IND vs ENG: અંતિમ ટેસ્ટને લઇ કોહલી અને અક્ષર સહિત ટીમ ઇન્ડીયા પ્રેકટીસ સેશનમાં વ્યસ્ત, જુઓ તસ્વીરો
ભારત અને ઇંગ્લેંડ (India vs England) વચ્ચે ચાર ટેસ્ટ મેચની શ્રેણી ની અંતિમ ટેસ્ટ મેચ આગામી 4 માર્ચે રમાનારી છે. અમદાવાદ (Ahmedabad Test) માં વિશ્વના સૌથી મોટ ક્રિકેટ સ્ટેડિયમ નરેન્દ્ર મોદી સ્ટેડિયમ (Narendra Modi Stadium) માં ચોથી ટેસ્ટ મેચ રમાનારી છે.
ભારત અને ઇંગ્લેંડ (India vs England) વચ્ચે ચાર ટેસ્ટ મેચની શ્રેણી ની અંતિમ ટેસ્ટ મેચ આગામી 4 માર્ચે રમાનારી છે. અમદાવાદ (Ahmedabad Test) માં વિશ્વના સૌથી મોટ ક્રિકેટ સ્ટેડિયમ નરેન્દ્ર મોદી સ્ટેડિયમ (Narendra Modi Stadium) માં ચોથી ટેસ્ટ મેચ રમાનારી છે. અગાઉ ત્રીજી ટેસ્ટ મેચ પણ અહીં જ રમાઇ હતી, જેમાં ભારતે શાનદાર વિજય મેળવી શ્રેણીમાં 2-1 થી આગળ છે. ત્રીજી ટેસ્ટ મેચનુ પરિણામ માત્ર બે દિવસની રમતમાં જ સામે આવ્યુ હતુ. જેને લઇને આમ તો ટીમ ઇન્ડીયા (Team India) ને અંતિમ ટેસ્ટ મેચ માટે કેટલાક દિવસનો આરામ મળ્યો હતો. ભારત માટે આખરી ટેસ્ટ મેચ ખૂબ જ મહત્વની છે. ભારત આખરી ટેસ્ટ મેચ જીતી લેવા થી શ્રેણી વિજય મેળવી શકશે. સાથે જ ભારત ICC ટેસ્ટ વર્લ્ડ ટેસ્ટ ચેમ્પિનશીપ (WTC) ની ફાઇનલમાં પહોંચી જશે. અંતિમ ટેસ્ટને લઇને ટીમ ઇન્ડીયા હાલમાં પ્રેકટીશ કરી પરસેવો વહાવી રહી છે. જેના ફોટો BCCI એ શેર કર્યા છે.
વિશ્વ ટેસ્ટ ચેમ્પિયનશીપ ફાઇનલ માટે ઇંગ્લેંડ પહેલા થી જ રેસમાં થી બહાર ફેંકાઇ ચુક્યુ છે. પરંતુ જો ભારત ટેસ્ટ હારી જાય તો ઓસ્ટ્રેલીયાને મોકો મળી શકે છે. આમ ભારત માટે આખરી મેચ જીત મેળવવી અથવા ડ્રો કરવી જરુરી બની રહેશે. ન્યુઝીલેન્ડ પહેલા થી ફાઇનલ માટે ક્વોલીફાઇ કરી ચુક્યુ છે. આ દરમ્યાન હવે ટીમ ઇન્ડીયાએ ફાઇનલમાં પહોંચવા માટે તમામ જોર લગાવી રહી છે. ટીમ ઇન્ડીયા પ્રેકટીશ કરીને મેદાનમાં પરસેવો વહાવી રહી છે. BCCI એ સોશિયલ મિડીયા દ્રારા તસ્વીરો શેર કરી છે, જેને ચાહકો ખૂબ પસંદ કરી રહ્યા છે. જેમાં ખાસ કરીને ટીમ ઇન્ડીયાના કેપ્ટન વિરાટ કોહલી, વાઇસ કેપ્ટન અજીંક્ય રહાણે, રોહિત શર્મા અને સ્થાનિક હિરો અક્ષર પટેલ જોવા મળી રહ્યો છે.
#TeamIndia members gearing up for the fourth and final Test against England.@Paytm #INDvENG pic.twitter.com/7YmPyfUj6W
— BCCI (@BCCI) February 28, 2021