ઈંગ્લેન્ડની ટીમ મુશ્કેલીમાં, ફરી કેપ્ટન બદલવો પડ્યો, આ ખેલાડીને કમાન સોંપવામાં આવી

ઈંગ્લેન્ડની ક્રિકેટ ટીમ ટૂંક સમયમાં વેસ્ટ ઈન્ડિઝના પ્રવાસે જવાની છે. આ પ્રવાસમાં બંને ટીમો વચ્ચે 3 મેચની વનડે સિરીઝ અને 5 મેચની T20 સિરીઝ રમાશે. પરંતુ આ શ્રેણી પહેલા ઈંગ્લેન્ડની ટીમને મોટો ઝટકો લાગ્યો છે. તેમનો કેપ્ટન જોસ બટલર ઈજાના કારણે આ વનડે શ્રેણીમાંથી બહાર છે. જોસ બટલર T20 વર્લ્ડ કપ 2024થી ટીમની બહાર છે અને તે આ સિરીઝમાંથી વાપસી કરવાનો હતો. પરંતુ તે હજુ પણ ફિટ નથી. જેના કારણે ઈંગ્લેન્ડે નવા કેપ્ટનના નામની જાહેરાત કરવી પડી છે.

ઈંગ્લેન્ડની ટીમે ફરીથી કેપ્ટન બદલ્યો

આ મહિનાની શરૂઆતમાં ઈંગ્લેન્ડ અને વેલ્સ ક્રિકેટ બોર્ડ દ્વારા બટલરને ટીમમાં સામેલ કરવામાં આવ્યો હતો અને તેની વાપસી નિશ્ચિત હતી. પરંતુ તે ઈજામાંથી બહાર આવી શક્યો નથી. બટલર હજુ સંપૂર્ણ રીતે ફિટ નથી. આવી સ્થિતિમાં ઓલરાઉન્ડર લિયામ લિવિંગસ્ટોનને વેસ્ટ ઈન્ડિઝ સામેની વનડે શ્રેણી માટે ઈંગ્લેન્ડ ટીમનો કેપ્ટન બનાવવામાં આવ્યો છે. જોસ બટલરના નામની જાહેરાત કરવામાં આવી નથી. જેનો અર્થ એ થયો કે સિરીઝ માટે ઈંગ્લેન્ડની 14 સભ્યોની ટીમમાં હવે 13 ખેલાડીઓ જ છે.

Web Stories View more

સારા તેંડુલકરનો બિકીની લુક સામે આવ્યો, સખીઓ સંગ મસ્તી કરતી દેખાઈ

પૃથ્વી પર આ જીવ છે અમર, મળ્યા છે કુદરતના આશીર્વાદ

અદાર પૂનાવાલાની પત્નીનો સ્ટાઈલિશ લુક ચર્ચામાં રહે છે, જુઓ ફોટો

રોજ સરસવના તેલથી પગના તળિયામાં માલિશ કરવાથી જાણો શું થાય છે?

Blood Pressure : હાઈ બ્લડ પ્રેશરના દર્દીઓએ દવા ક્યારે લેવી જોઈએ?

ખાલી પેટ લીમડાનો રસ પીવાથી જાણો શું થાય છે?

Liam Livingstone to lead England for the ODI series against West Indies as Jos Buttler is yet to recover fully from his calf injury.#WIvENG pic.twitter.com/J49jZ36cgN

— Cricbuzz (@cricbuzz) October 21, 2024

લિયામ લિવિંગસ્ટોન પહેલીવાર કરશે કેપ્ટનશીપ

ઈંગ્લેન્ડે તાજેતરમાં ઓસ્ટ્રેલિયા સામે વનડે શ્રેણી પણ રમી હતી. જોસ બટલર પણ તે શ્રેણીમાં ટીમનો ભાગ ન હતો. ત્યારબાદ હેરી બ્રુકને ODI ટીમનો કેપ્ટન બનાવવો પડ્યો. પરંતુ તેની કપ્તાનીમાં ટીમને 2-3થી હારનો સામનો કરવો પડ્યો હતો. આવી સ્થિતિમાં બટલરને વેસ્ટ ઈન્ડિઝ સામે કેપ્ટન તરીકે ટીમમાં સામેલ કરવામાં આવ્યો હતો, પરંતુ તે ફરી એકવાર બહાર થઈ ગયો છે. આ પહેલીવાર હશે જ્યારે લિયામ લિવિંગસ્ટોન ઈંગ્લેન્ડની ટીમની કેપ્ટનશીપ કરતી જોવા મળશે.

31 ઓક્ટોબરથી શરૂ થશે સિરીઝ

ઈંગ્લેન્ડ અને વેસ્ટ ઈન્ડિઝ વચ્ચે 3 મેચની ODI સિરીઝ 31 ઓક્ટોબરથી 6 નવેમ્બર સુધી રમાશે. આ પછી T20 શ્રેણી શરૂ થશે. 5 મેચોની T20 શ્રેણી 9 નવેમ્બરથી 17 નવેમ્બર વચ્ચે રમાશે.

વેસ્ટ ઈન્ડિઝ સામે વનડે શ્રેણી માટે ઈંગ્લેન્ડની ટીમ

જોફ્રા આર્ચર, જેકબ બેથેલ, જાફર ચૌહાણ, સેમ કરન, વિલ જેક્સ, લિયામ લિવિંગસ્ટોન (કેપ્ટન), સાકિબ મહમૂદ, ડેન મુસ્લી, જેમી ઓવરટોન, આદિલ રશીદ, ફિલ સોલ્ટ, રીસ ટોપલી, જોન ટર્નર.

આ પણ વાંચો: કસમયે ઘરે બોલાવી, અયોગ્ય રીતે સ્પર્શ કર્યો… ઓલિમ્પિક મેડલ વિજેતા મહિલા કુસ્તીબાજનો સનસનાટીભર્યો ઘટસ્ફોટ

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો