T20 WC 2022: આઉટ થતા જ નિરાશામાં હોશ ખોઈ બેઠો ક્રિકેટર! પેવેલિયન પરત ફરતા બાઉન્ડરી લાઈન પર જમીન પર પડ્યો
UAE અને નેધરલેન્ડ (United Arab Emirates vs Netherlands) વચ્ચે રમાયેલી T20 વર્લ્ડ કપ (T20 World Cup 2022) ની મેચમાં એક એવુ દૃશ્ય જોવા મળ્યુ જેમાં બેટ્સમેન પોતે બાઉન્ડ્રી પર પડી ગયો.
T20 વર્લ્ડ કપ 2022 (T20 World Cup 2022) રવિવારથી શરૂ થયો હતો જ્યાં ટૂર્નામેન્ટની પ્રથમ બે મેચ રમાઈ હતી. દિવસની પ્રથમ મેચ શ્રીલંકા અને નામિબિયા વચ્ચે, જ્યારે બીજી મેચ UAE અને નેધરલેન્ડ (United Arab Emirates vs Netherlands) વચ્ચે રમાઈ હતી. જીલોંગમાં રમાયેલી મેચ નેધરલેન્ડે ભારે મુશ્કેલીથી જીતી હતી. મેચ દરમિયાન ચાહકોને ખૂબ જ આશ્ચર્યજનક નજારો જોવા મળ્યો જ્યાં વર્લ્ડ રેકોર્ડ બનાવનાર બેટ્સમેન અયાન ફઝલ ખાન (Aayan Afzal khan) બાઉન્ડ્રી લાઈન પર પડી ગયો અને આ જોઈને ચાહકોના શ્વાસ અટકી ગયા.
16 વર્ષનો અયાન બાઉન્ડ્રી લાઇન પર પડ્યો હતો
UAE પ્રથમ બેટિંગ કરવા ઉતર્યું હતું. 16 વર્ષીય અયાન ફઝલ છેલ્લી ઓવર દરમિયાન સ્ટ્રાઈક પર હતો. ફ્રેડ ક્લાસને પાંચમો બોલ ફેંકતાની સાથે જ અયાન બોલ મિડ-ઓફ પર લઈ ગયો પરંતુ ટોપ કૂપરના હાથે કેચ થઈ ગયો. અયાન ખૂબ જ નિરાશ થઈને પેવેલિયન પરત ફર્યો હતો. તે ડ્રેસિંગ રૂમ તરફ જઈ રહ્યો હતો ત્યારે બાઉન્ડ્રી દોરડા સાથે અથડાઈને નિચે પડી ગયો. તેને જોઈને ત્યાં હાજર ચાહકોના શ્વાસ અટકી ગયા. બધા ઉભા થઈને અયાનને જોવા લાગ્યા. અયાનને કદાચ વધુ ગંભીર ઈજા ન હતી. આ કારણોસર, તે તરત જ ઉભો થયો અને પછી ડ્રેસિંગ રૂમમાં દોડી ગયો. અયાને ભલે અહીં પાંચ રન બનાવ્યા હોય પરંતુ તે આ ટુર્નામેન્ટમાં ભાગ લેનારો સૌથી યુવા ખેલાડી બની ગયો છે.
Oops. 😳 #T20WorldCup pic.twitter.com/YVSaGuCxfV
— Andrew Wu (@wutube) October 16, 2022
નેધરલેન્ડે છેલ્લા બોલે રોમાંચક મેચ જીતી લીધી હતી
પ્રથમ બેટિંગ કરતા UAEની ટીમ 20 ઓવરમાં આઠ વિકેટે 111 રન જ બનાવી શકી હતી. UAEની ટીમ ક્યારેય મોટો સ્કોર કરવાની સ્થિતિમાં દેખાઈ નથી. ટીમ રન રેટ વધારી શકી નથી. મોહમ્મદ વસીમ 47 બોલમાં 41 રન બનાવી ટીમનો ટોપ સ્કોરર રહ્યો હતો. જવાબમાં નેધરલેન્ડે પણ 14મી ઓવરમાં 76 રનમાં છ વિકેટ ગુમાવી દીધી હતી અને તેના પર હારનું જોખમ હતું.
સ્કોટ એડવર્ડ્સ (16 અણનમ), ટિમ પ્રિંગલ (15) અને લોગાન વેન બીક (04 અણનમ) જોકે નેધરલેન્ડની જીત સુનિશ્ચિત કરી. એડવર્ડ્સ અને વેન બીકે ફાસ્ટ બોલર જવાર ફરીદ દ્વારા અંતિમ ઓવરના પાંચમા બોલમાં સાત વિકેટે 112 રન સાથે ટીમને જીત તરફ દોરી હતી. નેધરલેન્ડના બોલરોનું વર્ચસ્વ એ વાત પરથી જોઈ શકાય છે કે UAEના બેટ્સમેનોએ 60થી વધુ બોલ ડોટ રમ્યા હતા.
