IPl 2021: કલકત્તાને હરાવી મુંબઇ પોઇન્ટ ટેબલમાં બીજા સ્થાન પર, દિલ્હી ટોચ પર, ચેન્નાઇ તળીયા પર

ઈન્ડીયન પ્રિમિયર લીગ 2021 (IPL 2021)ની અત્યાર સુધીમાં પાંચ મેચ રમાઈ ચુકી છે. મુંબઇ ઇન્ડીયન્સ (Mumbai Indians) અને કલકત્તા નાઇટ રાઇડર્સ (Kolkata Knight Riders) તેમની બે- બે મેચ સિઝનમાં રમી ચુક્યા છે. બંને એ એક એક મેચ જીતી છે. જયારે તેમના સિવાયની અન્ય છ ટીમો તેમની એક એક મેચ રમી ચુક્યા છે. પાંચ મેચ બાદ આઈપીએલ 2021 પોઈન્ટ ટેબલમાં દિલ્હી કેપિટલ્સ (Delhi Capitals) હજુ પણ ટોચ પર છે. જ્યારે ચેન્નાઈ સુપર કિંગ્સ (Chennai Super Kings) અંતિમ સ્થાન પર જ છે. મંગળવારે કલકત્તા નાઈટ રાઈડર્સે હાથમાં આવેલી જીત ગુમાવતા મુંબઇ એ તેને 10 રનથી હાર આપી હતી. આ સાથે જ કલકત્તા બીજા સ્થાન પર થી પાંચ ક્રમે ધકેલાઇ ગયુ છે.

ટુર્નામેન્ટની ઓપનિંગ મેચમાં RCB એ મુંબઇને હાર આપી હતી, આ સાથે જ મુંબઇની સિઝનમાં શરુઆત હાર થી થઇ હતી. કલકત્તા સામે પણ મંગળવારે મુંબઇ ની ટીમ 152 રન કરી શકી હતી. આમ મેચ હારવાની સ્થિતી પર હતી ત્યાં રાહુલ ચાહર અને ટ્રેન્ટ બોલ્ટે બાજી પલટી દેતા મુંબઇને જીત નસીબ થઇ હતી. આ પરિણામ બાદ હવે મુંબઇ સિધુ જ બીજા ક્રમના સ્થાને આવી ચુક્યુ છે. તેના નેટ રન રેટમાં પણ સુધાર થયો છે. પંજાબ કિંગ્સ ત્રીજા સ્થાને અને બેંગ્લોર ચોથા સ્થાને છે. આજે સનરાઇઝર્સ હૈદરાબાદ અને આસીબી વચ્ચે ચેન્નાઇમાં મેચ રમાનારી છે. બંને પોઇન્ટ ટેબલમાં સ્થાન મેળવવા કમર કસતા જોવા મળશે.