IPL 2023 GT vs CSK: ફાઈનલના દિવસે અમદાવાદનું હવામાન કેવું રહેશે, વરસાદ પડશે તો જાણો કોણ જીતશે કોણ હારશે

IPL 2023 ની ફાઇનલ મેચ 28 મે, રવિવારે ગુજરાત ટાઇટન્સ અને ચેન્નાઇ સુપર કિંગ્સ વચ્ચે અમદાવાદમાં રમાશે. આ મેચમાં વરસાદ વિલન બની શકે છે.

TV9 Gujarati | Edited By: Nirupa Duva | Updated on: May 28, 2023 | 11:32 AM

IPL 2023ની ફાઇનલ મેચ રવિવાર 28 મેના રોજ ગુજરાત ટાઇટન્સ અને ચેન્નાઇ સુપર કિંગ્સ વચ્ચે રમાશે. આ મેચ પર ફરી એકવાર વરસાદનું સંકટ મંડરાઈ રહ્યું છે. અમદાવાદના નરેન્દ્ર મોદી સ્ટેડિયમમાં રમાનાર આ મેચમાં વરસાદની ખલેલ પડી શકે છે. અગાઉ આ મેદાન પર રમાયેલ ક્વોલિફાયર 2માં પણ વરસાદ નડ્યો હતો અને મેચની શરૂઆત અડધો કલાક મોડી થઈ હતી. હવે ફરી એકવાર ફાઈનલ મેચ પર વરસાદનો ખતરો છે. સૌથી મોટો સવાલ એ પણ છે કે જો વરસાદના કારણે મેચ રદ્દ થશે તો વિજેતા કોણ હશે?

ફાઈનલ મેચમાં ચેન્નાઈ સુપર કિંગ્સ ગુજરાત સામે ટકરાશે. ટાઇટન્સની આ સતત બીજી ફાઇનલ મેચ છે. આ સાથે જ CSK રેકોર્ડ 10મી વખત ફાઇનલમાં પહોંચી છે. આ મેચ માટે હવામાનની આગાહી ચાહકોની ચિંતા વધારી શકે છે. એટલે કે આ મેચ પર વરસાદનો ખતરો છે. જો હવામાનની આગાહીની વાત કરીએ તો મેચ દરમિયાન વરસાદની 40 ટકાથી વધુ શક્યતા છે. જો વરસાદ થશે તો કોણ જીતશે તે પણ લોકોના મનમાં છે. પરંતુ તે પહેલા, ચાલો હવામાનની આગાહીને સંપૂર્ણ વિગતવાર જાણીએ.

હવામાનની આગાહી શું છે?

જો એક્યુવેધરના રિપોર્ટનું માનીએ તો અમદાવાદમાં બપોરે 1 વાગ્યાથી 4 વાગ્યા સુધી વરસાદની બહુ શક્યતા નથી. આ દરમિયાન માત્ર 14 ટકા વરસાદ જ જોવા મળી શકે છે. પરંતુ સાંજે 4 વાગ્યા પછી 11 વાગ્યા સુધી સતત 40 ટકાથી વધુ વરસાદની શક્યતા છે. આ મેચની ટોસ ભારતીય સમય અનુસાર સાંજે 7 વાગ્યે થશે અને લાઈવ એક્શન સાંજે 7.30 વાગ્યે શરૂ થશે. પરંતુ હવામાનની આગાહી સ્પષ્ટ કહી રહી છે કે વચ્ચે-વચ્ચે વરસાદ ચાલુ રહી શકે છે.

IPL 2023 Final: ગુજરાત ટાઈટન્સ અને ચેન્નાઈ સુપર કિંગ્સ વચ્ચે ફાઈનલનો જંગ , કોણ મારશે બાજી ?#IPL #IPL2023 #IPLFinal #ChennaiSuperKings #GujaratTitans #CSKvsGT #GTvsCSK #Ahmedabad #TV9News

— Tv9 Gujarati (@tv9gujarati) May 28, 2023