T20 World Cup 2024 : ભારત-પાકિસ્તાન મેચ પહેલા દિગ્ગજ ખેલાડીએ આપી ખાસ સૂચના
ભારત અને પાકિસ્તાન વચ્ચે 9 જૂને ન્યૂયોર્કના નાસાઉ કાઉન્ટી ક્રિકેટ સ્ટેડિયમમાં મેચ રમાશે. આ મેચ પહેલા ટીમ ઈન્ડિયા આ જ મેદાન પર વધુ એક મેચ રમશે, જ્યારે કેટલીક અન્ય મેચો પણ રમાશે. અત્યાર સુધી રમાયેલી મેચોમાં અને ભવિષ્યની મેચોમાં પણ એક વાતની સૌથી વધુ ચર્ચા થવાની છે અને તે છે આ મેદાનની હાલત. જે અંગે હવે ઈંગ્લેન્ડના પૂર્વ ક્રિકેટરે મોટી વાત કહી છે.
T20 વર્લ્ડ કપ 2024 શરૂ થઈ ગયો છે અને ટીમ ઈન્ડિયા પણ એક્શન માટે તૈયાર છે. ટીમ ઈન્ડિયાની પ્રથમ મેચ આયર્લેન્ડ સામે બુધવાર 5 જૂને ન્યૂયોર્કના નાસાઉ કાઉન્ટી સ્ટેડિયમમાં રમાવાની છે. ટીમ ઈન્ડિયા આ જ સ્ટેડિયમમાં વધુ બે મેચ રમશે, જેમાં સૌથી મહત્વની મેચ પાકિસ્તાન સામે હશે. 9મી જૂને યોજાનારી ભારત અને પાકિસ્તાન વચ્ચેની શાનદાર મેચને લઈને ભારે ઉત્તેજના અને ઉત્સુકતા છે. જોકે આ મેચ પહેલા ઈંગ્લેન્ડના ભૂતપૂર્વ બેટ્સમેન કેવિન પીટરસને ખેલાડીઓને કડક સૂચના આપી છે.
નાસાઉ કાઉન્ટીમાં સ્ટેડિયમની ચર્ચા
ન્યૂયોર્કમાં પ્રથમ વખત આંતરરાષ્ટ્રીય ક્રિકેટ રમાઈ રહ્યું છે અને તેના માટે નાસાઉ કાઉન્ટીમાં સ્ટેડિયમ તૈયાર કરવામાં આવ્યું છે. આ સ્ટેડિયમ પહેલેથી જ ચર્ચા અને ઉત્સુકતાના કેન્દ્રમાં છે. જેનું મુખ્ય કારણ છે વિશ્વના આ ભાગમાં ક્રિકેટ સ્ટેડિયમની તૈયારી અને બીજું આ મેદાનની પીચ અને આઉટફિલ્ડ છે, જેની ખૂબ ચર્ચા થાય છે. કેટલીક વોર્મ-અપ મેચો સિવાય આ મેદાન પર અત્યાર સુધી દક્ષિણ આફ્રિકા-શ્રીલંકા મેચ રમાઈ છે, આ સિવાય ભારત-પાકિસ્તાન મેચ પહેલા પં કેટલીક મેચો રમાશે.
પીટરસને આપી સલાહ
આ તમામ મેચોમાં મેદાનની હાલતને લઈને ઘણી વાતો થઈ છે અને હવે પીટરસને પણ આ અંગે મોટી વાત કહી છે. ભારત-પાકિસ્તાનને ધ્યાનમાં રાખીને પીટરસને ‘X’ પર એક પોસ્ટ કરી અને કહ્યું કે આ સ્ટેડિયમની પિચ પર ધ્યાન આપવાની જરૂર છે, આટલું જ નહીં, પીટરસને આ સ્ટેડિયમની આઉટફિલ્ડ પર પણ સવાલ ઉઠાવ્યા છે, જે ખેલાડીઓ માટે યોગ્ય નથી અને ખતરનાક સાબિત થઈ રહી છે.
Hmmmm, that wicket in NYC needs some attention before the big game.
I’d also suggest having seen a few players that tried to slide and jarred their knees, that all players exercise caution.
I’m sure everyone is working extremely hard to make sure it’s perfect for IND vs PAK!— Kevin Pietersen (@KP24) June 4, 2024
પિચ અને આઉટફિલ્ડને લઈ કહી મોટી વાત
પીટરસને કહ્યું કે ફિલ્ડિંગ કરતી વખતે ઘણા ખેલાડીઓ સ્લાઈડ કરે છે અને તેમના ઘૂંટણ અટકી જાય છે તે ધ્યાનમાં રાખીને, તે ફિલ્ડરોને વધુ સાવચેત રહેવાની સલાહ છે. ભૂતપૂર્વ ઈંગ્લિશ બેટ્સમેને આશા વ્યક્ત કરી હતી કે ભારત અને પાકિસ્તાન વચ્ચેની મેચને શાનદાર બનાવવા માટે દરેક ખેલાડી આ બે મુદ્દાઓને ઉકેલવા માટે સખત મહેનત કરશે.
અત્યાર સુધીની સ્થિતિ કેવી રહી?
આ પહેલા નાસાઉ કાઉન્ટીમાં દક્ષિણ આફ્રિકા અને શ્રીલંકા વચ્ચે રમાયેલી મેચ ચોંકાવનારી હતી. ડ્રોપ-ઈન પિચોને કારણે તેના પર વધારાનું ઘાસ હતું અને આવી સ્થિતિમાં ફાસ્ટ બોલરોએ ધમાલ મચાવી હતી. પ્રથમ, દક્ષિણ આફ્રિકાએ શ્રીલંકાને માત્ર 77 રનમાં આઉટ કરી દીધું અને પછી લક્ષ્ય હાંસલ કરવા માટે લગભગ 17 ઓવર લાગી. જ્યારે ભારત અને બાંગ્લાદેશ વચ્ચેની વોર્મ-અપ મેચમાં, પિચ ખૂબ જ ધીમી સાબિત થઈ હતી અને મોટા શોટ રમવાનું મુશ્કેલ સાબિત થઈ રહ્યું હતું. ઉપરાંત, આઉટફિલ્ડમાં બોલ ઝડપથી જઈ રહ્યો ન હતો.
આ પણ વાંચો : T20 World Cup 2024: વિરાટ કોહલીના કારણે રિષભ પંતને થશે મોટો ફાયદો, રોહિત શર્મા કરશે ધમાકો