Hockey India એ કોમનવેલ્થમાં ટીમ ન મોકલવાનો નિર્ણય કર્યો, તો રમત મંત્રી ગુસ્સે થયા, કહ્યું- ફેડરેશન પહેલા સરકાર સાથે વાત કરે
હોકી ઇન્ડિયાએ કોમનવેલ્થ ગેમ્સમાં ટીમ ન મોકલવાનો નિર્ણય કર્યો છે. જોકે, રમત મંત્રી અનુરાગ ઠાકુર માને છે કે, ફેડરેશન એકલા આ બાબતે નિર્ણય કરી શકે નહીં.
Hockey India : દેશના રમત મંત્રી અનુરાગ ઠાકુર (Anurag Thakur) ભારતીય હોકી ટીમોના કોમનવેલ્થ ગેમ્સ (Commonwealth Games) માંથી ખસી જવાના નિર્ણયથી નારાજ છે.
ભારતીય હોકી ટીમે (Indian Hockey Team) સત્તાવાર રીતે કોવિડ -19 ને ટાંકીને 2022 કોમનવેલ્થ ગેમ્સમાંથી તેનું નામ પાછું લેવાનો નિર્ણય કર્યો છે. હોકી ઇન્ડિયાના પ્રમુખ જ્ઞાનંદ્રો નિંગોમ્બમે સોમવારે ઇન્ડિયન ઓલિમ્પિક એસોસિએશન (Indian Olympic Association) ને તેના નિર્ણયની જાણકારી આપી હતી. જોકે, રમત મંત્રીનું માનવું છે કે, હોકી ઇન્ડિયા એકલા નક્કી કરી શકે નહીં કે, ટીમ કોમનવેલ્થ ગેમ્સમાં નહીં જાય.
તેમણે કહ્યું, ‘ફેડરેશને આવા નિવેદનો આપતા પહેલા વિચારવું જોઈએ. તેઓએ પહેલા સરકાર સાથે વાત કરવી જોઈએ. ફેડરેશનની ટીમ કોમનવેલ્થ ગેમ્સમાં નથી જતી, ભારતની ટીમ જાય છે. 130 કરોડની વસ્તી ધરાવતા દેશમાં માત્ર 18 ખેલાડીઓ જ નથી જે દેશનું પ્રતિનિધિત્વ કરી શકે. મને લાગે છે કે હોકી ઈન્ડિયા (Hockey India)એ પહેલા રમત મંત્રાલય સાથે વાત કરવી જોઈએ.
અનુરાગ ઠાકુરે પોતાની નારાજગી વ્યક્ત કરી
ક્રિકેટ સાથે હોકીની સરખામણી કરતા અનુરાગ ઠાકુરે (Anurag Thakur) કહ્યું કે દેશમાં હોકી ખેલાડીઓની કોઈ અછત નથી અને ખેલાડીઓ બંને ટુર્નામેન્ટમાં ભાગ લઈ શકે છે. આ વિશે વધુ વાત કરતા તેમણે કહ્યું, ‘આપણો દેશ ઘણો મોટો છે. અમારી પાસે 18 ખેલાડીઓ નથી. દેશમાં હોકી પ્રતિભાની કોઈ કમી નથી. જો તમે ક્રિકેટ પર નજર નાખો તો હવે ખેલાડીઓ IPL રમી રહ્યા છે તો તેઓ વર્લ્ડ કપ રમશે. જો તે ક્રિકેટમાં થઇ શકે તો પછી અન્ય રમતોમાં કેમ નહીં. હું સમજું છું કે, એશિયન ગેમ્સ (Asian Games)ને મહત્વ આપવું જોઈએ, હું માત્ર એટલું જ કહું છું કે ભારતના રમવા કે નહીં રમવાનો નિર્ણય મંત્રાલય લેશે.
હોકી ઇન્ડિયા જોખમ લેવા માંગતું નથી
હોકી ઇન્ડિયા (Hockey India)એ કોમનવેલ્થ ગેમ્સમાંથી બહાર નીકળીને કહ્યું હતું કે, બર્મિંગહામ કોમનવેલ્થ ગેમ્સ (28 જુલાઈથી 8 ઓગસ્ટ) અને હેંગઝોઉ એશિયન ગેમ્સ (10 થી 25 સપ્ટેમ્બર) વચ્ચે માત્ર 32 દિવસનો અંતર છે અને તેઓ તેમના ખેલાડીઓને મોકલવાનું જોખમ લેશે નહીં. કોરોના વાયરસ રોગચાળાથી સૌથી વધુ અસરગ્રસ્ત દેશોમાં સામેલ છે.
Latest News Updates
