IPL 2022, SRH vs PBKS: કશ્મીર એક્સપ્રેસની ધમાલ! Umran Malik એ 150 ની ઝડપે બોલ ફેંકીને 5 બોલમાં 3 વિકેટ ઝડપી
સનરાઇઝર્સ હૈદરાબાદના ફાસ્ટ બોલર ઉમરાન મલિકે (Umran Malik) પંજાબ કિંગ્સ સામે 28 રન આપીને 4 વિકેટ લીધી હતી. 20મી ઓવરમાં 3 વિકેટ સાથે મેડન કરી હતી.
ઉમરાન મલિક (Umran Malik Record) પાસે માત્ર સ્પીડ છે, તેની પાસે લાઇન લેન્થ નથી. સનરાઇઝર્સ હૈદરાબાદના આ ફાસ્ટ બોલર વિશે ક્રિકેટ નિષ્ણાતો ઘણીવાર આ વાતો કહે છે. કહેવાય છે કે જેની લાઇન સાચી નથી તેની ઝડપનો કોઈ ઉપયોગ નથી. પરંતુ ઉમરાન મલિકે (Umran Malik) ટીકાકારોને જડબાતોડ જવાબ આપ્યો છે. IPL 2022 ની મેચમાં આ જમણા હાથના ફાસ્ટ બોલરે પંજાબ કિંગ્સ સામે શાનદાર બોલિંગ કરતા 28 રનમાં 4 વિકેટ ઝડપી હતી. આશ્ચર્યજનક વાત એ છે કે ઉમરાન મલિક (Umran Malik Maiden Over) એ 20મી ઓવર મેડન ફેંકી હતી અને આ સિદ્ધિ મેળવનાર તે માત્ર ચોથો બોલર છે.
પંજાબ કિંગ્સ સામે ઉમરાન મલિકની શરૂઆત સારી રહી ન હતી. શરૂઆતની ઓવરોમાં ઉમરાને જોરદાર ફટકો પડ્યો હતો. પંજાબના મિડલ ઓર્ડર બેટ્સમેન લિયામ લિવિંગસ્ટને પણ તેના બોલ પર 106 મીટરની છગ્ગા ફટકારી હતી. જો કે, પછીના સ્પેલમાં, ઉમરાને પોતાની ગતિએ વડે તબાહી મચાવી દીધી હતી.
ઉમરાનનો કહેર
ઉમરાનનો પહેલો શિકાર પંજાબનો વિકેટકીપર જીતેશ શર્મા બન્યો હતો. જીતેશે 8મી ઓવરમાં ઉમરાનની બોલ પર શાનદાર બાઉન્ડ્રી ફટકારી હતી પરંતુ તે પછી તે તેના બાઉન્સર પર કેચ થઈ ગયો હતો. ઉમરાણે જ જીતેશનો કેચ લીધો હતો. બીજા સ્પેલમાં ઉમરાન મલિકે કમાલ કરી બતાવ્યો અને 20મી ઓવર ફેંકવા આવેલા આ ફાસ્ટ બોલરે પોતે 3 વિકેટ લીધી અને આ ઓવરમાં ટીમની હેટ્રિક પણ થઈ.
કમાલની રહી અંતિમ ઓવર
20મી ઓવર નાખવા આવેલા ઉમરાન મલિકે બીજા બોલ પર ઓડિયન સ્મિથને આઉટ કર્યો હતો. તેણે પોતે જ સ્મિથનો કેચ પકડ્યો અને આ રીતે તે એક મેચમાં પોતાના જ બોલ પર બે કેચ લેનાર પ્રથમ ઝડપી બોલર બન્યો હતો. તેના પહેલા હરભજન સિંહે વર્ષ 2011માં આ કારનામું કર્યું હતું.
ઉમરાનના ત્રીજા બોલ પર રાહુલ ચહર રન બનાવી શક્યો ન હતો અને ચોથા બોલ પર બોલ્ડ થયો હતો. ઉમરાનના ઝડપી યોર્કરે રાહુલના ઓફ સ્ટમ્પને ઉડાવી દીધો હતો. બીજા જ બોલ પર ઉમરાને વૈભવ અરોરાને પણ બોલ્ડ કર્યો હતો. તે પણ ઉમરાનની ઝડપને માપી શક્યો ન હતો. ઉમરાનને છેલ્લી ઓવરમાં હેટ્રિક લેવાની તક મળી હતી. તે હેટ્રિક લઈ શક્યો ન હતો પરંતુ અર્શદીપ સિંહ છેલ્લા બોલ પર રન આઉટ થયો હતો અને ટીમની હેટ્રિક ચોક્કસપણે પૂરી થઈ હતી. મોટી વાત એ છે કે છેલ્લી ઓવર મેડન હતી અને પંજાબનો દાવ 151 રને સમેટાઈ ગયો હતો.
આ પણ વાંચો : IPL 2022: વિરાટ કોહલીએ પકડ્યો અદ્ભૂત કેચ, જોઈને ઝૂમી ઉઠી અનુષ્કા શર્મા, સાસુ-સસરાએ ખુશીથી તાળીઓ વગાડી, જુઓ Video
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો
