Team India: પૂર્વ ફિલ્ડીંગ કોચ શ્રીધરે કહ્યુ, રવિ શાસ્ત્રી સાથે ખૂબ મતભેદ થયા, 36 રન પર ઓલઆઉટ ને લઇને પણ કહી આ વાત
પૂર્વ ફિલ્ડિંગ કોચ આર શ્રીધરે (R Sridhar) ટીમ ઈન્ડિયા (Team India) સાથે 7 વર્ષ વિતાવ્યા. તેણે પોતાના અનુભવો ફેન્સ સાથે શેર કર્યા છે.
ભૂતપૂર્વ ફિલ્ડિંગ કોચ આર શ્રીધરે (R Sridhar) ભારતીય ડ્રેસિંગ રૂમમાં વિતાવેલા 7 વર્ષને તેમના જીવનની શ્રેષ્ઠ ક્ષણ ગણાવી હતી. શ્રીધરે કહ્યું કે કોચિંગ દરમિયાન ટીમનું “ખરાબ પ્રદર્શન” ખરેખર “કોચિંગ માટે અદ્ભુત તક” હોય છે. શ્રીધર રવિ શાસ્ત્રી (Ravi Shastri) ની આગેવાની હેઠળની ભારતીય ટીમ (Indian Cricket Team) ની કોચિંગ સિસ્ટમનો મહત્વપૂર્ણ ભાગ હતો. ટીમના ફિલ્ડિંગ સ્તરને સુધારવામાં મહત્ત્વની ભૂમિકા ભજવનાર કોચે એડિલેડ (ઓસ્ટ્રેલિયા સામે 36 રનમાં ઓલઆઉટ) અને લીડ્સ (78 રનમાં ઓલઆઉટ)માં ખરાબ પ્રદર્શન વિશે મીડિયા રિપોર્ટમાં જણાવ્યું હતું.’ તે એક મહાન શીખવાની તક હતી. એક કોચ તરીકે, ખરાબ દિવસ મારા માટે કોચિંગની શ્રેષ્ઠ તક છે.
શ્રીધરે કહ્યું, કોચિંગની તકો દ્વારા મારો મતલબ છે કે ખેલાડીઓને સમજવું, તેમની સાથે સારા સંબંધો બાંધવા, જરૂર પડ્યે તેમને ટેકનિકલ અને માનસિક રીતે તાલીમ આપવાની તક આપવી. તેનાથી તમને ખેલાડી અને ટીમ વિશે ખ્યાલ આવે છે. મુખ્યત્વે ખરાબ દિવસોમાં તમારું વર્તન તમારું વ્યક્તિત્વ જણાવે છે.
રવિ શાસ્ત્રી-શ્રીધર સાથે મતભેદ હતા
જ્યારે તેમને પૂછવામાં આવ્યું કે શું તેમને ભૂતપૂર્વ મુખ્ય કોચ રવિ શાસ્ત્રી અને બોલિંગ કોચ ભરત અરુણ સાથે મતભેદો થતા હતા, ત્યારે શ્રીધરે કહ્યું કે શ્રેષ્ઠ પરિણામ અથવા નિર્ણય માટે મતભેદો મહત્વપૂર્ણ છે.
સાત વર્ષ સુધી ભારતીય ટીમના ફિલ્ડિંગ કોચ રહેલા આ ખેલાડીએ કહ્યું, ‘હું માનું છું કે સર્વશ્રેષ્ઠ નિષ્કર્ષ પર પહોંચવા માટે તમામ કોચ વચ્ચે મતભેદ હોવો જરૂરી છે. અમારી વચ્ચે હંમેશા મતભેદ હતા કે તે હું છું, રવિભાઈ (શાસ્ત્રી), ભરત સર, પહેલા સંજય (બાંગર) હોય અને પછી વિક્રમ (રાઠોડ) હોય. પરંતુ અમે બધા એક જ ધ્યેય તરફ કામ કરી રહ્યા હતા. ક્યારેક બે લોકો આમાં સહમત થાય છે, ક્યારેક એવું થતું નથી. ભારતીય ક્રિકેટ માટે સૌથી યોગ્ય હોય તેવા મુદ્દા પર અલગ-અલગ અભિગમોની ચર્ચા કર્યા પછી અમે સમાન નિર્ણય લઈએ છીએ. અમને ક્યારેય લાગ્યું નથી કે અમારા મંતવ્યો ફગાવી દેવામાં આવ્યા છે.
રવિ શાસ્ત્રીમાં નિર્ણય લેવાની ક્ષમતા – શ્રીધર
રવિ શાસ્ત્રીના વખાણ કરતાં શ્રીધરે કહ્યું, ‘તમે રવિભાઈ (શાસ્ત્રી)ને ગમે ત્યારે રમત સંબંધિત સૂચનો આપી શકો છો અને તેઓ તેને નકારશે નહીં. તેમની પાસે નેતૃત્વના ગુણો અને ઉત્તમ માનવ વ્યવસ્થાપન કૌશલ્ય છે. તે બોર્ડને ટીમના હિતમાં કોઈપણ નિર્ણય લેવાની ક્ષમતા ધરાવે છે. તેનું કદ વિશાળ હતું અને તે ખેલાડીઓની માનસિકતાને સારી રીતે સમજતો હતો.
ટીમના મોટા ખેલાડીઓ સાથે એડજસ્ટ થવા અંગે તેણે કહ્યું, મારા માટે તમામ ખેલાડીઓ સમાન છે. અમારા કોઈપણ ખેલાડીઓમાં ઘમંડ નથી અને તે સરળ, ડાઉન ટુ અર્થ લોકો છે. જો તમે તેમની સાથે વાતચીત કરશો તો કોઈ સમસ્યા નહીં રહે. તેઓ સૂચનોને આવકારે છે અને રમતની વ્યૂહરચના અંગે ચર્ચા કરવા માંગે છે.
આ પણ વાંચોઃ Virat Kohli: વિરાટ કોહલીને કેપ્ટન પદે થી હટાવવાના નિર્ણયને લઇ દિગ્ગજને આશ્વર્ય, કહ્યુ, ટીમને બનાવવી મુશ્કેલ છે, તોડી દેવી ખૂબ જ સરળ
આ પણ વાંચોઃ PAK vs WI: વેસ્ટ ઇન્ડિઝ ટીમની સુરક્ષા માટે પાકિસ્તાને 46 DSP સહિતનો વિશાળ કાફલો તૈનાત કર્યો, ન્યુઝીલેન્ડ વાળી થવાનો ડર!
