી હાર થઇ હતી. પ્રથમ મેચમાં ગુજરાતની 4-5 થી હાર થઇ હતી તો બીજી મેચમાં ગુજરાતે 4-2 થી જીત મેળવી હતી પણ ત્રીજા અને નિરણાયક સેટમાં ગુજરાતની 0-5 થી હાર થઇ હતી. સેમિફાઇનલમાં ગુજરાતનો છત્તીસગઢ સામે વિજય થયો હતો. સેમિફાઇનલમાં ગુજરાતે 2-1 થી જીત મેળવી હતી. પ્રથમ મેચમાં ગુજરાતને 4-5 થી હાર મળી હતી તો બીજી મેચમાં 4-1 થી જીત મળી હતી અને ત્રીજી મેચમાં 5-4 થી જીત મેળવી ફાઇનલમાં પ્રવેશ મેળવ્યો હતો.