ભારત અને ઇંગ્લેન્ડ (India vs England) વચ્ચે લોર્ડઝ ટેસ્ટ (Lord’s Test) દરમ્યાન મોટો વિવાદ સર્જાય એમ લાગી રહ્યુ છે. મેચના ચોથા દિવસે ઇંગ્લેન્ડના ફિલ્ડર્સ બોલને શૂઝ ના સ્પાઇક્સ થી ખરાબ કરી રહ્યા હોય એવો વિડીયો સામે આવ્યો છે. મેચ દરમ્યાન ટીવી પર આ વિડીયો જોવા મળ્યો હતો. જોકે તે સ્પષ્ટ નથી થઇ શક્યુ કે, બોલ સાથે છેડછાડ કરનાર ખેલાડી કોણ હતુ. કારણ કે વિડીયોમાં માત્ર શૂઝ જ જોવા મળી રહ્યા છે.
જોકે તેમાં દેખાઇ રહ્યુ છે કે, પીળા સોલ ધરાવતા એક ખેલાડીએ શૂઝના નીચે બોલને દબાવ્યો હતો. હકીકતમાં બોલના સ્વિંગ માટે થઇ ને તેની સાથે છેડછાડ કરવામાં આવતી હોય છે. ઇંગ્લેન્ડ તરફ થી પણ જોકે આ જ પ્રકારની કોશિશ કરવામાં આવતી હોવાનુ દેખાયુ છે.
ઇંગ્લેન્ડ ના ઝડપી બોલર સ્ટુઅર્ટ બ્રોડે જોકે જાણકારી આપી હતી કે, વિડીયોમાં માર્ક વુડ અને રોરી બર્ન્સ છે. બ્રોડ ટેસ્ટ સિરીઝ થી બહાર થઇ ચુક્યો છે. તે લોર્ડઝ ટેસ્ટમાં કોમેન્ટ્રી કરી રહ્યો છે. તેણે બોલને શૂઝની નીચે દબાવવાની ઘટનાનો બચાવ પણ કર્યો હતો. તેણે ટ્વીટ કરીને એ પણ બતાવ્યુ કે, માર્ક વુડ બોલને રોરી બર્ન્સના પગની નીચે થી કાઢવા ઇચ્છતો હતો પરંતુ ચુકી ગયો હતો. આ બધુ એક્સીડેન્ટલી થયુ હતુ. તેણે સાથે જ કહ્યુ હતુ કે, ઘટનાના સ્ક્રિન શોટ લેવાના બદલે પુરો વિડીયો જોવામાં આવે.
Clear ball tampering from England 😳#ENGvIND pic.twitter.com/CtXWQYG5dJ
— India Fantasy (@india_fantasy) August 15, 2021
Depends If it was damaged? Exactly the same if it was hit into the stands. If it didn’t make a mark, why change it ?
— Stuart Broad (@StuartBroad8) August 15, 2021
દરમ્યાનમાં મેચના લાઇવ પ્રસારણ માટે કોમેન્ટ્રી કરી રહેલા હર્ષ ભોગલેએ કહ્યું કે, જ્યારે પણ આવી કોઈ ઘટના બને છે. ત્યારે મેચ રેફરી અને અમ્પાયર બોલની તપાસ કરે છે. અને તે મુજબ કાર્યવાહી કરે છે. જો જરૂરી હોય તો, બોલ બદલાઈ જાય છે. પરંતુ બ્રોડે પણ ટ્વીટ કરીને આ અંગે પ્રતિક્રિયા આપી હતી.
તેણે કહ્યું કે આ ત્યારે જ કરવામાં આવે છે, જ્યારે બોલ ખરાબ હોય. આ બિલકુલ એમ જ થતુ હોય છે, જ્યારે સિક્સર ફટકારાય અને બોલ જેમ પ્રેક્ષકોમાં જાય છે. જો કોઈ નુકસાન નથી, તો પછી તેને બદલવાની જરૂર કેમ છે. પરંતુએ પણ વાત છે કે, અમ્પાયરોએ ઇંગ્લેન્ડના ખેલાડીઓને ચેતવણી પણ આપી ન હતી.