IND vs NZ: શુભમન ગીલે બાઉન્ડ્રી ફટકારતાં જ મુંબઈના વાનખેડે મેદાનમાં ‘સચિન-સચિન’નો નાદ ગુંજી ઉઠ્યો, જુઓ VIDEO
ભારત અને ન્યુઝીલેન્ડ વચ્ચે રમાઈ રહેલી બીજી ટેસ્ટ મેચના ત્રીજા દિવસની રમતના બીજા દાવમાં શુભમન ગીલે 47 રન બનાવ્યા હતા.
IND vs NZ: સચિન તેંડુલકરે નિવૃત્તિ લીધી છે. તેમ છતાં મુંબઈના વાનખેડે મેદાન (Wankhede Stadium Mumbai)માં તેમના નામનો ઘોંઘાટ ગુંજી રહ્યો હતો. આ તે સમયે થયું જ્યારે શુભમન ગીલે (Shubhaman Gill) શાનદાર ચોગ્ગો ફટકાર્યો. ભારત અને ન્યુઝીલેન્ડ વચ્ચે રમાઈ રહેલી બીજી ટેસ્ટ મેચ (Test Match)ના ત્રીજા દિવસની રમતના બીજા દાવમાં શુભમન ગીલે 47 રન બનાવ્યા હતા. આ ઇનિંગમાં તેણે 4 ફોર અને 1 સિક્સ ફટકારી હતી. બીજી ઇનિંગમાં રમાયેલી આ ઇનિંગ દરમિયાન ગિલે વિરાટ કોહલી (Virat Kohli) સાથે ત્રીજી વિકેટ માટે અડધી સદીની ભાગીદારી પણ કરી હતી.
બીજા દાવમાં શુભમન ગિલે (Shubhaman Gill) ટિમ સાઉથીની બોલ પર બાઉન્ડ્રી ફટકારી, જેના પર સચિન-સચિનનો નાદ ગુંજી ઉઠ્યો. રિપોર્ટ્સ અનુસાર એવું પણ કહેવાય છે કે સચિન તેંડુલકર (Sachin Tendulkar)ની દીકરી સારા અને શુભમન ગિલ પણ એકબીજાને ડેટ કરે છે.
— Addicric (@addicric) December 5, 2021
શુભમને બીજી ઈનિંગમાં 47 રન બનાવવા ઉપરાંત મુંબઈ ટેસ્ટની પ્રથમ ઈનિંગમાં 44 રન બનાવ્યા હતા. ભારતે પ્રથમ દાવમાં 325 રન બનાવ્યા હતા જેમાં મયંક અગ્રવાલે 150 રન બનાવ્યા હતા. ભારતના 325 રનના જવાબમાં ન્યૂઝીલેન્ડનો પ્રથમ દાવ માત્ર 62 રનમાં સમેટાઈ ગયો હતો. ભારતે બીજી ઈનિંગમાં પણ સારા રન બનાવ્યા છે. તેની લીડ 500 રનને પાર કરી ગઈ છે.
ભારતની મોટી લીડ
બીજી ઇનિંગમાં ભારતનો સ્કોર 250 રનને પાર કરી ગયો છે. ભારતની બીજી ઇનિંગમાં સૌથી વધુ 62 રન ફરી એકવાર મયંક અગ્રવાલના બેટમાંથી નીકળ્યા. આ સિવાય પૂજારા અને ગિલે 47-47 રન બનાવ્યા હતા. વિરાટ કોહલીની સદીની રાહ પણ ફરી એકવાર વધી ગઈ, જે 36 રન બનાવીને આઉટ થયો. કેપ્ટન કોહલી સિવાય શ્રેયસ અય્યરે 14 રન અને રિદ્ધિમાન સાહાએ 13 રન બનાવ્યા હતા.
જો ભારત આ ટેસ્ટ જીતી જશે તો તેની સાથે જ 2 ટેસ્ટની સિરીઝ પણ પોતાના નામે થઈ જશે. આ પહેલા કાનપુરમાં રમાયેલી પ્રથમ ટેસ્ટ ડ્રો રહી હતી. ભારતની શ્રેણી જીતવાનો અર્થ એ થશે કે ભારતમાં ટેસ્ટ શ્રેણી જીતવા માટે ન્યુઝીલેન્ડની રાહ ફરી એકવાર વધી જશે.
આ પણ વાંચો : BSFના સ્થાપના દિવસના કાર્યક્રમમાં અમિત શાહનું નિવેદન, ‘BSFને વિશ્વની શ્રેષ્ઠ ટેકનોલોજી પ્રદાન કરવા સરકાર પ્રતિબદ્ધ’