IPL 2022, Orange Cap: ફાફ ડુ પ્લેસિસનનુ ઓરેન્જ કેપ પર રાજ યથાવત, આયુષ બદાની અને ઉથપ્પા પણ રેસમાં
IPL 2022, Orange Cap: દરેક સિઝનના અંતે સૌથી વધુ રન બનાવનાર બેટ્સમેનને ઓરેન્જ કેપનો હકદાર માનવામાં આવે છે. આ માટે સમગ્ર લીગ દરમિયાન બેટ્સમેનો વચ્ચે યુદ્ધ ચાલી રહ્યું છે.
IPL 2022 માં, સાતમી મેચ ગુરુવારે ડિફેન્ડિંગ ચેમ્પિયન ચેન્નાઈ સુપર કિંગ્સ અને નવી લૉન્ચ થયેલી ટીમ લખનૌ સુપર જાયન્ટ્સ વચ્ચે રમાઈ હતી. હાઈ સ્કોરિંગ મેચમાં બંને ટીમના બેટ્સમેનોએ છગ્ગા અને ચોગ્ગાનો વરસાદ કર્યો હતો, પરંતુ તેમ છતાં કોઈ પણ બેટ્સમેન ઓરેન્જ કેપ (IPL Orange Cap) ની રેસમાં ફાફ ડુ પ્લેસિસ (Faf Du Plessis) ને હરાવી શક્યો નહોતો. જો કે આ મેચ બાદ ચેન્નાઈ સુપર કિંગ્સના રોબિન ઉથપ્પા અને લખનૌના યુવા સ્ટાર આયુષ બદૌની (Ayush Badoni) આ રેસમાં જોડાઈ ગયા છે અને હવે આ રેસ દરેક મેચ સાથે વધુ રસપ્રદ બનવા જઈ રહી છે.
આ મેચ સાથે ઓરેન્જ કેપની રેસ વધુ રસપ્રદ બની છે. લીગમાં રમી રહેલા બેટ્સમેન માટે ઓરેન્જ કેપ મેળવવી એક સપનું છે. આ એક એવો એવોર્ડ છે જે બેટ્સમેનની ક્ષમતાને સાબિત કરે છે. લીગની મધ્યમાં પણ આ કેપના હક બદલાતા રહે છે. મતલબ કે જે બેટ્સમેન મેચ દ્વારા મેચમાં વધુ રન બનાવે છે તેને આ કેપ મળે છે અને ટૂર્નામેન્ટના અંતે જેના બેટે સૌથી વધુ રન બનાવ્યા છે. તેને ઓરેન્જ કેપ આપવામાં આવે છે.
ગયા વર્ષે ગકાયવાડે ઓરેન્જ કેપ જીતી હતી
ગયા વર્ષે પણ આ કેપને સખત સ્પર્ધા મળી હતી. સ્પર્ધા એટલી અઘરી હતી કે ફાઈનલ મેચ બાદ એવોર્ડનો નિર્ણય લેવામાં આવ્યો હતો. ચેન્નાઈ સુપર કિંગ્સના સ્ટાર બેટ્સમેન ઋતુરાજ ગાયકવાડ ગયા વર્ષે તેના લાયક હતો. તેણે 16 મેચમાં 635 રન બનાવ્યા હતા. તે જ સમયે તેના સાથી ફાફ ડુ પ્લેસિસે માત્ર બે રનના માર્જિનથી આ કેપ જીતવાની તક ગુમાવી દીધી હતી. આ વખતે ડુ પ્લેસિસ આરસીબીનો કેપ્ટન છે અને તે પ્રથમ મેચથી જ સારી લયમાં જોવા મળી રહ્યો છે.
જાણો સાતમી મેચ બાદ શું છે સ્થિતિ
અત્યારે તો લીગની શરૂઆતનો તબક્કો છે, તેથી લગભગ દરેક મેચ સાથે ઓરેન્જ કેપનો હકદાર બદલવુો લગભગ નિશ્ચિત છે. બુધવારે આરસીબી અને કેકેઆર વચ્ચેની મેચ બાદ ફાફ ડુ પ્લેસિસના માથા પર ઓરેન્જ કેપ જળવાઈ રહી હતી. ગુરુવારે ચેન્નાઈ અને લખનૌ વચ્ચેની મેચ બાદ પણ તેણે પોતાનું સ્થાન જાળવી રાખ્યું છે. તે 93 રન સાથે ટોચ પર છે. બીજા સ્થાન પર હાલમાં મુંબઈ ઈન્ડિયન્સનો ઈશાન કિશન છે, જેણે પોતાની પ્રથમ મેચમાં 81 રન બનાવ્યા હતા. લખનૌ સામે ધમાકેદાર અડધી સદી ફટકારનાર રોબિન ઉથપ્પાના ખાતામાં 78 રન છે અને તે ત્રીજા સ્થાને છે. બીજી તરફ લખનૌના બેટ્સમેન આયુષ બદૌનીએ અત્યાર સુધી 73 રન બનાવ્યા છે અને તે ચોથા સ્થાને છે. તે જ સમયે, તેના પાર્ટનર દીપક હુડ્ડાએ બે મેચમાં 68 રન બનાવ્યા છે અને તે પાંચમા સ્થાને છે.
| ક્રમ | બેટ્સમેન | ટીમ | રન |
| 1 | ફાફ ડુ પ્લેસિસ | ચેન્નાઈ સુપર કિંગ્સ | 93 |
| 2 | ઈશાન કિશન | મુંબઈ ઇન્ડિયન્સ | 81 |
| 3 | રોબિન ઉથપ્પા | ચેન્નાઈ સુપર કિંગ્સ | 78 |
| 4 | આયુષ બદાની | લખનૌ સુપરજાયન્ટ્સ | 73 |
| 5 | દીપક હુડા | લખનૌ સુપરજાયન્ટ્સ | 68 |
આ પણ વાંચોઃ IPL 2022, CSK vs LSG: અંબાતી રાયડૂને રન આઉટ કરવાનુ જ ચામિરા ભૂલી ગયો, કૃણાલ પંડ્યા પણ આશ્વર્યથી જોતો જ રહી ગયો, Video
આ પણ વાંચોઃ CM ભૂપેન્દ્ર પટેલે ટ્રોફી લોંચીંગ સમયે શાનદાર ક્રિકેટ બેટ જોઈ કહ્યુ ‘મારે પણ આવુ બેટ જોઈશે’, ચૂંટણી પહેલા ચોગ્ગા છગ્ગા વાળી કરશે!
