IPL 2022: IPLમાં અદભૂત સંયોગ, ગુજરાત લાયન્સ પછી ગુજરાત ટાઈટન્સે કર્યો ગજબનો રેકોર્ડ, જાણીને ચોંકી જશો
IPL 2022: હરાજી બાદ એવું કહેવામાં આવી રહ્યું હતું કે, હાર્દિક પંડ્યાની ટીમમાં બેટ્સમેનોની અછત છે. ઓપનિંગ અને મિડલ ઓર્ડરમાં સમસ્યા છે. આ ચર્ચાઓ પર પૂર્ણવિરામ મુકતા ગુજરાતે સાતમાંથી છ મેચ જીતી છે.
IPL 2022: IPLની 15મી સિઝનમાં જો કોઈ ટીમે સૌથી વધુ ચોંકાવી હોય તો તે છે ગુજરાત ટાઇટન્સ (Gujarat Lions) ,ગુજરાતે સાતમાંથી છ મેચ જીતી છે. તે 12 પોઈન્ટ સાથે પોઈન્ટ ટેબલમાં ટોપ પર છે. તેમની એકમાત્ર હાર સનરાઈઝર્સ હૈદરાબાદ (Sunrisers Hyderabad) સામે છે. ટાઈટન્સ આઈપીએલમાં ગુજરાતની બીજી ટીમ છે. અગાઉ 2016 અને 2017માં ગુજરાત લાયન્સે ટુર્નામેન્ટમાં ભાગ લીધો હતો. આ એક માત્ર સંયોગ છે કે ગુજરાત લાયન્સની ટીમે પણ 2016માં તેની પ્રથમ સિઝનમાં પ્રથમ સાતમાંથી છ મેચ જીતી હતી અને તે પણ સનરાઇઝર્સ હૈદરાબાદ સામે. યોગાનુયોગ, તે મેચ બંને ટીમો માટે સિઝનની ચોથી મેચ હતી.
ગુજરાત ટાઈટન્સનું સાત મેચમાં પ્રદર્શન
વિરુદ્ધ પરિણામ
- લખનૌ સુપર જાયન્ટ્સ જીત
- દિલ્હી કેપિટલ્સ જીત
- પંજાબ કેપિટલ્સ જીત
- સનરાઇઝર્સ હૈદરાબાદ હાર
- રાજસ્થાન રોયલ્સનો જીત
- ચેન્નાઈ સુપર કિંગ્સન જીત
- કોલકાતા નાઈટ રાઈડર્સન જીત
ગુજરાત લાયન્સનું સાત મેચમાં કેવું રહ્યું પ્રદર્શન
વિરુદ્ધ પરિણામ
- પંજાબ કિંગ્સ જીત
- રાઇઝિંગ પુણે સુપર જાયન્ટ્સ જીત
- મુંબઈ ઈન્ડિયન્સ જીત
- સનરાઇઝર્સ હૈદરાબાદ હાર
- રોયલ ચેલેન્જર્સ બેંગલોર જીત
- દિલ્હી કેપિટલ્સ જીત
- રાઇઝિંગ પુણે સુપર જાયન્ટ્સ જીત
લાયન્સે પ્લેઓફમાં જગ્યા બનાવી હતી
2016માં સુરેશ રૈનાની આગેવાની હેઠળની ગુજરાત લાયન્સ 14 મેચમાં નવ જીત અને પાંચ હાર સાથે પોઈન્ટ ટેબલમાં ટોચ પર હતી. તેને 18 અંક હતા. લાયન્સે તેમની પ્રથમ સિઝનમાં પ્લેઓફમાં જગ્યા બનાવી હતી. તેઓ ક્વોલિફાયર-1માં રોયલ ચેલેન્જર્સ બેંગ્લોર સામે અને ક્વોલિફાયર-2માં સનરાઈઝર્સ હૈદરાબાદ સામે હારી ગયા હતા.
શું હાર્દિક પંડ્યાની ટીમ પ્લેઓફમાં પહોંચશે
ગુજરાત ટાઈટન્સ અત્યારે સાત મેચમાં 12 પોઈન્ટ સાથે પોઈન્ટ ટેબલમાં ટોચ પર છે. તેણે છ મેચ જીતી અને એકમાં હારનો સામનો કરવો પડ્યો. ગુજરાતનો નેટ રન રેટ +0.396 છે. ગુજરાતને હજુ સાત મેચ રમવાની બાકી છે. જો ટીમ આમાંથી વધુ ત્રણ મેચ જીતે છે તો તેનું પ્લેઓફમાં સ્થાન નિશ્ચિત થઈ જશે. એક-બે જીત બાદ પણ સ્થિતિ તેના પક્ષમાં રહેશે, પરંતુ તેણે અન્ય ટીમોના પ્રદર્શન પર નિર્ભર રહેવું પડશે.
આ પણ વાંચો :