Breaking News: ‘ચીન’ તેની જ ધરતી પર ધૂળ ચાટતું થયું, ભારતીય દીકરીઓએ હોકી એશિયા કપ જીતીને રચ્યો ‘ઇતિહાસ’

સાનિકા ચંદ્રકાંત માનેના એકમાત્ર ગોલના દમ પર ભારતીય મહિલા જુનિયર હોકી ટીમે ચીનને ફાઇનલમાં 1-0 થી હરાવીને સતત ત્રીજી વખત AHF જુનિયર એશિયા કપનો ખિતાબ જીતી લીધો છે. આ જીતની સાથે જ ટીમે જુનિયર હોકી વર્લ્ડ કપ માટે પણ પોતાની ટિકિટ પાકી કરી લીધી છે.

ભારતે જીત્યો AHF જુનિયર એશિયા કપનો ખિતાબ

ફાઇનલમાં ભારત માટે વિનિંગ ગોલ 17મી મિનિટે સાનિકાએ કર્યો અને આ જ ગોલ નિર્ણાયક સાબિત થયો. મેચની શરૂઆતમાં બંને ટીમો બોલ પર કંટ્રોલ માટે ઝૂઝતી જોવા મળી. ચીને વધુ સમય સુધી બોલ પોતાની પાસે રાખીને ભારત પર પ્રેશર બનાવ્યું પરંતુ ભારતીય ડિફેન્સે ધૈર્ય ન ગુમાવ્યું અને શરૂઆતી દબાણને સારી રીતે સહન કરી લીધું. પહેલો ક્વાર્ટર આગળ વધવાની સાથે જ ભારતનું રક્ષણ વધુ મજબૂત થઈ ગયું અને યજમાન ચીનને સર્કલમાં કોઈ મોકો ન મળ્યો.

સાનિકાએ કર્યો ‘કમાલ’

બીજા ક્વાર્ટરના બે મિનિટ પછી જ ભારતને પહેલો મોટો મોકો મળ્યો અને સાનિકાએ તેને ગોલમાં ફેરવી દીધો. તેણે સમજદારી દર્શાવતા ચીનની ડિફેન્ડરની પાછળ સ્પેસ બનાવી અને ગોલથી આશરે પાંચ મીટર દૂર પહોંચી ગઈ. ચીનના સર્કલમાં આવેલા એક લાંબા સ્લેપ-પુશ પર સાનિકાએ શાનદાર ડિફ્લેક્શન કર્યું અને બોલ સીધો ગોલકીપર શૂ મેંગજિયાઓને ચકમો આપીને નેટમાં જતો રહ્યો.

Intensity from the start whistle to the end as India edged past China 1-0 to be crowned champions of the AHF Junior Women’s Asia Cup 2026!

Relive the action from India’s victorious title clash!

#HockeyIndia #IndiaKaGame #JuniorAsiaCup https://t.co/G9MKggnMqW

— Hockey India (@TheHockeyIndia) September 13, 2026

ચીનને બરાબરીનો એક મોકો પેનલ્ટી કોર્નરથી મળ્યો પરંતુ તેમનો સીધો શોટ નક્કી ઊંચાઈથી ઉપર હતો. તેથી, અમ્પાયરે તેને ગેરકાયદેસર જાહેર કરી દીધો. આનાથી ભારતે રાહતનો શ્વાસ લીધો. હાફ ટાઇમથી બે મિનિટ પહેલા ભારત પાસે સરસાઈ બમણી કરવાનો ચાન્સ હતો, જ્યારે કેપ્ટન ખૈદેમ શિલેમાઇમા ચાનુનો તેજ શોટ ચીનની ગોલકીપરે બચાવી લીધો.

એક પણ મેચ ન હારી ‘ભારતીય ટીમ’

ત્રીજા ક્વાર્ટરમાં ચીને વધુ એટેક કર્યો અને એક વાર બરાબરીની નજીક પણ પહોંચી ગયું પરંતુ ભારતીય ડિફેન્સે ખતરાને ટાળી દીધો. છેલ્લો ક્વાર્ટર પૂરી રીતે ભારતના ડિફેન્સની પરીક્ષા હતી. ચીને છેલ્લી મિનિટોમાં પૂરો જોર લગાવ્યો પરંતુ ભારતીય ખેલાડીઓએ પોતાની લાઇન તૂટવા ન દીધી અને 1-0 ની સરસાઈને અંત સુધી જાળવી રાખી.

ભારતે આખા ટૂર્નામેન્ટમાં એક પણ મેચ ન હારી. પૂલ સ્ટેજમાં 3 જીત અને 1 ડ્રો સાથે ટોપ પર રહ્યું, સેમિફાઇનલમાં દક્ષિણ કોરિયાને 5-1થી હરાવ્યું અને હવે ફાઇનલમાં ચીનને હરાવીને હેટ્રિક ખિતાબ જીત્યો. આ જીત પર હોકી ઇન્ડિયાએ દરેક ખેલાડીને 3 લાખ અને સપોર્ટ સ્ટાફને 1.5 લાખ રૂપિયા ઇનામ આપવાની જાહેરાત કરી છે.

Women’s Asia Cup 2026 : ફાઇનલમાં ભારત શ્રીલંકા સામે બદલો લેશે, ટીમ ઇન્ડિયાના સંભવિત પ્લેઇંગ-11 જુઓ