IPL 2021: ચેન્નાઇ સામે મુંબઇના હાઇસ્કોરીંગ રન ચેઝ ને રોહિત શર્માએ જીવનની રોમાંચક T20 મેચ ગણાવી

ચેન્નાઇ સુપર કિગ્સ (Chennai Super Kings) ની સામે વિશાળ સ્કોર વાળી મેચમાં, મુંબઇ ઇન્ડીયન્સ (Mumbai Indians) એ ચાર વિકેટે રોમાંચક જીત મેળવ હતી. રોમાંચકતા સાથે જીત મેળવ્યા બાદ મુંબઇ ના કેપ્ટન રોહિત શર્મા (Rohit Sharma) એ કહ્યુ હતુ કે, તેમના જીવનની લગભગ સૌથી રોમાંચક T20 મેચ હતી. ચેન્નાઇ એ ચાર વિકેટ ગુમાવીને મુંબઇ સામે 218 રનનો વિશાળ સ્કોર ખડક્યો હતો. જેનો પિછો કરતા મુંબઇએ છ વિકેટ ગુમાવીને 219 રન બનાવી અંતિમ બોલ પર જીત મેળવી હતી. આ સાથે જ મુંબઇએ IPL ના ઇતિહાસમાં પ્રથમ વખત 200 રન થી વધારેનો સ્કોર સફળતા પૂર્વક ચેઝ કર્યો હતો. તેની આ જીત માટે મુખ્ય હિરો કિયરોન પોલાર્ડ (Kieron Pollard) રહ્યો હતો, જેણે 34 બોલમાં 87 રનની અણનમ રમત રમી હતી. રોહિત એ મેચ બાદ કહ્યુ હતુ કે પોલાર્ડે અદ્ભૂત ઇનીંગ રમી હતી.

તેમણે કહ્યુ હતુ કે, સંભવતઃ મારા જીવનની આ સૌથી વધુ રોમાંચક T20 મેચ હતી. પોલાર્ડ લાજવાબ હતો. આ મેદાન પ્રમાણમાં નાનુ હોવાને લઇને બોલરો માટે થોડુ વિકટ હતુ. રોહિત શર્મા એ કહ્યુ હતુ કે, આશા હતી કે, જો કોઇ બેટ્સમેન અંત સુધી ક્રિઝ પર રહ્યો તો લક્ષ્ય હાંસલ કરી લેવાશે. તેણે કહ્યુ હતુ કે, અમને ખ્યાલ હતો કે આ બેટીંગ માટે સારુ મેદાન છે. આવામાં આવામાં આવામાં અમે પુરી 20 ઓવર સુધી ક્રિઝ પર રહેવા માટેનો નિર્ણય કર્યો હતો. અમે સારી શરુઆત કરી હતી, બાદમાં પોલાર્ડ અને કૃણાલ એ ઇનીગને સંભાળી હતી. ટીમમાં હાર્દીક અને જેમ્સ નિશમની હાજરીને લઇને જીતનો ભરોસો હતો.

પોલાર્ડે તેના બેટ વડે દર્શાવેલા કમાલ અને ટીમને અપાવેલી જીતને લઇને મેન ઓફ ધ મેચ તરીકે પસંદ કરવામાં આવ્યો હતો. તેણે બોલીંગ માં પણ 2 ઓવર કરીને 12 રન આપી 2 વિકેટ ઝડપી હતી. તેણે કહ્યુ હતુ કે, જ્યારે અમે બોલીંગ કરી રહ્યા હતા, ત્યારે અમારા બોલર ઝડપી બોલ ફેંકી રહ્યા હતા. તેની પર રન બનાવા આસાન હતા, જેથી મે ધીમા બોલનો ઉપયોગ કર્યો હતો. પોલાર્ડ એ કહ્યુ હતુ કે, અંતિમ ઓવરની તમામ છ બોલ પોતે જ રમવા ઇચ્છતા હતા. તેણે કહ્યુ હતુ કે, બોલર મારા સામે વાઇડ યોર્કર બોલનો ઉપયોગ કરશે, જોકે મે પણ આ વખતે તેમની સામે તૈયારી કરી હતી જે મને કામ લાગી હતી. તેણે કહ્યુ હતુ કે, અંતિમ ઓવરમાં પણ સ્ટ્રાઇક મે મારી પાસે રાખી હતી. કારણ કે હું ઇચ્છતો હતો કે, છ બોલ હું જ રમુ તો જેના થી જીતવાની સંભાવના વધારે રહેશે.