Shami and Mohit Sharma, IPL 2023: અમદાવાદમાં શમી અને મોહિત શર્માનો તરખાટ, હૈદરાબાદની કમર તોડી દીધી
GT vs SRH, IPL 2023: અમદાવાદના નરેન્દ્ર મોદી સ્ટેડિયમમાં ગુજરાત ટાઈટન્સના બોલર મોહમ્મદ શમીએ જબરદસ્ત બોલિંગ વડે સનરાઈઝર્સ હૈદરાબાદની કમર તોડી દીધી હતી. શમીએ બોલિંગ વડે તોફાન મચાવી દીધુ હતુ.
IPL 2023 હવે તેના અંત તરફ છે અને ખેલાડીઓનો જૂસ્સો પણ હવે જબરદસ્ત છે. ગુજરાત ટાઈટન્સ અને સનરાઈઝર્સ હૈદરાબાદ વચ્ચે સોમવારે ટક્કર થઈ હતી. અમદાવાદના નરેન્દ્ર મોદી સ્ટેડિયમમાં રમાયેલી મેચમાં ગુજરાત ટાઈટન્સે પ્રથમ બેટિંગ કરી હતી. ગુજરાતની ટીમે પ્રથમ બેટિંગ કરતા 9 વિકેટના નુક્શાને 188 રનનો સ્કોર ખડક્યો હતો. શુભમન ગિલે શાનદાર સદી નોંઘાવી હતી. જ્યારે સાંઈ સુદર્શને 47 રનની ઈનીંગ રમી હતી. જ્યારે બોલિંગ દરમિયાન મોહમ્મદ શમી અને મોહિત શર્માએ 4-4 વિકેટ ઝડપીને તરખાટ મચાવી દીધો હતો બાદમાં મોહિત શર્માએ કહેર વર્તાવ્યો હતો. શમીએ હૈદરાબાદની શરુઆત ખરાબ કરી દીધી હતી, જ્યાંથી હૈદરાબાદ ફરીથી ઉભુ થઈ શક્યુ નહોતુ.
ગિલ અને સુદર્શને શાનદાર 147 રનની ભાગીદારી નોંધાવી ગુજરાતને હૈદરાબાદ સામે મજબૂત લક્ષ્ય રચવામાં મહત્વની ભૂમિકા નિભાવી હતી. બંનેની રમતે ગુજરાતને મજબૂત સ્થીતીમાં રાખ્યુ હતુ. આ બંને સિવાયના બાકીના 7 પૈકી 5 ખેલાડીઓ શૂન્ય રને પરત ફર્યા હતા. જ્યારે બાકીના ચાર ખેલાડી બેકી સંખ્યાના આંકડે પહોંચી શક્યા નહોતા. આમ ગિલ કે સુદર્શનની વહેલી વિકેટ ઘર આંગણે ગુજરાતને મુસીબત સર્જી શકી હોત.
શમી અને મોહિતનો કહેર
ગુજરાત ટાઈટન્સને મોટી જીત મેળવવાના માટે મહત્વની ભૂમિકા બોલિંગ દરમિયાન મોહિત શર્મા અને મોહમ્મદ શમીએ નિભાવી હતી. બંનેએ પોતાની ભૂમિકા જબરદસ્ત નિભાવવામાં કોઈ જ કસર છોડી નહોતી. શમીએ વિકેટ ઉખેડવાની શરુઆત કરતા જ ટોપ 4 માંથી 3 વિકેટ પોતાના નામે કરી હતી. શમીએ ઓપનર અણનમોલપ્રીત સિંહ, રાહુલ ત્રિપાઠી અને હૈદરાબાદના કેપ્ટન એડન માર્કરમને પોતાનો શિકાર બનાવ્યો હતો. આ દરમિયાન યશ દયાલે ઓપનર અભિષેક શર્માની વિકેટ ઝડપી હતી. આમ 29 રનમાં જ હૈદરાબાદે ચાર વિકેટ ગુમાવી દેતા શરુઆત ખરાબ થઈ ગઈ હતી. શમીએ 4 ઓવર કરીને 20 રન આપી 4 વિકેટ ઝડપી હતી.
ચોથી વિકેટના રુપમાં શમીએ હેનરીક ક્લાસેનની ઝડપી હતી. ક્લાસેને અડધી સદી નોંધાવી ગુજરાતની જીતને દૂર ધકેલવા લડત આપી રહ્યો હતો. બાદમાં મોહિત શર્માએ મોરચો સંભાળતા તેણે 2 ઓવર કરીને ત્રણ વિકેટ ઝડપી હતી. મોહીતે સનવીર સિંહ, અબ્દુલ શમદ અને માર્કો યાન્સેનની વિકેટ ઝડપી હતી. ડેમાં 7મી ઓવરમાં મોહિતે 2 શિકાર ઝડપ્યા હતા. મોહિતે 4 ઓવર કરીને 28 રન ગુમાવીને 4 વિકેટ ઝડપી હતી. આમ 59 રનના સ્કોર પર જ હૈદરાબાદે 7 વિકેટ ગુમાવી દેતા મેચ ગુજરાત ટાઈટન્સ માટે એક તરફી બની ગઈ હતી.
આ પણ વાંચોઃ GT vs SRH, IPL 2023: અમદાવાદમાં 5 ખેલાડીઓના ખાતા ‘શૂન્ય’ રહ્યા, ગિલ અને સુદર્શન સિવાય સૌ ‘ઝીરો’ !
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
Latest News Updates
