LSG vs RR IPL 2022 Match Result: રાજસ્થાન રોયલ્સે બોલરોના પગલે લખનૌ સુપર જાયન્ટ્સને 24 રને હરાવ્યું
LSG vs RR Result: રાજસ્થાનની 13 મેચોમાં આ આઠમી જીત છે અને ટીમે આ જીત સાથે પોઇન્ટ ટેબલમાં બીજા સ્થાને પહોંચી ગઇ છે. જ્યારે લખનૌની ટીમ ત્રીજા સ્થાને સરકી ગઇ છે.
રાજસ્થાન રોયલ્સ (Rajasthan Royals) ટીમે ઇન્ડિયન પ્રીમિયર લીગ (IPL 2022)માં પ્લેઓફ તરફ એક મોટું પગલું ભર્યું છે. સંજુ સેમસન (Sanju Samson)ની ટીમ હવે પ્લેઓફમાં પહોંચવા માટે લગભગ કન્ફર્મ થઈ ગઈ છે. રાજસ્થાને તેની હરીફ ટીમ લખનૌ સુપર જાયન્ટ્સ (Lucknow Super Giants) ટીમને 24 રનથી હરાવીને સિઝનની આઠમી જીત નોંધાવી હતી. રાજસ્થાને લખનૌ સામે 179 રનનો મોટો લક્ષ્યાંક રાખ્યો હતો. પરંતુ દીપક હુડાની જોરદાર અડધી સદી અને અંતે માર્કસ સ્ટોઇનિસના મોટા શોટ્સ છતાં લખનૌ માત્ર 154 રન જ બનાવી શકી હતી. આ જીત સાથે રાજસ્થાને બીજું સ્થાન મેળવી લીધું છે. આ સાથે જ છેલ્લી મેચમાં ગુજરાત ટાઇટન્સ સામે ખરાબ રીતે હારનાર લખનૌ સતત બીજી મેચમાં નિરાશ થઈને હવે ત્રીજા સ્થાને સરકી ગયું છે.
લખનૌની બેટિંગ નિષ્ફળ રહી
179 રનના સ્કોરનો પીછો કરવા ઉતરેલી લખનૌની શરૂઆત ખૂબ જ ખરાબ રહી હતી. ટીમનો ઓપનર ડી કોક માત્ર 7 રન બનાવીને આઉટ થયો હતો. તેના આઉટ થયા બાદ આયુષ પણ કંઈ ખાસ કરી શક્યો ન હતો અને ખાતું ખોલાવ્યા વિના શૂન્ય પર આઉટ થઈ ગયો હતો. 2 વિકેટ પડી ગયા બાદ ચાહકોને આશા હતી કે રાહુલ મોટી ઇનિંગ્સ રમશે પરંતુ તે પણ 10 રન બનાવીને આઉટ થયો હતો.
.@rajasthanroyals return to winning ways! 👏 👏@IamSanjuSamson & Co. register their 8⃣th victory of the season as they beat #LSG by 24 runs. 👍 👍
Scorecard 👉 https://t.co/9jNdVDnQqB#TATAIPL | #LSGvRR pic.twitter.com/9vA9lVStm5
— IndianPremierLeague (@IPL) May 15, 2022
ત્રણ વિકેટ પડ્યા બાદ દીપક અને કૃણાલ પંડ્યાએ ટીમની કમાન સંભાળી હતી. આ દરમિયાન બંનેએ ચોથી વિકેટ માટે 65 રનની ભાગીદારી કરી હતી. અશ્વિને આ ભાગીદારી તોડી જે ખતરનાક બની હોત. તેણે કૃણાલ પંડ્યાને 25 રન પર આઉટ કર્યો હતો. તેના આઉટ થયા બાદ દીપક હુડા અને માર્કસ સ્ટોઈનિસે ટીમનો સ્કોર આગળ વધાર્યો હતો. આ દરમિયાન હુડ્ડા 59 રન બનાવીને આઉટ થયો હતો. તેની પાછળ આવેલા હોલ્ડર્સ પણ 1 રન બનાવીને આઉટ થઈ ગયો હતો. પડતી વિકેટો વચ્ચે લખનૌની ટીમ પોતાની સ્થિતિ જાળવી શકી ન હતી. અંતે માર્કસ સ્ટોઇનિસે હારનું માર્જિન ઘટાડવાનો પ્રયાસ કર્યો પરંતુ તે પણ 17 બોલમાં 27 રન બનાવીને આઉટ થઈ ગયો. તેના આઉટ થયા બાદ કોઈપણ બેટ્સમેન કંઈ ખાસ કરી શક્યો ન હતો અને ટીમ 8 વિકેટના નુકસાને 154 રન જ બનાવી શકી હતી.
રાજસ્થાને મજબુત સ્કોર બનાવ્યો
રાજસ્થાન રોયલ્સની શાનદાર બેટિંગના કારણે રવિવારે બ્રેબોર્ન સ્ટેડિયમમાં રમાયેલી IPL 2022 ની 63મી મેચમાં લખનૌ સુપર જાયન્ટ્સને 179 રનનો ટાર્ગેટ મળ્યો હતો. રાજસ્થાને 20 ઓવરમાં 6 વિકેટ ગુમાવીને 178 રન બનાવ્યા હતા. ટીમ તરફથી યશસ્વી જયસ્વાલ (41) અને દેવદત્ત પડિકલ (39) એ સૌથી વધુ રન બનાવ્યા હતા.
