ડ્યુક બોલથી રમાશે WTC ફાઈનલ, તો પછી ટીમ ઈન્ડિયા કેમ કરી રહી છે અલગ બોલથી પ્રેક્ટિસ? જાણો કારણ
ટીમ ઈન્ડિયા જે બોલનો ઉપયોગ હાલમાં પ્રેક્ટિસ સેશનમાં કરી રહી છે એ 'રિએક્શન બોલ' છે અને તે ડ્યુક બોલ કરતાં અલગ છે. લીલા-પીળા રંગના આ બોલનો ઉપયોગ સ્લિપ કેચિંગની પ્રેક્ટિસ માટે કરવામાં આવે છે.
વર્લ્ડ ટેસ્ટ ચેમ્પિયનશિપની ફાઈનલ મેચ ડ્યુક બોલથી રમાશે તે નિશ્ચિત છે. ઈંગ્લેન્ડમાં ટેસ્ટ મેચમાં ડ્યુક બોલનો જ ઉપયોગ વધુ કરવામાં આવે છે. હવે જેની સાથે મેચ રમવાની હોય તેનાથી જ પ્રેક્ટિસ પણ કરાવવી જોઈએ. પરંતુ ટીમ ઈન્ડિયાના પ્રેક્ટિસ સેશન દરમિયાન રંગીન રબરના બોલનો ઉપયોગ કરવામાં આવ્યો હતો. તેમાં પણ લાલ કે ગુલાબી રંગના બદલે લીલા અને પીળા રંગના રબરના બોલનો પ્રેક્ટિસમાં ઉપયોગ થતો જોવા મળ્યો હતો.
WTC ફાઈનલ પહેલા ટીમ ઈન્ડિયાની ટ્રેનિંગ સેશનનો જે વીડિયો સામે આવ્યો છે એમાં ખેલાડીઓ અલગ જ પ્રકારના બોલથી પ્રેક્ટિસ કરતાં નજરે ચઢ્યા હતા, જે બાદ ફેન્સના મનમાં એ સવાલ ઊભો થયો છે કે વર્લ્ડ ટેસ્ટ ચેમ્પિયનશીપની ફાઈનલમાં તો ડ્યુક બોલનો ઉપયોગ થવાનો છે, તો પછી ટીમ ઈન્ડિયા શા માટે અન્ય કોઈ બોલ સાથે પ્રેક્ટિસ કરી રહી છે.
Energy levels high 💪🏻
Upping the intensity with each session ahead of #WTC23 🙌#TeamIndia pic.twitter.com/q6IAORAkIz
— BCCI (@BCCI) June 2, 2023
ડ્યુક બોલ સાથે મેચ, રબર બોલ સાથે પ્રેક્ટિસ!
પ્રેક્ટિસ સેશન દરમિયાન શુભમન ગિલ ગ્રીન બોલથી કેચ લેતો જોવા મળ્યો હતો. આ સિવાય પીળા રંગનો રબરનો બોલ પણ હતો. NCA સાથે સંકળાયેલા એક ફિલ્ડિંગ કોચના જણાવ્યા અનુસાર, આ તે રબરના બોલથી સંપૂર્ણપણે અલગ છે જેનો ઉપયોગ આપણે ગલીઓમાં ક્રિકેટ રમતી વખતે કરીએ છીએ. ટીમ ઈન્ડિયાના પ્રેક્ટિસ સેશનમાં ઉપયોગમાં લેવાતા રંગીન રબરના બોલને ‘રિએક્શન બોલ’ કહેવામાં આવે છે, જેનો ઉપયોગ ફિલ્ડિંગ પ્રેક્ટિસ માટે થાય છે.
આ પણ વાંચોઃ WTC Final : ઓવલના મેદાનમાં ઉતરતા જ રોહિત શર્મા-પેટ કમિન્સ મોટી સિદ્ધિ હાસિલ કરશે
લીલા-પીળા બોલથી શા માટે કરી પ્રેક્ટિસ ?
જે દેશોમાં બોલ સ્વિંગ થાય છે અને બેટની ધાર લીધા પછી આગળ વધે છે, ત્યાં સ્લિપ કેચિંગની પ્રેક્ટિસ કરવા માટે રિએક્શન બોલનો ઉપયોગ થાય છે. ડ્યુક્સ બોલ પણ સ્વિંગ લે છે અને દિશા બદલી નાખે છે. તેથી જ લીલા-પીળા રબરના રિએક્શન બોલ સાથે પ્રેક્ટિસ કરવામાં આવી રહી છે કારણ કે તેઓ વધુ સ્વિંગ લે છે અને મૂવ કરે છે.
Preparations, adapting to the conditions and getting into the #WTC23 Final groove 🙌
Hear from Paras Mhambrey, T Dilip & Vikram Rathour on #TeamIndia‘s preps ahead of the all-important clash 👌🏻👌🏻 – By @RajalArora
Full Video 🎥🔽https://t.co/AyJN4GzSRD pic.twitter.com/x5wRxTn99b
— BCCI (@BCCI) May 31, 2023
રિએક્શન બોલની વિશેષતા શું છે ?
સ્લિપ કેચિંગની પ્રેક્ટિસ માટે ઉપયોગમાં લેવાતા રિએક્શન બોલ્સ હવામાં વધુ ફરે છે અને અચાનક દિશા બદલી નાખે છે કારણ કે તે વજનમાં હલકા હોય છે. પછી સ્લિપમાં ઊભેલા ફિલ્ડરે તેને કેચ કરવા માટે તે પ્રમાણે પોતાની જાતને મૂવ કરવી પડે છે. અલગ અલગ રંગના બોલનો સૌથી મોટો ફાયદો એ છે કે તેનાથી બોલની રેખા અનુસાર ખેલાડીની મુવમેન્ટ ચેક કરી શકાય છે.
