અફઘાનિસ્તાન ટીમને આ ખેલાડી કોચીંગ આપશે, ઈંગ્લેન્ડ માટે હજારો રન બનાવ્યા છે
Cricket : જોનાથન ટ્રોટ (Jonathan Trott) ને અફઘાનિસ્તાન ક્રિકેટ ટીમના મુખ્ય કોચ તરીકે નિયુક્ત કરવામાં આવ્યા છે. 41 વર્ષીય ટ્રોટે ઈંગ્લેન્ડની આંતરરાષ્ટ્રીય ક્રિકેટમાં રન બનાવ્યા છે.
ઈંગ્લેન્ડ ના ભૂતપૂર્વ ક્રિકેટર જોનાથન ટ્રોટ (Jonathan Trott) ને અફઘાનિસ્તાન ક્રિકેટ ટીમ (Afghanistan Cricket) ના મુખ્ય કોચ તરીકે નિયુક્ત કરવામાં આવ્યા છે. જોનાથન ટ્રોટ ઓગસ્ટમાં અફઘાન ટીમના આયર્લેન્ડ પ્રવાસ દરમિયાન ટીમની કમાન સંભાળશે. નોંધનીય છે કે દક્ષિણ આફ્રિકાના દિગ્ગજ ઓલરાઉન્ડર લાન્સ ક્લુઝનરે T20 વર્લ્ડ કપ 2021 પછી અફઘાનિસ્તાન ટીમના મુખ્ય કોચનું પદ છોડી દીધું હતું. ત્યાર બાદ અફઘાનિસ્તાન ક્રિકેટ બોર્ડ ટીમના મુખ્ય કોચની શોધમાં હતી.
41 વર્ષીય જોનાથન ટ્રોટ અફઘાનિસ્તાન ટીમના કોચ બનવાને લઈને ખૂબ જ ઉત્સાહિત છે. જોનાથન ટ્રોટનું માનવું છે કે, અફઘાનિસ્તાનની ક્રિકેટ ટીમ વિશ્વની શ્રેષ્ઠ ટીમો સાથે સ્પર્ધા કરવા માટે વધુ સક્ષમ છે. જોનાથન ટ્રોટ (Jonathan Trott) એ કહ્યું, “આંતરરાષ્ટ્રીય ક્રિકેટમાં સૌથી રોમાંચક ટીમોમાંથી એક વિકસાવવાની તક મળવાથી હું સન્માનિત અને ઉત્સાહિત છું. હું એવા ખેલાડીઓના જૂથ સાથે કામ કરવા માટે રાહ જોઈ શકતો નથી જેઓ અફઘાનિસ્તાનના લોકોને ગર્વ અનુભવે તેવા માટે સ્પષ્ટપણે સક્ષમ છે.’
🚨 NEWS 🚨
South African-born Former English middle-order batter @Trotty has been named the new head coach of our national men’s cricket team. He will step up into the role of head coach during Afghanistan’s tour to Ireland in August.
More: https://t.co/v1Eck9mA4r pic.twitter.com/K6Sz54hyxu
— Afghanistan Cricket Board (@ACBofficials) July 22, 2022
આવી રહી છે જોનાથન ટ્રોટની આંતરરાષ્ટ્રીય ક્રિકેટ કારકિર્દી
ઇંગ્લેન્ડના પુર્વ ક્રિકેટર જોનાથન ટ્રોટ (Jonathan Trott) એ પોતાની ઇંગ્લેન્ડ ટીમ માટે 52 ટેસ્ટ, 68 ODI અને 7 T20 આંતરરાષ્ટ્રીય મેચો રમી છે. જેમાં અનુક્રમે 3835, 2819 અને 138 રન બનાવ્યા છે. આ દરમિયાન તેના બેટમાંથી કુલ 13 સદી અને 42 અડધી સદી નીકળી હતી. તેણે છેલ્લે મે 2015માં બ્રિજટાઉન ખાતે વેસ્ટ ઈન્ડિઝ સામેની ટેસ્ટ મેચમાં ઈંગ્લેન્ડનું પ્રતિનિધિત્વ કર્યું હતું. જોનાથન ટ્રોટ બેટિંગની સાથે સાથે ઉપયોગી મીડિયમ પેસ બોલર પણ રહ્યો છે.
અફધાનિસ્તાન અને આયરલેન્ડ વચ્ચે રમાશે 5 ટી20 મેચની સીરિઝ
અફઘાનિસ્તાનની ટીમ (Afghanistan Cricket Team) પાંચ T20 મેચોની શ્રેણી માટે આયર્લેન્ડના પ્રવાસે જઈ રહી છે. અફઘાનિસ્તાનનો આયર્લેન્ડ પ્રવાસ 9 ઓગસ્ટ (મંગળવાર) ના રોજ બેલફાસ્ટમાં સિવિલ સર્વિસ ક્રિકેટ ક્લબમાં ઓપનિંગ મેચ સાથે શરૂ થવાનો છે. અફઘાનિસ્તાનનો આયર્લેન્ડ પ્રવાસ 17 ઓગસ્ટ (બુધવાર)ના રોજ આ જ મેદાન પર પાંચમી મેચ સાથે પુરો થશે.
