અશક્ય…! સપને પણ ન વિચાર્યો હોય તેવો કેચ પકડી આખી મેચ પલટી નાખી, શું આ ‘કેચ ઓફ ધ ટૂર્નામેન્ટ’ છે?
IPL 2026 માં હાલ કોલકાતા નાઈટ રાઈડર્સ અને સનરાઈઝર્સ હૈદરાબાદ વચ્ચે મેચ રમાઈ રહી છે. આ મેચમાં હૈદરાબાદ બેટ્સમેનો આક્રમક રીતે રમી રહ્યા હતા પરંતુ કોલકાતાના બોલરોએ સમયસર વિકેટો ઝડપીને મેચ પર અંકુશ મેળવી લીધું હતું. આ મેચમાં સૌથી મોટો ટર્નિંગ પોઈન્ટ 'હેનરિક ક્લાસેન'ની વિકેટનો હતો.
રવિવારે રાજીવ ગાંધી ઈન્ટરનેશનલ સ્ટેડિયમમાં કોલકાતા નાઈટ રાઈડર્સ અને સનરાઈઝર્સ હૈદરાબાદ વચ્ચે રમાયેલી IPL 2026ની મેચ દરમિયાન, કોલકાતા નાઈટ રાઈડર્સના સ્ટાર ખેલાડી રોવમેન પોવેલે ડીપમાં એક શાનદાર કેચ ઝડપીને સનરાઈઝર્સ હૈદરાબાદના બેટ્સમેન હેનરિક ક્લાસેનને આઉટ કર્યો હતો.
LADIES & GENTLEMEN – BRACE YOURSELF.
– A full-length stretch, a one handed grab, broke his glasses, but still took the catch.
ROVMAN POWELL…. YOU TOTAL FREAK..!!! pic.twitter.com/QyWSVSsB5Y
— Mufaddal Vohra (@mufaddal_vohra) May 3, 2026
પોવેલે એક હાથે જબરદસ્ત કેચ પકડીને ક્લાસેનને કેમેરોન ગ્રીનની ઓવરમાં પેવેલિયન ભેગો કરી દીધો હતો. SRH એ ટોસ જીત્યો અને કેપ્ટન પેટ કમિન્સે પ્રથમ બેટિંગ કરવાનો નિર્ણય લીધો હતો. અભિષેક શર્મા અને ટ્રેવિસ હેડે યજમાન ટીમને 44 રનની ભાગીદારી સાથે આક્રમક શરૂઆત અપાવી હતી, જે બાદ કાર્તિક ત્યાગીએ અભિષેકને 10 બોલમાં 15 રન પર આઉટ કર્યો હતો.
KKR ની વાપસી
અભિષેકના આઉટ થયા બાદ ઈશાન કિશને હેડનો સાથ આપ્યો હતો. હેડે માત્ર 22 બોલમાં પોતાની 50 પૂરી કરી લીધી હતી. કિશન પણ આક્રમક 42 રન કરીને આઉટ થઈ ગયો હતો. જણાવી દઈએ કે, વરુણ ચક્રવર્તીએ હેડને પેવેલિયન પરત મોકલ્યો હતો. હેડે 28 બોલમાં તોફાની 64 રન બનાવીને SRH ને આક્રમક શરૂઆત અપાવી હતી. હેડ બાદ SRH ની બેટિંગ વેરવિખેર થઈ ગઈ હતી. વરુણ ચક્રવર્તીએ સ્મરણ રવિચંદ્રનને 4 રન (4 બોલ) પર આઉટ કર્યો હતો.
કોલકાતાને 166 રનનો લક્ષ્યાંક
SRH ની આખી ટીમ 19 ઓવરમાં 165 રન જ બનાવીને સમેટાઇ ગઈ હતી. કોલકાતા તરફથી વરુણે 4 ઓવરમાં 36 રન આપીને 3 વિકેટ ખેરવી હતી, જ્યારે સુનીલ નરેને 4 ઓવરમાં 31 રન આપીને 2 વિકેટ ઝડપી હતી. આ સિવાય ગ્રીન, અનુકૂલ રોય અને વૈભવ અરોરાએ અનુક્રમે 1-1 વિકેટ લીધી હતી. કાર્તિક ત્યાગીએ પણ 4 ઓવરમાં 30 રન આપીને 2 વિકેટ ખેરવી હતી.
