IND vs NZ: ટીમ ઈન્ડિયાએ રોહિત કેપ્ટન બનતા જ ઈતિહાસ રચી દીધો અને ઓસ્ટ્રેલિયાને પાછળ છોડીને વર્લ્ડ રેકોર્ડ બનાવ્યો

IND vs NZ: ભારતીય ટીમે T20 વર્લ્ડ કપ 2021ની હારને પાછળ છોડીને આગામી વર્ષની ટુર્નામેન્ટની તૈયારીઓ શરૂ કરી દીધી છે અને તેની શરૂઆત આ વર્ષની ઉપવિજેતા ન્યુઝીલેન્ડ સામેની જીત સાથે કરી છે. ટીમ ઈન્ડિયાએ ભારતના પ્રવાસે આવેલી કિવી ટીમ સાથેની T20 શ્રેણીની પ્રથમ મેચમાં 5 વિકેટે જીત મેળવી હતી. નવા કેપ્ટન રોહિત શર્મા (Captain Rohit Sharma)અને નવા કોચ રાહુલ દ્રવિડના નેતૃત્વમાં ભારતીય ટીમે (Indian team) જયપુરમાં રમાયેલી આ મેચમાં 165 રનનો લક્ષ્યાંક હાંસલ કર્યો હતો અને તેની સાથે એક રેકોર્ડ પણ બનાવ્યો હતો.

ભારતે T20 ઈન્ટરનેશનલ (T20 International)માં લક્ષ્યનો પીછો કરતા સૌથી વધુ જીતનો રેકોર્ડ બનાવ્યો છે. 17 નવેમ્બર બુધવારના રોજ જયપુર (Jaipur)માં મળેલી જીત એ ટાર્ગેટનો સફળતાપૂર્વક પીછો કરવામાં ટીમ ઈન્ડિયાનો 50મો વિજય હતો. ભારતીય ટીમે 151 મેચમાં આ 50મો વિજય હાંસલ કર્યો છે. ટીમ ઈન્ડિયાએ કુલ 96 મેચ જીતી છે.

Web Stories View more

અદાણી લાંચ કેસમાં માત્ર કાકા-ભત્રીજા જ નહીં, આ 7 લોકો પણ ફસાયા

'કાચા બદામ ગર્લ' અંજલિ અરોરા માટે દિવાળી હતી પીડાદાયક, ખુદ જણાવી ઘટના

IPL Mega Auction : આ ટીમ રૂપિયા ખર્ચવામાં નંબર-1

IPL 2025 Auction : જાણો ક્યાં મફતમાં ઓક્શન લાઈવ જોઈ શકાશે

કાજોલે આ કારણથી શાહરૂખ ખાનની ફિલ્મ કરી હતી રિજેક્ટ, બાદમાં એશ્વર્યાને મળ્યો રોલ

સૌથી સસ્તી Tata Car ની કાર કેટલાની આવે ? જાણો તેની કિંમત

Most wins while chasing in T20Is:

50 – India 49 – Australia 49 – Pakistan 42 – England 35 – South Africa 32 – New Zealand 31 – Sri Lanka 31 – West Indies 25 – Ireland 23 – Netherlands 22 – Afghanistan 22 – Bangladesh

— saurabh sharma (@cntact2saurabh) November 17, 2021

અત્યાર સુધી ભારતીય ટીમ આ મામલે પાકિસ્તાન અને ઓસ્ટ્રેલિયાની બરાબરી પર હતી. પરંતુ હવે તે તેનાથી આગળ નીકળી ગઈ છે. ઓસ્ટ્રેલિયાએ 153 મેચમાં 49 વખત બીજા નંબર પર બેટિંગ કરતા સફળતા હાંસલ કરી છે. બીજી તરફ પાકિસ્તાને 183 મેચમાં માત્ર 49 વખત જ સફળતાપૂર્વક ટાર્ગેટ હાંસલ કર્યો છે.

આ ત્રણ ટીમો સિવાય ઈંગ્લેન્ડ પણ આ યાદીમાં છે, પરંતુ તે તેનાથી થોડું પાછળ છે. ઈંગ્લેન્ડે અત્યાર સુધી 143 મેચ રમી છે, જેમાંથી 42 વખત તે બીજી ઈનિંગમાં બેટિંગ કરીને ટાર્ગેટ હાંસલ કરવામાં સફળ રહી છે.

બુધવારે ટીમ ઈન્ડિયાની જીતમાં રવિચંદ્રન અશ્વિન અને ભુવનેશ્વર કુમારે શાનદાર બોલિંગ બતાવીને ન્યૂઝીલેન્ડને 164 રન સુધી રોકી દીધું હતું. ત્યારબાદ સુકાની રોહિત શર્માએ બેટિંગમાં સારી શરૂઆત કરી હતી, જેને સૂર્યકુમાર યાદવની શાનદાર અડધી સદીએ લક્ષ્યની નજીક પહોંચાડી હતી. અંતમાં, રોમાંચક મેચમાં, રિષભ પંતે 20મી ઓવરના ચોથા બોલ પર ચોગ્ગો ફટકારીને મેચ સમાપ્ત કરી.

ત્યારબાદ T20 ફોર્મેટમાં રનના ટાર્ગેટનો પીછો કરતી વખતે સૌથી વધુ મેચ જીતવાના મામલે ઈંગ્લેન્ડ, દક્ષિણ આફ્રિકા અને ન્યુઝીલેન્ડ આ ત્રણ ટીમો પછી આવે છે, જેમના નામ અનુક્રમે 42, 35 અને 32 જીત છે.

આ પણ વાંચો : IND vs NZ: ઋષભ પંતે પણ કર્યો ધોનીની માફક કમાલ, હવે રેકોર્ડ બુકમાં માહિ બાદ નોંધાયુ પંતનુ નામ