Novak Djokovicને મળી રાહત, ફ્રેન્ચ સરકારની મહેરબાનીથી, ફ્રેન્ચ ઓપન રમવાનો માર્ગ સરળ બન્યો

નોવાક જોકોવિચ પુરૂષ વર્ગમાં સૌથી વધુ ગ્રાન્ડ સ્લેમ જીતવાના મામલે સ્પેનના રાફેલ નડાલ અને સ્વિટ્ઝર્લેન્ડના રોજર ફેડરરની બરાબરી પર છે.

Novak Djokovic (Pic Credit Novak Djokovic Twitter)

TV9 Gujarati | Edited By: Bipin Prajapati | Updated on: Jan 25, 2022 | 2:38 PM

Novak Djokovic : વિશ્વનો દિગ્ગજ ટેનિસ ખેલાડી સર્બિયાનો નોવાક જોકોવિચ (Novak Djokovic) વર્ષની પ્રથમ ગ્રાન્ડ સ્લેમ ટુર્નામેન્ટ ઓસ્ટ્રેલિયન ઓપન(Australian Open)માં રમી શક્યો ન હતો. જોકોવિચને કોરોના વેક્સીનના વિવાદને કારણે નિરાશ થઈને પરત ફરવું પડ્યું હતું. આ માટે તેણે કોર્ટ સુધી લડાઈ લડી હતી પરંતુ અંતે તેની હાર થઈ હતી. વેક્સીનના કારણે તેને વર્ષના બીજા ગ્રાન્ડ સ્લેમ ફ્રેન્ચ ઓપન(French Open)માં રમવામાં મુશ્કેલી પડી રહી હતી, પરંતુ હવે તેને રાહત મળતી જણાય છે. વિશ્વના નંબર વન ટેનિસ ખેલાડી નોવાક જોકોવિચ કોરોના રસીકરણ માટે ફ્રેન્ચ સરકારના નવા નિયમોને કારણે રસી ન હોવા છતાં મે મહિનામાં ફ્રેન્ચ ઓપન (French Open) રમી શકે છે.

ઓસ્ટ્રેલિયાના કડક કોરોના રસીકરણ (Corona vaccination) નિયમોનું પાલન ન કરવા બદલ જોકોવિચને ઓસ્ટ્રેલિયન ઓપન રમવાની મંજૂરી આપવામાં આવી ન હતી અને તેને દેશમાંથી પણ કાઢી મૂકવામાં આવ્યો હતો. શરૂઆતમાં એવું લાગતું હતું કે, તે ફ્રેન્ચ ઓપન પણ રમી શકશે નહીં, કારણ કે ફ્રાન્સમાં નવો કાયદો પણ એવા લોકોને સ્ટેડિયમ, રેસ્ટોરન્ટ (Restaurant), બાર અથવા અન્ય જાહેર સ્થળોએ પ્રવેશવા દેતો નથી જેમને કોરોના સામે રસી લીધી નથી.

ખેલ મંત્રીએ આ વાત કહી

Web Stories View more

શું ફોન સ્વીચ ઓફ હોય તો ઝડપથી ચાર્જ થાય? જાણો સાચો જવાબ

નીતા અંબાણી સવાર થી સાંજ સુધી આખો દિવસ શું કરે છે? જાણો તેમનું શેડ્યૂલ

ગરમીમાં વધારે પડતી ના ખાતા કાકડી ! નહી તો થઈ શકે છે આ સમસ્યા

પાકિસ્તાની યુવતીના શરીરમાં ધબક્યું ભારતીય હ્રદય, કહ્યું- થેંક્યું ઈન્ડિયા

એલિસ પેરીને ભૂલી જશો, જુઓ મુંબઈ ઈન્ડિયન્સની ખૂબસૂરત ક્રિકેટર એમેલિયા કેરની તસવીરો

ફ્રાન્સના રમતગમત મંત્રી રોક્સાના એમએ કહ્યું છે કે, કાયદો પસાર થતાંની સાથે જ દરેક જાહેર સ્થળે પ્રવેશવા માટે રસીકરણ પાસ ફરજિયાત બનશે. આ દર્શકો, ફ્રેન્ચ અથવા વિદેશી વ્યાવસાયિકોને પણ લાગુ પડશે. સોમવારથી અમલમાં આવેલા આ કાયદા હેઠળ, જે વ્યક્તિએ છેલ્લા છ મહિનામાં કોરોના ચેપનો પુરાવો આપ્યો છે તેણે આ પાસ બતાવવાની જરૂર રહેશે નહીં. આનો અર્થ એ થયો કે જોકોવિચ મે-જૂનમાં ફ્રેન્ચ ઓપન રમી શકે છે કારણ કે તેને ડિસેમ્બરના મધ્યમાં ચેપ લાગ્યો હતો. જોકોવિચના મામલાને લઈને ફ્રાન્સના રમત મંત્રાલયને પૂછવામાં આવેલા પ્રશ્નોના જવાબ આપી શકાયા નથી.

21મા ગ્રાન્ડ સ્લેમ માટે શોધ ચાલુ

જોકોવિચ વર્તમાન વિજેતા તરીકે ઓસ્ટ્રેલિયન ઓપનમાં પ્રવેશવાનો હતો અને તેને ખિતાબનો પ્રબળ દાવેદાર માનવામાં આવતો હતો. પરંતુ રસીના વિવાદને કારણે આ વખતે તેનું ટાઈટલ બચાવવાનું તેનું સપનું ચકનાચૂર થઈ ગયું. જોકોવિચના નામે અત્યાર સુધી 20 ગ્રાન્ડ સ્લેમ છે. પુરુષોની શ્રેણીમાં સૌથી વધુ ગ્રાન્ડ સ્લેમ જીતવાના મામલે તે સ્પેનના રાફેલ નડાલ અને સ્વિટ્ઝર્લેન્ડના રોજર ફેડરરની બરાબરી પર છે. નડાલ પાસે આ બે ખેલાડીઓને હરાવવાની તક છે. જોકોવિચ અને ફેડરર બંને આ ટુર્નામેન્ટમાં નથી રમી રહ્યા અને તેથી નડાલને ખિતાબના પ્રબળ દાવેદાર તરીકે જોવામાં આવે છે.

આ પણ વાંચોઃ