National Games 2022 માં આજથી કેનોઇંગ અને સાયકલિંગ ઇવેન્ટની શરૂઆત

TV9 GUJARATI

TV9 GUJARATI | Edited By: Ishan Paliwal

Updated on: Oct 08, 2022 | 4:51 PM

નેશનલ ગેમ્સ 2022 માં કેનોઇંગ અને સાયકલિંગની શરૂઆત થઇ હતી. કેનોઇંગનું આયોજન અમદાવાદ ખાતે તો સાયકલિંગનું આયોજન ગાંધીનગર ખાતે થઇ રહ્યું છે. રાજ્યના રમત ગમત મંત્રી હર્ષ સંઘવીએ કેનોઇંગ ઇવેન્ટ સ્થળની મુલાકાત લીધી હતી.

National Games 2022 માં આજથી કેનોઇંગ અને સાયકલિંગ ઇવેન્ટની શરૂઆત
Canoeing and Cycling started in National Games 2022

નેશનલ ગેમ્સ 2022  (National Games 2022) માં અમદાવાદમાં આજથી કેનોઇંગની (Canoeing) અને ગાંધીનગરમાં સાયક્લિંગની (Cycling) શરૂઆત થઇ હતી. કેનોઇંગનું આયોજન અમદાવાદના સાબરમતી રિવરફ્રન્ટ ખાતે થઇ રહ્યું છે અને કેનોઇંગની ઇવેન્ટ 8 ઓક્ટોબરથી 11 ઓક્ટોબર દરમિયાન ચાલશે. સાયકલિંગની ઇવેન્ટનું આયોજન ગાંધીનગરમાં થઇ રહ્યું છે. સાયકલિંગની ઇવેન્ટ 8 ઓક્ટોબર અને 9 ઓક્ટોબર દરમિયાન રમાશે. 36 મી નેશનલ ગેમ્સનું આયોજન ગુજરાત ખાતે થઇ રહ્યું છે જેમાં વિવિધ રમતોનું આયોજન ગુજરાતના 6 મુખ્ય શહેર અમદાવાદ, ગાંધીનગર, સુરત, ભાવનગર, રાજકોટ અને બરોડા ખાતે થઇ રહ્યું છે. નેશનલ ગેમ્સની શરૂઆત ભવ્ય ઓપનિંગ સેરેમનીથી કરાઇ હતી જેમાં વડાપ્રધાન નરેન્દ્ર મોદી ઉપસ્થિત રહ્યા હતા.

કેનોઇંગની નેશનલ ગેમ્સમાં અમદાવાદ ખાતે શરૂઆત

અમદાવાદમાં શનિવારે 8 ઓક્ટોબરે કેનોઇંગની શરૂઆત થઇ હતી. કેનોઇંગનું આયોજન અમદાવાદના સાબરમતી રિવરફ્રન્ટ ખાતે થઇ રહ્યું છે. કેનોઇંગમાં રાજ્યોની ટીમો ગોલ્ડ મેડલ માટે એક બીજા સાથે જંગ માટે નદીમાં ઉતરશે.

ગૃહ રાજ્યમંત્રી હર્ષ સંઘવીએ કેનોઇંગના સ્થળની લીધી મુલાકાત

કેનોઇંગની શરૂઆત અમદાવાદના રિવરફ્રન્ટ ખાતે શનિવારે થઇ હતી. ગૃહ રાજ્ય મંત્રી અને રાજ્યના રમત ગમત મંત્રી હર્ષ સંઘવીએ સાબરમતી રિવરફ્રન્ટ ખાતે કેનોઇંગ ઇવેન્ટ સ્થળની મુલાકાત લીધી હતી. હર્ષ સંઘવીએ ખેલાડીઓ સાથે વાતચીત કરી હતી અને ખેલાડીઓને શુભેચ્છા પાઠવી હતી.

સાયકલિંગની નેશનલ ગેમ્સમાં ગાંધીનગર ખાતે શરૂઆત

નેશનલ ગેમ્સમાં ગાંધીનગર ખાતે સાયકલિંગની શરૂઆત થઇ હતી. સાયકલિંગની ઇવેન્ટનું આયોજન ગાંધીનગર ખાતે 8 ઓક્ટોબર અને 9 ઓક્ટોબરના રોજ થશે. ગાંધીનગર ખાતે સાયકલિંગની મહિલા 80 કિમી માસ સ્ટાર્ટ ફાઈનલ યોજાઇ હતી.

 

 

Latest News Updates

Follow us on

Most Read Stories

Click on your DTH Provider to Add TV9 Gujarati